📌 喺dse倒數最後4日
共 49 條紀錄
喺dse倒數最後4日嘅夜晚，
阿爸仲住緊醫院，
媽咪走咗去麻雀館打麻將，
留低一個仲未生性嘅小一細佬俾我湊。
我終於有一個正當理由爛grade！
呢個世界除咗我自己，冇人有資格笑我成績！
你嘅人生係屬於你自己㗎，只屬於你自己…我明白讀書唔係唯一嘅出路，但我相信讀書係最幫到處境差、出身差嘅人改變人生、改變自己…無論如何都唔好放棄住，就算遇咗炒粉，都盡力、量力而為…如果你唔想行讀書呢條路，希望你及早搵定未來嘅路點行、你要點發展…記住千祈千祈唔好順應天命，屈喺一個咁細嘅屋企、用自己嘅人生&時間畀哂屋企人…正如我開頭所講，你係屬於你自己㗎，你要為自己而活
明白你的唔容易，但唔好放棄，當年我考公開試前一晚仲喺度煮緊飯，已考完alevel嘅家人就已經去咗玩，我嗰時等阿媽返屋企，爆喊自己有幾辛苦，中學生涯什至study leave期間晚晚都要煮飯，仲講考得差唯佢哋事問（結果我之後嗰日嗰科都考得都很滿意）😆😆😆 好多野都控制唔到，但可以控制嘅希望你可以喺有限嘅空間時間內盡力發揮，加油！
先照顧好自己生活，專心管理好自己可以做嘅嘢。
細佬安全喺屋企，唔好出門，唔好受傷就好。
你爸喺醫院，有醫護人員照顧，唔使太擔心；你老母自己都未擔心你就唔使擔心埋佢嗰份。
如果有需要，聯絡你或細佬學校／社工，轉介去適合嘅服務。（你老母嘅行為應該屬於疏忽照顧兒童）
你決定唔到自己會面對咩困難，但你依然可全權決定點樣去面對！雖然讀書唔係唯一出路，但好成績係一張入場券，有入場券你可以決定入唔入去繼續玩呢場遊戲。逆境波難打，但贏咗真係好爽！
全世界冇任何人可以笑你！但你必須要respect 逆境中都冇放棄的你！搏盡無悔！加油！
我中七考A-level個年，屋企人要我搬去同阿哥住幫手照顧患白血病既阿嫂，我內心十萬個不願意，我最後1B2C，叫夠入U。過左廿幾年，我唔會賴，亦唔會認命，因為我知係自己温得唔夠盡。但呢一段經歷造就而家咁強咁硬淨既我。
小一唔駛湊 開電視 用你阿媽d錢無限零食 ，為左防止自己玩手機唔溫書你仲可以比手機細佬玩 咁你母親就會獲得一個壞左的細仔，而你將會DSE 大獲全勝，jupas 入到心儀學系住hall 遠離你老母，以後走上康莊大道！
同你處境有少少相似 但係唔敢講我完全理解到你經歷嘅痛苦🫂🫂大家都係26dser一齊加油吧！！！喺心理同生理承受範圍內盡咗力就夠 最重要係無論結果如何都唔好責怪自己=(^.^)=畢竟怪人哋總好過怪自己💥
Bro我上年同你差唔多
老母過咗澳門賭錢唔見咗好多日 我照顧個妹洗衫煮飯樣樣齊
但我唔會話自己係因為咁而考衰左
冇辦法啦人生就係咁bull shit
咪自己搬走然後今年再黎過囉 大家一齊加油
你嘅情況超過8成同我親戚好似，所以樓主唔好放棄自己，考好成績，唔好俾人睇死。至少讀好書、搵到份工，搵到咁上下就好走。唔好被負面家庭影響你。
希望你加油！💪🏻💪🏻💪🏻
我老公當年A-level開考前幾日 母親彌留
考到一半走埋 而分別過兩日同四日要考好難讀嘅中史同文學 但我老公發奮圖强、破釜沉舟 最後呢兩科A咗
所以乜都唔好諗 搏盡無悔先
嘩我明啊，當年同你情況差唔多，
老竇老母都唔係好理我，
唔止鬧我、打我
佢地嘈交仲會嘈到拎把刀出嚟恐嚇，
但係當年我係靠DSE改變命運，你可以參考吓
我實在是同情你
係一個咁樣的環境裡面生活
仲要考試
實在係好難捱
請容許我同情你，欣賞你
因為你絕對是個人
冇理由面臨這樣的狀況
而做到超我狀態
加油呀
你就算放棄自己屋企人都唔好放棄自己，點都好為自己打返一場靚仗，你先有機會翻身離開，你條命係你嘅，你條路亦都係由你去揀去行嘅，唔好令自己後悔😧😧
將藉口轉化成動力啦💪 讀書唔係唯一出路，但絕對係最直接脫離原生家庭咀咒既方法。 成績好讀到U , 可以幫人補習賺生活費，住Hall ! 加油呀！
我覺得有沒有藉口都好，最後受返個結果的都是你自己。所以如果你真的唔想要呢個結果的話，就唔好放棄。繼續溫得一天算一天。
我估你唔鍾意打麻雀，但有兩句對白講得好啱：「牌越爛，就越要俾心機打」。
加油～ 因為成績同前途，都係自己嘅。
真係生病的爸，好賭的媽，需要照顧的弟弟，破碎的他，考唔好好成續 都唔好氣餒， 好好生活搵到錢夠自己洗就得
當年我都係公開試死老豆
理所當然地炒晒
而家諗返 如果果時唔傷春悲秋認真讀書
而家嘅我會唔會過得好d呢
「個天可以灰，個地可以灰，但係我哋唔可以，一定要行落去」
係呀，你一定要行落去，加油 🙌
人生係你自己
你要放棄冇人可以阻止你
同樣，你要努力都冇人可以阻止你
睇你自己點㨂
加油比心機，考好dse🦾 成績好，你先有得選擇！你大個左就明！
黑暗過後總有光明！
其實得返幾日 都冇咩可以做 每日抽一兩個鐘睇下雞精 照顧好細佬。唔會溫多幾日就5**
細佬有飯食有水飲有電視睇就得
都小一使鬼理
但考試係改變你一生嘅機會
唔好放棄!!
加油，記住努力讀書，自己錢途自己爭取，賺到錢就byebye佢地條尾
掉部手機俾佢玩一個月佢唔出事，但你無呢一個溫書你會
1. 聽我講，送細佬去社署。
2. 做一個repeat嘅心理準備。
可以報警拉阿媽疏忽照顧兒童
然後就暫時唔使理佢兩個
你諗下唔爛就可以逃出呢班人嘅魔杖， 機會就喺你面前
您夠18 歲未？
未既話 留低個細佬俾你
你可以打999 了
難唔難Grade
你都係你
最緊要好好地愛自己