喺街度見到好溫馨嘅一幕
有個媽媽問小朋友將來想做咩，小朋友答佢：「我想做巴士！」個媽媽問佢係咪即係巴士司機，佢話唔係，佢淨係想做巴士。
當我以為佢會俾人話唔做得巴士嗰陣，媽媽用好溫柔嘅語氣同佢講：「咁你要俾心機食飯，將來變一架好高嘅雙層巴士！」
嗰一刻小朋友笑到眼都彎埋，好可愛嗚嗚嗚 🥹
佢可以同我女做朋友, 我女3歲果陣既志願係做巴士站:)
突然覺得細個學造句好有用
無論小朋友答咩
都可以將記得乖乖地食飯加入句子度🤣
只要乖乖食飯可以變成飛機，UFO，外星人，冥王星，鯨魚....
各位同學記得將公式抄落黎
做左父母之後會考
呢位媽媽好正，佢選擇放低擔心、放低現實邏輯去保護小朋友既創意同埋天馬行空 🤩🤩
相信個小朋友會長大成為一個有滿滿快樂同埋安全感既美麗靈魂 🥹🥹✨💫🌟
小朋友嘅天馬行空正正係佢地珍貴嘅地方，識得珍惜就可以同佢地快樂咁成長 🥹
小朋友同媽咪know d yeh
雙層巴士好野黎😌
好可愛呀小朋友😍 媽媽講得啱，食多啲飯先變到架好高嘅雙層巴士💪🚌
根據我每日返幼稚園嘅經驗，其實d細路講野成日都天馬行空咖啦，唔使當真，順住佢哋嘅故事一齊發up瘋就得，亂up完大家都會覺得好開心咖😂
係！我都覺得小朋友天馬行空好可愛！！！成日聽到都會覺得好開心，點解可以咁有創意 😂
係咖，佢哋真係好搞笑㗎，有一次老師話呢個花園長滿咗好多花，咁老師就喺度扮花啦，然後問：鍾老師係咩花啊？有一個小朋友好大聲咁答：西蘭花。我咁啱經過，見到鍾老師笑到坐咗喺地下度😂😂😂😂
西蘭花好得意 😂😂😂 小朋友啲諗法真係好獨特 😂😂
我仔細個話佢想做商場，我以為係起一個商場，點知原來真係想成為一個商場🤣
我細個嗰陣好聽話，好比心機食飯，結果成為咗一架坦克車！😆
好可愛 🙆🏼♀️
我細個希望下一世可以做一舊無血無肉街邊石頭 🪨 😂😂😂
同小朋友傾計好簡單，你只要順住佢諗法鼓勵就得，唔使咁快提供咁多「知識」或者試圖糾正邏輯
真，就係佢地唔係太多知識嘅情況下先會有咁可愛嘅諗法
好enjoy同小朋友一齊發up, 大人既世界太認真了
單層巴士被嫌棄😂😂
By the way，媽媽唔抹殺創意，唔做怪獸家長已經好好👍🏻
小朋友DEI: 我嘅身份認同係一架巴士
P.S. 媽媽答得好正
小朋友都dei 😂😂😂😂
真！！要有尊重嘅心先會有咁嘅答案