問吓大家
3x歲女，月薪一萬多啲，未婚，家有2老唔敢叫佢哋退休
咁樣會唔會太廢🫠
唔做重易老，坐曬係屋企，你眼望我眼。唔順超，重過幾招就大檸樂
月薪咁低係返半職/全職/自僱？
兩老幾多歲？
你既然冇本事養埋佢地，就唔好出聲叫佢地退休，如果你養唔到，又叫佢地退休，更加不設實際⋯⋯
你月薪萬幾可以申請公屋，養好自己先，你父母如果有樓其實就可以逆按揭，再加長生津，其實未必需要你供養啲咩
廢， 不過你好大機會住緊公屋。
長者津貼4千左右。 你幫手交屋租。
其餘佢哋自己應該搞得掂。
都幾頭痕，不過又唔係冇得搞嘅，世伯伯母都應該差唔多65啦，兩老退休，申請綜援/長生津，你地3個排間公屋，綜援加MPF都夠過活嘅
社會福利係你地應得嘅保障，唔好覺得拎綜援係負面嘅
你30幾都仲係搵萬幾。都係住公屋架姐
我就未見過唔係住公屋，夠膽搵萬幾
問廢唔廢..你地屋邨人就算啦..話你又唔會改嘅
你父母一路諗住住公屋洗好少錢就唔叫你上進
到老來有外勞無能力做，想退休，點知你又無能力上
🤷🏻♀️🤷🏻♀️🤷🏻♀️都係d窮撚思想教到你停留係度
背景可以係：雖然月薪一萬，但層樓已經供晒，另外仲有樓收租，父母係公司老闆所以唔退休
每個人都有自己嘅命運同位置，你父母生你出嚟唔係話真係要你養佢哋，你好好照顧自己，已經對得住佢哋對得住你自己，唔好諗咁多
有咩廢唔廢？
最緊要係你過得開唔開心
退休問題佢地會自己諗，你顧掂自己已經好好
我30幾歲個陣都係月薪萬多兩老60，而家40幾兩老70有一個還在工作，你考慮左自己先免得佢地擔心你
有啲老人家唔論到你叫佢哋退休，返工好似搵勢藝咁
我老母就係😑
我都覺得自己好廢 入過兩間大公司都比人炒 因為情緒問題 現在已失業一年半 零收入 見到其他人帶個仔去旅行 自己又無呢個能力覺得好自責
幾時退休係佢哋個人選擇尼，相信佢哋做咗咁多年人都判斷到係咪適合退休嘅時機，所以唔使俾咁大壓力自己，有能力供養返佢哋當然好，但當佢哋有能力選擇嘅時候，佢哋有責任處理返好自己～搞掂自己先，加油🫶🏻
咁唔問題，只要你同父母仲可以係埋一齊，其他人無意見，咁話啦！除非，你真係，唔係其它原因，真心一意！但凡，如果你唸下又唸下，就一定會亂囉！
唔會呀，兩老咁佢地有本事搞得掂自己咪退，女係會幫少少，但唔係諗住靠個女養呀
佢哋退休 你又冇多餘錢俾佢哋洗 佢哋返工起碼可以自給自足😂
你想佢哋退休
但佢哋可能未想退休
唔係個個享受退休生活嘅
不如你諗咗自己點搞掂自己生活而唔使佢哋擔心先啦～