喺地鐵化妝o 唔ok?
啱啱碌到個post
見到有人喺機鐵化妝
跟住啲人起勢咁屌
有個comment 仲要話到同撩鼻屎剪指甲一樣level（唔記得確實內容
但係我覺得撩鼻屎剪指甲唔ok
係因為撩完同剪完出嚟會產生啲大眾普遍都認同唔乾淨嘅嘢 ie 鼻屎指甲
但係化妝嘅話淨係佢啲粉會整污糟人哋
咁喺地鐵淨係用啲無粉嘅化妝品 eg 眼線、唇膏又o 唔ok?
以前有老師講：係外國，如果公眾場所化妝，就算只係查個唇膏，都被視為係做歧女，所以化妝行為應該係屋企或洗手間完全。
不過呢個講法應該係好old school，同清朝女人扎腳傳統差唔多
不過，我都有記在心，個人唔會係公眾地方化妝
剪指甲撩鼻屎完全無可比性
呢啲衛生+影響到人嘅問題
比較貼切嘅比喻應該係戴住元秋式髮卷出街
無犯法無影響到人但唔太appropriate （呢啲個人儀容嘢suppose應該屋企整好曬先出門）
但同時亦無必要咁大反應去鬧
你唔介意我咪唔介意 其實化妝又唔影響人 我唔明點解講到咁大件事
我覺得睇情況？如果車廂太逼個時就唔係咁好（郁個時會整到人）
補唇膏都ok既、但粉類同噴定妝個d就真係唔好
不過車廂咁污糟我就唔會出街化😂
我覺得純粹會好奇望2眼（見證變靚過程），但絕對理解香港人需要訓多一陣所以搭車化妝
我覺得冇影響到其他人嘅情況,其實化妝是沒有問題的。但係對於「影響」呢個字我又會覺得好有保留。係因為噴嘢,所以先驚會噴到所以會影響？定係好似樓上講嘅,郁來郁去影響到？我覺得好多時候公眾場所,係不難免會有接觸同埋互相影響。我試過答答下巴士,無端端其中一個男人屌另外兩個男人話佢哋傾計好嘈。但係其實點樣為之嘈？公眾場所,其實難免會有身體接觸同埋噪音。所以點樣為之ok或者唔ok,抵唔抵畀人屌,其實我覺得好難去定奪。鼻屎指甲撈埋一齊講我覺得有少少偷換概念。
依家啲人係自己唔想見到嘅行為就算無真係整到人/發出聲響，都話係影響到人。其實都唔明架，發展到只要你係共公交通車廂唔係坐停停，有做緊其他嘢都係有人吊🤷♀️
我覺得唔係O唔OK嘅問題，係邏輯上講唔講得通嘅問題。作為一個極少化妝嘅人，我會以為化妝嘅人就係為咗喺人前展示最靚嗰面。咁如果以呢個為目的，點解會想喺大庭廣眾咁多人可能睇住之下做呢個點都講唔上係特別美觀優雅嘅舉動？如果唔介意喺好多陌生人前化妝，咁又點會介意化唔化妝，ie. 點解會去化妝 in the first place?
除非唔係因為自己想化妝而化妝而係工作上需要你化妝而你又趕唔切（即係自己唔care但被迫）. Otherwise, 我諗唔到合理解釋點解有人會喺地鐵上化妝。
要揸野上面/眼 公眾地方唔係隨時可以清潔面同手
我係覺得小小污糟
同埋反映個個人趕時間得好緊要😂
又未到hard feeling
但就好似望住中學生跑返學
怕俾人記過個感覺
係日本就真係係街淨係揸唇膏
啲人會眼超超
個個都係去洗手間補
咁大家對於喺麥當勞化又有咩感受（有消費），因為我見好多冇獨立studio嘅化妝師都係揀喺麥當勞度化🤔 （純好奇，冇話批判呢種行為）
有個留言仲要自認係清朝人，就係話人喺街補唇膏係妓女嗰個，我叫佢返去紥腳啦
我自己唔會咁做除咗覺得隨街/公共交通上化全妝隻手污糟之外，都係觀感問題。
餐廳唔會喺枱度補唇膏都係禮貌問題
不過而家呢個社會，啲人覺得無問題就冇問題㗎啦，聽唔明都無謂抝
睇人 我係澳洲火車有個香港女仔化住妝講電話 化胭脂仲fing 粉整到隔離條友 我落車經過佢講左句 講嘢大聲仲咁污糟 😎
呢個我可以答，因為我試過搭車隔離個女人成程化妝，搞到我休息唔到。如果你好快手補個唇膏嘅話應該冇人會理，但全妝真係唔好喇。
化妝最大問題係會郁嚟郁去，抄呢樣抄嗰樣，影響到隔離嘅乘客。
冇話唔OK嘅，係一個基本嘅禮貌啫，有人覺得咁樣係唔好睇有礙觀瞻，聽如果影響唔到其他人，唔會撞到我，I don‘t care 
唔好噴噴霧
唔好拍粉拍到沙塵暴咁
唔好郁嚟郁去左摷右摷
大概我都唔會發現你化緊妝
女人要有一個面對公眾嘅樣，要收埋唔好俾人見到個making of，尤其係地鐵入面，地鐵係香港最公眾嘅公眾地方，唔會遇到熟人，遊客又多，又多人鍾意係入面影相，女人絕對唔可以係地鐵展露私人嘅樣
好多工種職位同場合都唔接受女人素顏，算係專業禮儀一部分。化妝喺香港嚟講某程度上都係一種社會規訓，如果社會一方面期望人做、要用靚樣視人，但又覺得善用時間喺車畫兩畫已經好羞家丟臉，咁都好苛刻。
衛生嚟講，化個妝又唔係搓麵粉，日日坐交通工具都係同緊啲唔沖涼、去完廁所唔洗手嘅人share坐位，摸一摸扶手都唔知痴幾多菌，邊介意得咁多
只要唔係啲粉飛晒去人哋度影響到人嗰種
完全OK，唔使擔心。
喺任何地方化妝完全冇問題
女人唔好成日咁容易一被規訓 就檢討自己 懷疑自己
你睇吓啲男人幾臭幾肉酸幾衰格 講嘢幾賤幾影響到人傷害到人
佢哋都從來冇懷疑自己 只會檢討受害人
唔係叫女人學晒 但學到一成都好呀 起碼硬淨啲 唔好咁容易被PUA 懷疑自己👌🏻
講得好，我完全理解唔到點解啲人要被PUA到懷疑自己。 被欺負了還一副受落的樣子，什麼事都是家人是對的自己的另一半是對的。什麼都要自我檢討，真的以為自己回到過去了。