📌 嗌緊交 跟住cut
共 64 條紀錄
嗌緊交
跟住cut我線
講左勁多次唔好扮對唔住
真係想和好，有覺得對唔住嘅態度先好講
越睇越覺得呢三個字廉價
我個ex都係咁，同佢講過好多次我唔鍾意咁樣 佢都係冇改 最後真係忍唔到分咗手🤷🏻♀️
加上之前同佢嗌完交，大家冷靜咗之後我同佢傾返件事，佢就會話每次同我拗完交都好多手尾要執，話我煩
忍咗佢成年，分咗手好撚舒服🤷🏻♀️
Btw嗌交個時佢問我點解嬲
我講左原因之後 （平心靜氣唔係大叫發癲
佢：下。
之後冷笑左聲
？？？
再講左句對唔住
我問佢點解要 下 同冷笑
佢冇答到
我同佢講我表達完我感受之後你係咁嘅反應
我冇野好講
對方已經低聲下氣道歉比落台階 你仲要死拗繼續嘈 睇嚟幼稚嗰個係你
cls幾時都話threads啲comment見人品🙏🏾🙏🏾
好多人覺得對唔住係萬能，道咗歉就冇事發生，曾經我都以為識道歉係好事，直至遇到某人。。。每次發生事的確即刻講對唔住，但除咗對唔住呢三個字，實際根本冇做過任何嘢表示抱歉，你提返就係你有問題，隔一段時間又重複一系列操作，對住呢種人身心俱疲🫠
所以唔覺得自己有錯千祈唔好道歉，開頭聽得多會火滾，但滾多幾滾就會直接熄哂火死埋心👍🏻
一睇就知留言啲人先入主覺得你係女 直接等於你無理取鬧 大癲😹 男女都係啦 道歉大晒啊 佢係為咗對方收聲而道嘅歉 有幾成真心 逃避緊問題喎
佢聽完你既原因「吓」，好明顯就係覺得果個根本唔係問題，係佢眼中係你小題大造，無理取鬧，所以所謂既道歉只係為左應付你，唔係真係認為自己錯。
事情係點冇交代就唔估邊個啱邊個錯啦。
純回應態度問題，係雙方睇法唔同既情況下，佢唔理解你嬲既點係咩，都肯主動退讓道歉，咁你就順勢下台階就算。（男女都係）
你要佢真心認錯，即係要佢接受你既立場，企係你立場去諗。
講真，有幾個可以做到換位思考。
如果真係想溝通清楚，都唔應該係大家唔冷靜既情況下傾。
適當中止話題，有時係相處上是無可避免。
當下不妨先揭過，等合適時機再就問題溝通清楚就好。
勁公道
但係「主動退讓道歉，順勢下台階」已經loop左好幾年
同一件事講咁多年都冇解決過 段關係已經慢慢變得toxic
我唔想要為左佢機械式嘅道歉而越嚟越冇左底線
我chur 佢呢樣野係我唔啱 但我為左段關係都退後左好多步容忍左好多次
唔想再用對唔住當係解決方法
既然同一個問題嗌左幾年，姐係唔係問題，係「心結」啦。不如咁啦，你同佢係一個唔嗌交、無沖突既時候，將大家對於呢段關係需要改善既地方大家一齊傾下。同時，你都要接受「傾」唔等於「解決」，只要大家拎唔到共識，或者是但一方淨係講「得啦得啦/下次唔做啦/對唔住啦 得未」其實係無意義既溝通。我唔認識你地，根據文字我唔可以去認為你地平時係chur對方定你地只係想爭取某一樣尊重，不過當對方將sorry掛口邊，乜都話自己錯/唔想同你嘈咁樣，有可能係對方心中都有道刺/佢都唔中意你某一啲態度。我唔作太多評論，畢竟對話既時候得你地2個，只可以講「你唔中意佢某啲野，人地都可以對你有好多意見」💪🏻希望你地可以解決到大家心中既不快，2個人一齊應該係開心同互相遷就既，加油啦！
comment is crazy
句嘢一睇就知唔係用心講對唔住，純粹想應付完快啲收聲唔好嘈啦😅對唔住大曬？唔知自己錯咩又唔改，覺得講對唔住就大曬，知唔知做另一半嗰個好慘🙂↕️call緊直接cut線都好冇禮貌
同埋件事好明顯有前設啦…
嘈緊交，風頭火勢
等大家冷靜啲再講啦，一個想靜一個係咁chur，咁樣會逼死想靜個個
不過你post 上黎都係求安慰，都要顧吓你感受嘅～
係囉，佢態度又hea 又差，不如唔好say sorry 啦，講到你逼佢咁，係囉，咩都係你錯囉
乖 無事！🫂
想知點解啲人要po同另一半對話圖上公海 目的係咩？公審另一半？
點解啲人會assume你係女人？
因為係女人先咁撚煩 執著呢啲細位
如果你係男 咁你就係一個仲煩撚過女人嘅男人
睇你回覆留言都知你根本就係冷靜唔到果方，一定要人buy你，終於明白對笮點解要cut你線，因為你完全唔講道理，只有你自己啱晒，一定要所有人認同你係啱嘅
放假呀師兄😂 點都好啦雖然唔知你男定女祝你同對方和氣相處快啲好返啦🙂↕️
態度問題要注意掛 我做錯野都唔會打埋啲咁嘅嘢當道左歉
呢邊真係要搬個 咁你想點？
作為花生友
我睇唔到你上文係做乜嘢嗌交關於咩
冇錯對方可能係「扮」對唔住
technically 應該話可能係被迫講對唔住
就咁睇你段 whatsapp 已經顯示知道佢想冷靜，反而你嘅語氣明顯唔係冷靜。
就呢點嚟講，喺風頭上你想佢點樣同你和好？
照你呢邊嘅講法，你兩個喺嗌交嗰陣佢冷笑然後講對唔住，咁你心入面都清楚佢係唔認同你講嘅諗法。
所以你自己都好清楚佢講嘅對唔住係唔想再搞大件事，唔關對與錯。
我同你講，情侶之間（如果你哋係，我唔知啦）好多時候就要互相忍讓，每樣嘢都將佢攤開嚟講，講到一邊啱一邊唔啱關係維持唔到好耐。
最後喺我花生友嘅立場：
- 對方冷笑令你覺得佢挑釁你係佢唔啱
- 對方希望冷靜你仲要處處逼人係你唔啱
（利申：所有嘢係基於我唔知道你哋嗌交嗌啲咩嘅前提下分析）
想冷靜可以講 ，cut 線唔係appropriate 嘅做法
之前溝通過好多次如果想冷靜講聲就分開冷靜半個鐘再傾翻
呢個係雙方多次傾出黎共同覺得合理嘅溝通方法
所以唔接受cut線
同時我priority 唔係直接要和好 只係想好好溝通
佢直接cut線已經打破我哋一早傾好嘅嗌交處理方法 係令到我唔冷靜
我知佢唔認同我諗法 我都深知冇可以將我諗法套落佢到 一直而黎都係想揾個解決方法令大家舒服。無奈只得到對唔住三個大字 並唔覺得對段關係/今次事件有咩幫助
每個人有自己底線 亦都一早溝通過道歉要真係覺得有做錯先好講 唔需要濫用
仲有冇野要我補充？
i see 👌🏻
冇需要補充，已經好清晰
即係你呢邊cut線係你嘅底線，而且你已經同佢講過唔好隨便道歉 / 唔知錯仲道歉，而對方係同意嘅。
咁佢宜家再做出呢個行為即係佢對呢個「唔好茂茂然道歉」未夠放喺心上邊再加上嗌交失控。
咁我覺得個主動權就喺你度，對方觸及你嘅底線你可以選擇：
1. 唔再容忍，提出分手 (probably the worst case)
2. 再次警告佢「如果你再唔願意溝通 / 突然間cut線，我係認真唔會再俾機會你。」
3. 等待佢回覆，佢要寫清楚佢覺得點解對唔住，包括佢應該就違背傾好嘅方法而道歉。咁你應該會下到火
4. 自己忍咗佢呢次：主動同佢提番你嗌交列出嘅 point ，就住每一個point問佢有冇問題，繼續溝通。
INTJ 性格🤣 我成日都俾人話似電腦
唔係 呢個完全係我自己打嘅
對於想認真討論嘅人我就會認真覆
點解一定要要人哋講對唔住呀？。。。你都幾搞笑喎。一定係你啱人哋錯？而家睇落去俾你逼到認錯喎。
唔理嗌交嘅內容係乜
樓主有心去講原因想解決問題呢part係抵讚
因為好多人以為一句對唔住就可以當乜事都無發生過 但其實問題仲喺度 積埋積埋遲早都係會爆
平心靜氣之後再慢慢講吧，雙方都沉唔住氣無可能解決到問題
哩啲風頭火勢
再拗落去好容易會講咗一啲收唔番中紅心既野
避免自己太過火遮眼
或者想一瞬間迴避一啲同自己個一刻有相沖既說話 cup 線有時係好事 比自己冷靜番落黎先再諗下點表達
點解咁多人覺得要冷靜？ 所謂嘅冷靜完攞返出嚟講就會俾人話翻舊帳 結果一啲有效嘅溝通都冇 只會繼續loop落去
表面睇會覺得樓主死chur唔放，實際上 佢先係最想解決問題果個，但無奈比對方呢種表面道咗歉 實際無認真反省過自己犯既錯，又無諗過溝通的態度對待。
好多人就覺得道咗歉就得，但無歉意既道歉，道泥做乜？難道對唔住只係犯錯時既口號？
兩個人如果想好好經營一段關係，最緊要就係溝通，每次嘈交 互相講聲對唔住 比下台階 係無問題的，最緊要係事情之後會灘返出泥講，下次就避免。
而唔係講咗對唔住，成件事就好似冇發生過咁。
我個人認為 對唔住應該要加(;_;)顏文字
再或者可能加個名（例如 晴晴 對唔住(;_;)
咁已經算數啦 好啦😂
其實最主要係態度問題
冷笑令你感覺更加唔好 覺得佢唔尊重你
就好似唔同意或者鄙視件事咁
極度認同 扮對唔住係廢話
個人認為 需要理解咗件事
知道做咗啲乜嘢令對方唔舒服
真心嘅道歉講一次就夠
兩個人相處一定有爭執
不過如果可以溝通好件事
大家用一個比較平靜嘅態度
或者你唔可以完全明白點解對方咁做
但起碼你可以明白佢感受
就好似今次件事
除非你係做咗啲超級過分嘅嘢
如果為嗰下嘅 態度講聲唔好意思
我諗你應該都會舒服啲
Threads上面好多判官
佢哋唔見得比你清楚你哋情況但又中意加把口
所以成日覺得po上嚟（尤其感情嘢）真係無謂
不過po得上嚟9成都係想人認同除非真心問
我覺得首先要睇吓對方係唔係成日都係咁樣無啦啦發脾氣之後又好似講對唔住冇嘢咁
點解全部cm都係到屌樓主chur 點解你講完對唔住hea我就一定要原諒你???????問多兩句知唔知錯咩都答唔到講咩對唔住?????勁大個黑人問號
雖然我男朋友係手機上唔會識氹我，但收工佢會買我中意食嘅野氹我🫢(算係咁)
我唔知呢篇嘢會唔會對你哋嘅關係有幫助
但係我同你需要面對嘅感情問題類似
希望可以提供到一啲頭緒俾你
我同我男朋友嗌交都會cut線
嗰下認為大家都需要冷靜
因為嗌交情緒容易激動講出傷人嘅說話
我明白解決問題嘅重要性
但前提係理智咁去解決 因為嗌落去情緒只會更激動
雖然我唔知件事情係邊個做錯
我覺得你能夠平心靜氣表達感受呢件事冇錯
而對方嘅態度我都認為好唔恰當
而佢咁樣敷衍嘅態度去講對唔住都會令人不適
我覺得成件需要改進嘅係
真係需要冷靜先再解決
情緒激動只會演化成嗌交
但我都認同女方態度較差
冇認真對待你哋之間問題
如果我有地方理解錯，對唔住，浪費到你嘅時間，但係我感同身受，所以希望可以幫到你
呢啲moment唔使理d男人，比時間佢哋自己冷靜，繼續jer佢佢只會更嬲，兩個繼續嘈都唔會有結果。呢啲時候自己搵嘢做令自己開心返就得。等大家都冷靜再傾。記住男人見到女人喊/發脾氣係唔會心痛，不如諗辦法令自己人生開心仲好😚
睇你講比佢聽你嬲啲咩，而對方冷笑，好明顯佢覺得你嬲嘅點對佢嚟講真係好少事，唔值得嬲囉，而你又不斷因為佢咁直接嘅反應不斷chur 咪cut 線囉，再講都真係傷感情，冇意思！ 佢肯因為cut 你線道歉，其實已經係對你有感情，唔想大家冷戰落去，我同意未必真心認錯，因為冷笑嗰吓已經係好明顯對你嬲嘅點唔覺得有咩問題，或者唔認同有咩咁嚴重到要發脾氣，可能直頭覺得你小氣
我舉例，我老公就係一個呷醋大王，我同佢啲男性朋友傾多幾句，佢都會黑面，講真，我真係唔覺有咩問題，但我都會尊重佢，唔再同佢啲朋友咁好傾囉，但係咁都唔代表佢啱，呢個世界唔係男就女架啦，佢係都要呷醋，唔知對我定對自己冇信心，都真係好難頂架，我就佢咪冇交嗌囉，咁如果另一半唔就，咪成日嗌交囉
一句講哂就係唔夾
有人一句對唔住就收貨
有人明知自己錯都唔會講對唔住
完左佢啦
不如你講下點解你哋嘈嘅原因，等大家睇睇佢唔肯道歉係佢錯，定係你要佢道歉嘅原因太過過分👀
個問題咪係點解要 扮死狗 ？？？唔明呢個做咩對件事有咩幫助
情人親人都唔係老馮食你d臭脾氣。唔想傾可以表示唔想。假如op死纏爛打咁cut線先係一個合情理反應😑 屌op果d人全部都係恐怖巨嬰
你都無寫因乜事嗌交？ 好可能真係為芝麻綠豆事都逼對方跟自己方式做而嘈喎
圖中見你語氣，不斷chur 又似高高在上對住狗奴才態度逼對方道歉要用最真誠嘅態度
假如嘈交原因係
你：我今日見到條女裙好短，白衫又透咗紅色哩士爸出嚟，好正，你依家試下咁樣著畀我視像睇下
佢：𨳒你老母丫，搵你老母著完再畀你𨳒埋中出就得
你：𨳒𨳊你呀，同我講嘢咁𨶙串，講下笑都唔𨶙得呀，快𨶙啲同我對唔住
佢：𨳒你吖，（cut𨳊埋你線）
佢：冷靜（你細佬要冷靜，充晒血去打個飛機先）
佢：唔想嘈
。
。
就係咁