📌 唔鍾意男朋友個frd
共 53 條紀錄
唔鍾意男朋友個frd點搞，感覺佢好唔專重我。
同男朋友一齊咗一年幾，之前男朋友生日派對慶祝嘅時候都有見過，仲感覺幾Nice，但係愈來愈覺得好唔尊重我。
之前一齊去食飯，佢會喺我面前提我男朋友ex個名。
我生日男朋友買咗個AirPods 比我佢又話我拜金(佢生日我都送咗銀包俾佢)。
同男朋友慶祝一年食飯食貴少少佢請(平時都係aa)，佢個frd又會喺度話點解唔aa，係咁叫我男朋友問返我攞錢。
同男朋友講過我嘅不滿，但係佢就喺度話佢個frd都係講吓笑鳩噏..
唔通我真係要默默受氣，粒聲唔出？
我男朋友同我一齊之後都少咗好多壞習慣(食煙嗰啲)，佢個frd竟然同我男朋友講唔應該為咗我去改變自己？？？？？
其實佢係咪唔抵得我男朋友對我好
我同你差唔多，不過對我彈三彈四嗰條八婆當時係我同男朋友嘅共同朋友
我哋拍拖第一次過聖誕，去東涌某酒店食餐飯，佢走去問我男朋友，點解同我食咁貴🤡 東涌咋，同埋過聖誕
又有一次，男友遇到條八婆，八婆問我男朋友點解喺度，男友話同我食完飯，八婆問我男朋友點解唔等埋佢跳完pole落堂食飯🤡
佢又屈我聖誕party去Aeon買幾十蚊買一送一椰果做交換禮物🤡 影相嗰陣係佢手叉腰頂住個位，仲鬧我’仲乜撚野企咁遠‘
大家聖誕party扮cool扮黑面影相（但咁啱其他人又忍唔到笑），個畫面就變成有人黑面有人笑。八婆拎呢張相同我男朋友講我嗰日喺度黑面🤡🤡
八婆仲有另一個fd，呢個人同我男朋友講，唔同我分手，會無晒啲朋友🤡
所以，屈得一次就有無數次
面嗰浸都已經咁唔尊重，底嗰浸只會更劣
咪鬼硬碰硬，可以綠茶啲，男人係負責解決問題，你要企喺佢嗰邊去對抗問題，而唔好將自己變做嗰個問題。
可以試吓溫柔啲講，你講返俾我聽，係咪因為你都唔忿氣佢咁話我呀？你真係好錫我啊！
佢係咪best friend嚟㗎？ Best friend唔會咁話兄弟啲女朋友搞到兄弟咁難受個喎。算啦，我安慰返你。
我覺得你超sweet啊，我戴住個AirPods個個都話好靚！有你真好！
講真，你男朋友聽完就算，唔會嬲返佢個friend，不過日子耐咗，應該都會叫佢friend講少句。
可能我 i 人啦，一直都唔明點解有啲人咁鍾意叫另一半同自己啲fd食飯,聚會,有啲分分鐘冇共同話題，唔無聊咩？如果只係偶然食下飯ok既， 如果你男朋友堅決要叫埋佢聚會，一系你就唔好join，一係就唔好叫佢嚟。如果你男朋友唔肯，其實我覺得係可以考慮分手， 講到明你介意，都唔肯正視件事，其實佢都唔係好尊重你。
假如男仔是成熟有擔當識 TAKE CARE 你的感受，
就算唔係完全疏遠呢個朋友，起碼試過第一次衝突之後就唔應該畀你地同場合出現，同埋言語上應該主動維護你。
同埋呢個 "朋友" 係男定女？
個人覺得假如呢個 FD 係女性，而你男友又只會不斷維護佢同埋拒絕疏遠，
咁你就真係要考慮清楚，成件事綠茶味好濃。
男人真係好鐘意呢招，唔抵得個fd有女友或者覺得你搶佢朋友，背後瘋狂挑撥離間，叫人去叫雞嗰啲
佢次次都係咁咁間接證明你男友冇阻止過佢，甚至可能認同佢講法或者就係佢背後同朋友呻的，只係女友「有用」所以唔會分手
係睇你男友邊日會突然放大個諗法飛咗你再扮受害者
係。佢個bro成日同佢講邊度邊度有好多靚女叫佢去。。
我唔知我男朋友係認同佢定係覺得佢都係講下笑，總知就係好鳩。
你唔係小氣 係佢真係冇分寸
提ex、話你拜金、插嘴你哋點洗錢 呢啲唔係講笑喔 係冇尊重你
重點係你男朋友點處理
如果佢只係話佢鳩噏啫 其實即係佢冇幫你擋
真正健康嘅關係係你唔需要同佢啲朋友鬥 係佢會幫你企喺前面！
如果佢一直當冇事其實問題就唔止係個frd咁簡單了。。
從前好多男人投訴女朋友有個搞事蜜友
今日有女人抽出男朋友身邊嗰個踩台兄弟
Same，而且自古以嚟一直都有
搞事者，純粹冇品，可以唔見就唔好見
伴侶都要識做，有啲嘢聽完個fd講完就算
唔使食誠實豆沙包，乜都講返出嚟，只會搵交嗌
收個airpods都俾人話拜金
好慘🥲
我以前細個嘅時候拜金
係指個女仔會飛左自己嘅窮男友
然後痴去又有錢又成功嘅男人到 住豪宅 揸靚車 踩住高踭鞋孭靚袋要司機車出車入
估唔到今時今日收airpods都係拜金
你條仔佢未必係衰人 但都幾肯定係冇乜主見 係就係物以類聚 但有兩個好懸殊嘅人出現喺同一個frd grp亦都唔出奇 唔排除係咁
不過如果你都講得咁清楚自己唔舒服冇改變嘅 其實都真係可以考慮分手
你男朋友個friend啲行為，似八婆多個似係佢啲friend，男人老狗好少會做啲咁小家嘅嘢喎，老老實實佢個friend係咪基佬嚟，睇中咗你男朋友唔想你兩個喺埋一齊所以特登咁樣做㗎
兜口兜面直接笑笑口「我男友錫我吖嘛，你唔係妒忌呀嘩。 葡萄酸到咁，搞到我有啲懷疑你係咪鍾意左佢」
跟住再補多句
「我都係講笑啫，你唔似咁小氣嘅」
雖然原因不明。明顯地佢在你男友面前暗裡明裡打壓你矮化。猜想目的是挑動你情緒行為失態．．莫非．．佢暗戀你男友？你男友當然好享受一拖=三人行街喇
兜口兜面話我覺得你唔尊重我
唔係話提ex有問題
而係你fd宜家同我一齊，係好係唔好都同男朋友冇關
你覺得佢咁好，追佢囉！😊
(笑笑口講☺️)
下次再係咁
起身比返自己份錢叫佢地慢慢食，你有d事返屋企先
仲有唔好再同佢fd你男友一齊出去食飯
d仆街同on 9你唔比態度會繼續踩
我就都幾信人以群分，好可能你男朋友背後都係咁樣對佢啲friend嘅女朋友，佢哋大家都係咁做，所以覺得冇問題。
maybe。
我一直以來都深信男朋友朋友對自己嘅態度都係男朋友允許嘅，又或者男朋友喺佢朋友堆中冇人尊重佢🤷♀️
你同男朋友食飯邊個比錢佢又知，連慶祝佢請都知，咁其實係你男朋友同佢講，佢自己都有問題，加深你對佢fd不滿
因為同男朋友po story食周年飯，佢個bro reply佢story問食咩邊個請，btw我都覺得我男朋友好有問題。。
個男仔喺你面前叫你男朋友問你攞番錢？定係你男朋友同你講佢個frd 咁講？如果係後者，你男朋友問題大啲wor
其實你同你條仔拍拖、點解變成三人行？ 咁你哋分開，你哋2個去拍拖、佢同佢fd 2個出街咪ok, 做咩要困獸鬥？
咁以後唔好一齊食飯會好D
同埋會唔會係你男友搵過佢呻所以佢先咁話你?
可能你男友都有D問題喎
佢妒忌，所以唔好怕佢嘅攻擊，喺佢面前勁晒恩愛，勁放閃，你地越開心，佢越唔抵得。
似係佢覺得你男朋友條件比佢差都有女朋友，平時AA又互送禮，唔抵得想整散你地
不過你男朋友都唔慌係咩好嘢，如果唔係哩d負面嘢唔智有第二次
唔識尊重朋友嘅女朋友，即係冇家教
男朋友唔為女朋友發聲，即係冇撚用
你男朋友肯定有同佢講過你d野，唔好嘅、男朋友怕你嬲嘅野，就由果個frd講
你見到佢都可以問鳩佢點解咁得閒同你男朋友約，係咪嗰人衰無女/男朋友約
佢啲朋友對你印象都係你條仔比嘅
背後講左你幾多壞話你自己心照啦
我老公當年仲係男朋友個時
佢有個frd講我壞話 佢屌9完人之後絕左交
做乜生日食飯送乜嘢佢都會在場即時comment嘅？ 下叫生日叫佢唔好來
咩人近咩人，你男朋友有呢個朋友，咁你男朋友都好打有限😅
你條仔一定係同佢fd呻過佢fd先會咁，所以你要求條仔係冇用
覺得送個AirPods都拜金嘅話，就叫佢搞掂自己下一餐先啦
有冇諗過係佢同個friend呻，佢個friend做醜人出聲？