📌 啱啱喺M記食緊嘢，
共 55 條紀錄
啱啱喺M記食緊嘢，
有個5-60歲嘅女人突然同我講：
阿姐，呢度有冇人坐呀？
仲要講咗幾次-.-
今日心情俾佢ruin咗了
利申：我2x歲
唔知留言嘅人係真心定假膠，但我都幾肯定一個20零歲嘅女仔，做得我阿婆嘅女人叫我做「阿姐」就絕對唔係啲咩開心事🙂↕️
嗰啲搶口嘅comments都廢事幫你老豆老母教仔，把口臭就刷多幾次牙，咪喺度draw attention覺得自己咁講好型🙏🏻
試過六字頭五字頭都應該差唔多攞得兩蚊優惠嘅，我嗌佢阿婆佢話我侮辱佢，你話呢啲老嘢係咪好撚可悲死都唔撚認老，佢嗌人哋阿姐就得，但事實上論背分同年紀大佢成一轉都唔止俾佢嗌阿姐蝕底晒完全係調返轉佢真係阿婆嘅年紀，佢又唔鍾意人哋嗌佢阿婆阿姐，喺街度呢啲老女人心胸好撚狹窄，見到人哋啲妹豬又後生又打扮得靚靚佢就會攞隻眼嚟掘住人前日我喺呢度見到有個post喺個大媽一路跟住個妹豬尾鬧佢講咗啲好葡萄人哋嘅說話
老一輩嘅會覺得叫人小輩唔專重。叫先生小姐太formal。
我阿嫲 (已故) 當年6x都係叫3x嘅豬肉佬哥仔，2x嘅護士姐姐，etc。 反而佢勁唔like嘅5x洗衫鋪老闆 (好似成日揾唔到佢攞去乾洗嘅衫)就係阿妹 。
我當年就覺得無理由佢又叫姐姐 我又叫姐姐，所以由細到大都慳番稱呼，直接｢hi 請問呢個位有無人｣算。
年紀差咁多無可能係覺得你老過佢先咁叫啦，唔使咁sensitive吧？
人哋早就教落，見到男人就要叫乜哥物哥！見到女人就要叫乜姐物姐！呢啲叫法大家都係因為比面對方～久而久之就演變到啲人直接叫“阿哥”同“阿姐”咁囉～ 佢哋其實無醜化你，純粹比個面先係咁叫咋～ 只係無諗到，原來自己年紀比你大咁樣叫你，你會唔開心囉。。。所以以前啲人真係教衰哂。。。🥲🤭
其實有時好怪，例如男人，你叫佢大哥，通常佢後生或者老都唔介意. 但如果女人你叫佢大姐就無論後生或者老都會介意😂 (其實會唔會係幻想/聯想問題? 大哥可能聯想到行出嚟超威猛,又有錢又有面, 但大姐可能幻想到係廣場舞或者街市阿嬸🤣)
講真，佢視力差睇嘢唔清楚嘅機會係最大😂
我姨媽近五年每次見到我都驚嘆我冇曬眼紋，追問我做咗啲咩，其實我眼紋冇多到都絕對冇少到，反而應該係佢自己幾年都冇驗過眼，冇換過副眼鏡。
對啲年過55嘅人講嘅嘢，不論好壞都唔使太上心🫂
我真係明
講緊我以前中三定係中四搭東鐵綫讓個大陸小朋友行先 佢老母叫佢個小朋友同我講多謝阿姨😡
去到依家20尾 有時俾啲阿婆阿嬸叫我做阿姐我都仲會好嬲😢大佬呀 即使我有冇打扮佢正常都知佢個年紀係唔洗咁樣稱呼我
令我諗起舊時有份工做接待員，我有位22、23歲靚女同事比個呀叔叫呀姐，同事好嬲好大聲同佢講，我唔係呀姐呀！之後佢即刻補返句小姐🤣🤣🤣
不過叫人呀姐，聽落真係有少少難聽同無禮貌既，除左上司叫呀姐就無所謂
我25歲，啲3X歲叫我哥仔
小朋友叫我阿叔
由唔鍾意都要接受
叫阿姐算好，唔好祈望香港人識說話，會叫小姐先生/細佬阿妹
我返工都叫啲伯伯做哥哥，因為知道大家鍾意聽美麗的謊言
exactly，年紀大嘅我地會特登叫細啲，但明顯我係應該比人叫妹妹🙂↕️
根本應該叫我哋做細佬阿妹😮💨
只係唔知點解踏入社會後就冇聽過老一輩咁叫我哋，一係叫阿姐阿哥，一係叫阿姨阿叔，唉😮💨搞到每次都望一望塊鏡，有冇老咗咁多
有一個做得我阿爺嘅阿伯叫我做阿姐,嗰個係間中買紙巾嘅伯伯,我同阿媽講好憎俾人叫我阿姐,跟住我媽咪答我人哋尊重你先叫你阿姐🙄,仲教我叫你阿姐嘅人講我唔係阿姐😂
我想知點解啲阿姐阿嬸婆婆唔可以用一個欣賞嘅角度出發去睇一啲後生嘅女仔，而係要用呢種充滿惡意嘅說話同眼光去對人呢？我覺得人老咗好似佢哋咁樣真係好可悲
我個仔兩歲時識得嘅詞彙有限，男嘅淨係識得叫 “哥哥”，份人又鐘意撩人，成日叫啲七、八十歲阿伯做 “哥哥”，啲阿伯明明木口木臉，一聽都即刻笑晒 😆
鄰居個仔十幾歲，叫我老豆(6x歲) 叫哥哥，我老豆都立即笑容滿面🤣🤣🤣
50-70歲嘅人都有呢個習慣， 佢地個年代係叫人阿姐阿哥係代表比面你，有禮貌敬意嘅意思，叫得X姐X哥代表好威好有面。 其實真係代溝，大家表達個意思係唔同
叫阿姐好衰 不過都算好 前日有個阿姐問我第一次有冇人坐 我冇理佢 之後喂 有冇人坐 其實佢見到我自己一個食m記都知冇人 之後仲要問完又唔係坐jm9🙄
話你知啲死老嘢係咁，相反啲後生嘅唔會用阿姐阿哥呢呢啲稱呼叫人，所以呢個時候你一定要出聲，俾佢知其實佢真係好撚老
我個女（中學生）着住校服俾個小學生叫「姨姨」，嬲到佢同個小朋友講「你望下，我呢件係校服，我係姐姐，知唔知？」😂
我所有都叫阿姐，冇惡意。好似你2幾歲，其實我想叫阿妹，但硬係覺得好似認親認戚咁，所以通常都唔該乜乜唔該物物就算。
阿姐同姐姐既分別 佢應該想叫姐姐🤣 你梗係冇聽過一個年青人係特賣場俾人叫姐姐
啲人講嘢唔用腦.. 唔係講粗口你當賺左
三唔識七，冇必要幫佢諗咁多excuse，佢仲要講咗幾次，下次叫小姐咪算囉
明你呀，
有啲阿嬋好老土架，
個個都叫阿姐，一係叫靚女，
下次你話「我唔係阿姐，但呢個位有人嘅，阿嬸⋯⋯」
我試過俾個五六歲嘅小朋友叫叔叔，但係我先18歲，然後嗰細路叫50幾歲個同事做哥哥。
希望聽完你冇咁唔開心啦。
啲小朋友喜歡嘅就叫哥哥姐姐唔喜歡嗰啲做叔叔阿姨800阿嬸都叫得出。 完全係睇喜好。
有啲老野係特登
明明外表都做得佢啲仔女
硬係會叫你做叔/阿姐
叫到平輩咁
如果小朋友細到做到我仔女會由佢😂
有啲阿婆阿伯係咁，大陸人亦都會係咁，明明人哋後生過佢，係都要叫人做阿姐，甚至阿姨，心諗，乜撚嘢事🙄
36歲的表示係鋪已經被人叫啊姐叫到無感覺😂
我仲好熱情幫佢地😂😂😂
返左零售10幾年，嬲唔到了😂
依家某類阿叔阿伯阿嬸特登嘅
我見過啲10幾歲似返中學嘅比佢哋叫阿姐
反而我未聽過啲阿婆會咁叫人
我短頭髮被人叫阿哥/先生添啦，你自覺係靚女咪算，或者提下我唔係阿姐喎乜你咁冇禮貌話返佢。
我都有試過咁樣俾人叫阿姐 明明佢係阿嬸🥲 我即刻黑晒面唔想理佢 啲人真係好冇禮貌😅😅
你唔應佢太無禮貌了，你應該回佢
「叫妹妹先答你」
「叫妹妹先答你」
「叫妹妹先答你」
我三十幾歲試過喺地鐵畀個細路同我講伯伯畀你坐呀，但係我冇唔開心，係咪我嘅問題呢
唔好咁啦，廿幾歲男，都係俾人叫呀哥，咁你女既咪叫呀姐😏
呀姐咪即係姐姐，睇開d啦
唔好叫阿哥阿姐，直接問「唔好意思呢個位有冇人」係咪會死，咁大個人都唔識做🙁
有d人讀書少 或者懶得諗
於是詞彙少
統一對女人叫阿姐
對男人叫阿哥
有無可能係咁
當年我6年級喺街等同學 有個阿婆走埋嚟問路 佢叫我「師奶」添 幾十年我都仲記得
想當年我16歲喺kfc打工都俾d阿伯叫我阿姐，唯有當佢地老眼昏花睇唔清楚，睇開d
啲50幾60幾，不論男女，好鍾意叫人做阿姐，你下次見到呢啲叫返佢做阿伯阿婆。
我都試過比d阿伯叫阿姐，都試過d細路叫做阿姨（利申：本人3X歲同埋m記做）
唔駛唔開心
應該笑笑口同佢講“沒人坐架婆婆 隨便坐”另加100分笑容
我都成日遇過呢啲 好乞人憎 明明都做得你個女啦 你做阿姐阿姨。。。
“”阿姐“係general 既稱呼，無分年齡，少少事都咁mind，生活好痛苦！
其實佢冇乜特別意思，我以前學生嗰陣時，有啲老人家都會叫我阿哥
喺香港多被人叫妹妹，之前去內地交流團被服務員叫「𡃁妹」😂
我18歲返pt 有個女人教佢個仔叫我做呀姨🤡 你仲係呀姐 算後生
我啱啱出嚟做野嗰時，都試過比7仔阿姐叫我阿姐⋯勁冇禮貌😒
我16歲俾人叫叔叔，係咪生得靚仔先有資格俾人叫哥哥😭
唔好同啲婆婆計較啦、唔叫你直接讓座已經算係幾好啦！
你去街市買野會開心返
我到EE既年紀都俾佢地叫阿妹😂
講漏左 師 字
阿師姐
呢度有無人坐
成件事係咪順咗