啱啱搭地鐵，有個阿嬸霸住咗兩個位（即係將個袋擺喺另外一個位度）然後有個女仔想坐，個阿嬸一開頭唔想讓位嘅，跟住個女仔係咁望住佢，個阿嬸就好無奈咁樣攞返個袋俾佢坐。隔咗一陣，佢忽然間起咗身，一路行開一路鬧個女仔，咁當然個女仔都唔憤氣啦，就屌返佢轉頭，然後就有個阿叔叫個女仔收聲。
問題嚟啦，坐喺對面嘅我都有啲想開口幫個女仔解釋嘅，但係我又驚激嬲個阿嬸，因為佢上一程車一路喺度自言自語，我估佢其實係有少少問題嘅。我想幫佢嘅原因，係因為個阿嬸惡人先告狀，但係我又唔夠膽🥹

俾著係你哋，你哋會唔會幫個女仔？

多謝大家嘅意見
我果然係成個鵪鶉咁
我下次如果再遇到呢啲事情，我都會幫
學到嘢了💪🏻

幫，呢d情況有隊友好緊要，個女仔一打二要支援

我依家諗返起都好後悔😔

個呀叔有病？幫啲仆街叫個女仔收聲

如果我係個女仔我一開始想坐會同阿嬋講，唔該我想坐個位。而唔係望住阿嬋，好多人就係爭一句＂唔該＂！
又代入返你個角色，我都會出聲幫個女仔。

梗係要出聲啦 嗰啲 阿叔 明知女人唔啱咁樣幫佢痴線㗎

知唔知點解啲閪人越黎越猖狂？
就係帶頭做勇士果班永遠冇人幫拖
然後勇士開始絕種

而家再唔開聲，之後就唔會再有公義。

香港人幾時變到咁撚廢 日撚日比廢老恰到上心口 都冇人出聲 縱容左班仆街出黎