啱啱喺大家樂 見到一個60歲左右嘅阿叔
一路食早餐 一路喺度睇動漫
證明咗動漫係依家嘅潮流😎
鐵甲萬能俠喺麗的播緊嗰陣，
60歲大叔都只係得8歲
高達喺無線上嗰陣60歲大叔啱啱讀中二
正值叫睇得明嘅年紀
禁書目錄出版頭幾期嗰陣
阿叔都係卅幾咋
佢無理解過… 我地睇果堆動漫 同而家後生睇果啲動漫已經係完全唔同既野
我覺得無想像中差咁遠
無必要對年代差無限美化或者醜化
技法會變
文化會變
作品就會反映當時嘅氣息
家父七十幾，係佢推我入漫畫坑，佢睇望月三起也同池上遼一
唔好意思, 我想講一直都係潮流, 我地追動漫既時間你真係未出世
我本人都80年代開始睇動漫啦
唔好意思，因為我成日聽到啲年齡比我大嘅人話 【咁大個人仲睇卡通片】所以以為好多上咗年紀嘅大人唔會睇。
再大我一輩既就真係比較多唔會睇既, 不過80年代開始就已經好普通
龍珠, 美少女戰士, 聖鬥士星矢, IQ博士, 足球小將, etc, 都係80年代既動漫
如果唔係普及既, 當年就完晒, 亦都冇可以紅到今時今日, 有唔少仲繼續出緊添
所以會睇既人其實一啲都唔少😝
EVA已經好後期啦, 之前大路啲既有
IQ博士, 足球小將, 龍珠, 城市獵人, 魔動王, 聖鬥士星矢, 美少女戰士, 鬼太郎, 亂馬½
佢係從幪面超人1號，鹹蛋超人，鐵甲萬能俠，三一萬能俠，小露寶，電腦奇俠，卡辛，1路走過來。。。。😂
個阿叔可能40年前就睇漫畫啦
係佢眼中你班靚仔先係追潮流
80年代已經有好多動漫架啦，果時阿叔都係十令廿歲者
你確定佢唔係由細睇到大？
利申：大叔，當年睇電視播0079。
動漫大約90年代至2000正式興起
正好係大叔壯年時候
其實同我哋而家差無幾
話唔定在坐各位老咗都會落去一路食早餐一路追新番
到時就係落大家樂同各位見面🤣