啟德演唱會開咗一年
雖然好大好大好大
但如果大家睇返紅館的話
視野同舒服，感覺好似紅館好啲
大家有同感嗎？
講環境我鍾意啟德，以前睇紅磡睇親都出晒汗，啟德冷氣夠🤭🤭
不過氣氛真心紅館正好多，同埋果陣多好多都係香港人睇🥲
今日先同friend講完 以前紅館冇咁多大陸人🥲🥲🥲
紅館坐到山頂都仲睇到粒星
啟德坐中間都只係睇Mon，票價又貴
紅館坐前真係可以同粒星好近，最正始終係紅館
有朋友約我去啟德體育館睇演唱會，我一口拒絕，因為個場太大大到你根本睇唔到你偶像表演往往都係睇Mon咁不如唔睇好過啦，要睇梗係紅館睇啦。
要睇歌手有否駕馭大場的能力
5月天做到了
今晚場內5萬人的情緒，比紅館更熱烈
個人覺得啟德個場太大好難近距離睇到自己個偶像，入到去變咗大型K房冇乜意思。
紅館係最好
冇咩限制
又可以玩到12點
玩應援又易玩d
啟德啲音響差到一個點，echo 大撚到pk。 第一次睇係坐最尾嗰啲包廂，第二次睇就係坐側邊嘅包廂，第三次坐近啲個台，但係三次體驗都好差。第一次完全聽唔到啲歌手講嘢，勁重疊。第二次左邊聽到右邊delay，辛苦到爆。第三次好少少，不過啲Echo變咗喺後邊。
咁可能因為場地太大啦，三次演唱會三個唔同嘅演出都有同一個問題
一定係紅館
紅館可以近距離望到星
啟德只係望到Mon
我覺得如果個歌手係紅館有心做四面台，有舞台效果，作為觀眾坐高啲都可以享受到睇現場演出，我唔係嚟聽歌，我係嚟睇表演，要聽歌我用手機聽得喇。而無論係啓德定紅館做三面台都係搵笨，根本就係個歌手企係一個學校禮堂唱歌，毫無立體感。唔好搵國際歌手係外國開演唱會同香港比較，外國睇演唱會係睇氣氛，個個企足成晚，郁身郁勢勁high，係香港坐定定如果又睇唔清楚個台，個歌手細粒過隻螞蟻，真係嘥氣。👎👎👎
兩個場都各有各好，視乎主辦單位肯投放幾多資金，肯擺錢落音響、燈光、舞台，兩個場一樣精彩，紅館因為比較細，可以同表演者距離相對近，啟德主場館場地大，但相對較容易買到飛（起碼冇紅館咁難）5萬人場，氣氛就靠表演者控場能力，（唔識控場嘅話，開伊館都一樣冇氣氛）當然現場觀眾配合同質素都好仲要，所以兩個場各有各好
兩個場既山頂位，最前位都坐過
感受真係冇咩分別 主要係我入去睇星同聽歌 但音響多數紅館好啲 所以有得選擇會選紅館
啟德是吸引國際級的來，香港歌聲有能力開亦是實力的認證。除了粒星，還有感受氣氛和震撼力。
日本Toko Dome那些都是如此
我鐘意啟德多啲，但冇可否認有點位置嘅音響係好差，特別尾位回音好勁
一定係紅館
紅館可以近距離望到星
啟德只係望到Mon
啟德有幾個好處，廁所乾淨，有水機飲水，最重要係場外冇賣螢光棒紀念品炒黃牛既大陸人。