📌 啲實習社工無敵到，我
共 53 條紀錄
啲實習社工無敵到，我個活動一年前plan左寫埋公司日暦，本來有20人報名我嘅活動，個實習趁我放假一個電話攞走我10個人。又冇同我溝通過個活動同我撞期撞時間，活動完咗喺度笑仲要喺office晒命，話自己個中醫朋友有幾勁，被人捧到上天。有種感覺係俾人哋踩住上
最慘係我，就因為佢呢單野，被人插咗兩鑊、鬧足兩次，😡😡😡😡😡
唔係輸俾實習，好明顯係同事問題。呢啲事正路同事一定要出言阻止
佢係正職同事
suppose同user關係緊密啲
user應該會揀樓主啦 點會咁易俾人搶走
就算俾人搶走
10個人咪再搵 又唔係多人
活動撞期不嬲都會發生
睇下邊個吸引啲
個實習同學鍾意講咩咪由佢
過一陣都唔見啦
呢個係基於好多假設而成立嘅講法，對樓主唔公道。本身搞活動就唔應該係建基於跟邊個friend而參加，user參加其他同事嘅活動都唔應該被理解為一種背叛/同其他同事friend左被搶走。同一間中心大家都做同一區長者，本身就應該夾好晒活動，就算撞期，都唔應該係同一個名單上繼續搵人，中心都唔應該只係依靠/服務某一批同樣嘅長者。要撬人其實真係唔係咁難，都唔係好關關係事，但呢個係一齊工作應該守嘅底線。希望該位同學真係唔好係社福界見到添啦
如果話樓主自己有問題嘅，可能唔太清楚社福界係點運作。
以一般嘅社區服務嚟講，社福界要搵嘅唔係邊個活動相對受歡迎，而係最好兩個活動都可以並存。
咁你可能會問，咁一個活動有20個人參加，同兩個活動各有10個人參加，唔係後者好啲咩？呢一個真係要睇成個中心嘅output requirement，有啲傾向重視人次，有啲傾向重視活動次數。
但係另外一個考慮點就係，樓主個活動係同外間機構合作嘅，我唔知道細節，但係一般同外面機構合作嘅都盡量唔想做得太難睇，因為咁樣會影響之後嘅合作關係。
我自己作為前實習督導，都會建議學生搞活動嘅時候唔好為難到中心同其他同事，因為學生嘅活動係佢哋實習完咗之後好少可以繼續，但係同事嘅長期合作關係可能係某啲活動能夠持續嘅條件。
所以中心嘅mentor要識點樣去幫同學開到組之餘，唔好搞到成個中心本身嘅routine。呢個情況，mentor其實可以提學生打cold call嘅時候唔好打已經參加咗同事活動嘅會員。咁樣成件事可能會好睇啲。
活動無話唔可以撞期，你個活動應該唔夠吸引先比人搶咗客，怪得誰。
睇到你話同奶奶廠合作，咁呢個活動即係同奶粉有利益互換，咁長者覺得中醫有趣而轉好正常！
同埋奶粉哪邊鬧你？佢係你老闆？你幫佢搵錢喎，鬧咩？鬧咪唔好再合作囉！貪有人幫你頂活動唔使自己做先繼續合作吧！
你係咪社工？搞清楚咩叫服務使用者需要為本未？
雖然實習咁做無咩良心，但問題都係雙方，你又諗吓點解同事撐佢唔撐你
撞期係衰,但點解一個電話就可以叫走班人？去邊個活動係個人選擇，佢哋係咪有得選擇唔去。如果係咁佢地去嘅話都係佢哋嘅選擇。
所以冇得怪班客（甚至係個實習，因為有機會係間學校冇教佢吔呢方面ge道德），但係出到嚟職場打真軍，冇理由唔知咁做係有問題
建議直接跟主管反映，調查你放假當日點解個學生可以有你活動報名名單，點解佢可以自己直接聯絡報名者，學生正常唔應該會有會員嘅聯絡資料，保障會員私隱，好明顯你中心有啲同事出咗問題啦
講真，活動撞期無人提個同學係職員問題，因為都要職員批佢先搞得，人地報名/佢跟個cold call list call人，人地決定轉去另一個活動，係你活動唔夠吸引 。
撞期係唔啱嘅
但係去邊個活動真係depends on user
但你活動本身係預10個人
唔會預10個人剛剛好架嘛
我老細放產假 帶住佢個社工話叫我自己打捭其他長者參加 又話個實習夾唔到實習時間同中醫，迫於無奈就要撞日子🌚事先又唔講撞期撞時間，到活動參加人重疊左打電話一嘢被佢拉走10個，嬲到震冇仇報依家黑面對住條友，到時佢哋last day唔俾面同佢哋食飯😡
1）未經批准而有你活動報名會員名單，你已經可以先向機構加學院投訴，如果證實係實習學生自己偷佢呢個實習一定fail,就算pass到都唔會拎到個牌（可以向社工註冊局投訴）
2）冇同事幫你冇主管撐你，師兄可以搵定後路，toxic environment再做落去會情緒病
個實習點知你邊日？照計佢哋冇得用中心嘅電腦。報名你活動的20人係同時報埋實習活動定喺你度叫人走？樓主可唔可以講清楚。見樓下啲人話乜野道德，想問下你哋是否知道全件事情。你放假又怎樣知道是實習搶了你的人，不可以是user自己退出嗎？
帶住佢個社工話叫我自己打捭其他長者參加 又話個實習夾唔到實習時間同中醫，迫於無奈就要撞日子🌚事先又唔講撞期撞時間，到活動報名日後，參加人重疊左，跟住又有一日我放假，帶住佢嗰個社工就同我講哇個活動重疊咗時間同埋人，跟住打電話一嘢被佢拉走10個跟住我就俾活動嗰邊嘅奶粉相插咗我兩次話點解今次啲人數咁少！
但憑你一句說話就話人哋搶晒你啲人，但係實質上佢知唔知嗰班長者係你啲人？正常嚟講啲長者應承咗你，其實人哋會好少甩底。佢究竟用咩方式去搶你啲人，唔通佢同個長者講話唔好去佢個活動去我個活動咁樣？
正常報咗名會有list of participants(入面有哂contact points)
咁就唔係因為實習社工無敵，係個人嘅問題。唔係個個實習社工都係咁，如果今日佢唔係社工係其他角色，佢都係會咁做。
人事問題，建議同同事食多啲飯緩和返氣氛，作為男士嘅就唔好計較了
師兄，呢個現象好普通姐~ 唔好講係唔係實習啦，其實好多中心，同事間都互相搶人，只不過明搶定暗搶姐。而家個個都要追到數，users 又有百鳩幾樣嘢做/玩/唔想玩。
再講吖，就算同學校反映，某啲院校啲老師，都真係溝通唔到，或者將個波踢返俾中心，因為，佢地都跑緊KPI囉~ 道德？ 以結果為目標吖嘛。
出活動前幾日應該已經知人數？ 仲唔拿拿聲搵其他人參加？你中心只得20個會員？
佢係實習你有牌？ 唔識變通下？
其實如果真係搶左又點？ 你老細會怪你唔夠人？ 咁如果老細都無怪你唔夠人你咪由佢得10個囉 黑面有咩意思？影響到同事又影響自己 對自己有乜好處
我都冇諗過會發生啲咁嘅事結果就俾人哋跣咗鑊，我就唔鍾意蝦人，大家開開心心唔好咩？我做呢行都係為咗開心啫，不過今次發生咗呢件事之後令到我對社工呢個行業陌生咗
我實習都試過有組員俾中心職員叫咗去join另一個program，撞晒我嗰節時間，佢哋都係叫我自己同個組員傾，要專重user意見添🤭
報咗名唔黎係唔關你事喎，係咪因為其他原因俾人搵藉口插你呢？
你正職連當面屌9個實習都唔敢 上threads屌 難怪你比人搶人兼笑喎😂
點搶法？
係你報左名既人度搶？
係會員名單度搶？
你係做咩setting?
咁你咪係佢supervisor on site supervision 插返佢囉