嚟緊屋企大裝修，本身用開木地板，但養狗真係搞唔掂，有時亂痾尿啲地板吸晒入去搞到間屋長期有味，諗住轉木紋磚但驚隔音唔得，我本身玩樂器而且打算買三角琴，怕嘈到樓下，ai 建議我用石塑地板，不過好似唔耐用。。。
有冇高人指點下？
養狗兼玩三角琴，木地板同石塑地板（SPC）都係送死。木地板怕尿，SPC 雖然防水但太薄，吸震差，你練琴樓下實投訴到暈。
呢個情況一定係用木紋磚。磚最耐磨、唔吸味、好清理。至於隔音，唔係靠地板，係靠鋪磚前底層加一塊專業隔音墊，再加多張地毯墊住個琴腳。
大裝修會起地板就鋪返磚～ 石塑係比我呢d 無錢搞地下請泥水既窮L 用🥲以有限budget 改下風格... 有budget 既真心不建議用石塑
我揾緊石塑鋪，頭痕架！ 又要諗厚度，又要睇牌子質量產地，石頭成份有幾多，係咪有毒回收膠，接縫位係咪真係夠密唔會漏水落去，你仲有部琴，又重又可能有轆，spc 一比野轆就好易爆卡扣🙈 所謂隔音因為有2mm 墊姐...防水就因為佢係石頭同膠，成片野真係唔怕水既，但怕既係卡扣位會流左水入去up 住，仲煩啊🙈🙈🙈
有budget 真係磚到無得輸，一勞永逸唔使怕要維修
咁都係磚算啦，我幾部豎琴成日要轆去第二度，實爆卡扣
下。。地下鋪磚都怕唔隔聲？ 咁真是好高要求。 高音唔比反射。 低音要吸晒佢。。。。。但要來住定要來做音樂室
之前幫手裝修的琴室，都是用石塑板鋪地下。 間房用2層石膏板，隔音棉。 天花都是一些防返射隔音。。。。
地板咩材質同隔音無乜關係，你唔係鑿地正常聲音都穿唔過天花地板，反而怕聲音經窗傳出去，我屋企都三角琴，琴底鋪地氈
有錢就磚唔洗煩。
無錢就spc，但用兩用就一定花
鋪厚身Underley 再鋪Spc 就冇問題 但地台最好要平。
我搬左屋後舖磚..有啲磚靚啲..係有少許防滑，因為我租屋係木地板..一到春天潮濕，我隻狗就會痾，因為木入面可能床左細菌，表面啲消毒都冇用，而家就冇左呢個情況了
鋪磚再加隔音墊喺個琴底，或者成間琴房隔音唔好俾隻狗入去