啱啱知道一件事。
當日宏福苑火災，當日有兩位裝修師傅（父子）為一單位裝修，因困在災場而離世。家庭失去兩位男士及經濟支柱，但因不是住民，除了完全沒有火災的相關資助，甚至他們的死並沒人關注。
想請問咁多位大神有冇啲乜嘢可以幫助兩位？
我聽到個case係，爸爸、仔、大伯去一單位裝修，阿仔見大煙落樓睇下發生咩事，之後就上唔返去。大伯&爸爸走唔到。佢哋唔係災民，所以沒有任何賠償
大埔街坊， 聽聞運頭街一間水電鋪有老闆喺宏福苑整野失蹤，唔知喺咪呢件？
自僱人士？有冇保險？😮
其實咪就係普通工傷處理方法
真係慘，2位師傅當時一定好絕望😞知唔知喺邊棟樓？宏昌定宏泰定其他樓宇？
咁業主都知道有冇師傅喺度裝修㗎？業主唔開門師傅點可以入去呢？
未必。我屋企前前後後裝修過三次，都係俾鎖匙師傅。平時返工返學唔得閒開門俾佢，大裝修都要搬出去住。
建議搵工業傷亡權益會，由協會確定呢件事之後再搞眾籌，咁應該會比較有說服力。
係有一單堅嘅，不過唔係父子，係兄弟，唔信自己落佢哋鋪頭問，要fact check 可以pm問我攞地址🙏🏻
好心唔好搞人哋啦 你覺得人哋有心情同你fact check?!
我就知係真嘅，亦都唔會喺人家屬傷口灑鹽，但樓上唔信，真係要做到咁嘅地步嘅話，咁咪自己去問囉，我又唔會喺度公開講邊間鋪頭
係有啲無情，不過都理解，間屋燒咗，經濟一定出問題，要住臨時房屋，呢種情況係冇辦法帶住個工人😢
兩個錯誤的人死在錯誤的地點！神都不幫你！可能就係這兩個人吸煙引起火災！
如果搵到當事人接受訪問證實需要幫助，我會選擇直接捐俾佢，唔會有其他人搵著數，又肯定幫到佢。
所以咪叫政府公佈死者名單囉，等大家唔使估估下，政府又話私隱唔公佈都唔知做乜鳩
希望家人能尋求社會福利署社工跟進！希望求助得到幫助😔
你的本意是好的。不過建議瞭解一下家有兩位裝修工人的家庭是否有經濟需要。如果住公屋，叫遺孀搵下銀行保管箱🔑有無，明就明
政府知唔知？要比政府、傳媒知。
我覺得政府唔會唔幫，呢次其實政府做得幾好
單位裝修，管理處應該知道，管理公司亦應該有紀錄，除非係小維修
唔洗咁心急，首先要辨別佢哋係咪黑工，裝修界有好多黑工打爛本地工人飯碗呀
經一事長一智，下次如果要捐錢，要比NGO， 如紅十字會。如非，政府會當是自己錢。
唔好亂咁叫人搞眾籌。依家好似香港除非係機構搞（要有慈善嗰類？）私人自己搞係犯法㗎。
根據依家做嘢流程，先搵麥美娟，無反應再搵卓永興，再無反應李家超。