📌 四個月，我都唔知其實
共 47 條紀錄
四個月，我都唔知其實自己係點樣捱返嚟。論慘，我諗可能我冇乜資格喺度呻，因為雖然冇咗家園，但我哋全家平安，包括埋貓貓，兩邊單位沒有傷亡。我有朋友走咗，個心好痛，所以更加知道我應該冇乜資格喺度喊喺度唔開心。收到單位嘅相之前，就算一早已經知道屋企渣都冇得剩，但一直俾假希望自己唔肯面對，同自己講可能上返去都會執到少少嘢走呢。但原來唔係，我而家終於醒。收到社工俾我哋嘅相，鐵閘、門、牆，乜都冇，入邊只有一條條紅色嘅鋼筋，地下冇雜物，全部都係灰。我真係一直以為解封之後仲可以拎得走少少嘢，但係冇。我爸媽失去嘅嘢比我更加多，就好似佢哋童年或者後生嘅相，佢哋嘅結婚相等等，所有珍貴嘅回憶全部話冇就冇。我頂多只係呢25年嘅嘢冇晒，但我相信我爸爸媽媽個心比我更加難受，但係佢哋逞強，因為佢哋唔想我擔心，佢哋好錫我，永遠都將我嘅情緒放喺第一位，尤其是佢哋知道我睇完張相肯定會癲。唔緊要，我而家接受咗。反而，我係諗緊對於我哋屋企嚟講，三個鐘咁長根本冇呢個必要，上面得啲灰，可以執啲咩？反而我希望如果可以嘅話，寧願將三個鐘嘅一半時間，分俾其他單位冇嚴重損毁嘅居民，對於佢哋嚟講，多一分鐘，已經可以執更多嘢走。
大家嘅留言我全部都有睇，好多謝大家🙏🏻請恕我未能一一回覆🙏🏻
所有宏福苑嘅居民都有資格呻，因為你地失去左嘅人和物係有人疏忽和貪心而造成。
你絕對有資格呻、有資格唔開心！呢個唔係相對性嘅比較，無話邊個慘啲先可以呻
要比自己有一個釋放壓力嘅空間同時間呀💪🏾💪🏾
我唔識點安慰你🥺🥺🥺但我覺得你可以上返去同呢個屋企，好好道別。今次極有可能係最後一次上去，唔去，可能會有遺憾。。。
唔開心最緊要講出嚟
無論係樓主定係樓主爸爸媽媽
每人3個鐘呢個決定本來就係錯得離譜
樓主唔需要喺呢個層面上覺得自己應該承擔更多🫂
看著你寫下的文字，心裡湧起一種很深的不捨。
在這麼巨大的災難面前，我們本能地會想去『比較』痛苦，覺得比起那些失去生命的朋友，自己還有家人、還有貓貓，似乎應該要堅強、要感恩。但我想對你說：平安與哀慟並不是對立的。
家不僅是四面牆，那是你們家幾十年來存放靈魂與回憶的容器。你有絕對的資格去難過，甚至有資格去感覺崩潰。
這段時間，請允許自己當一個『沒那麼堅強』的人。不需要急著去『執嘢』或『恢復正常』，因為哀悼需要空間。
看到你這段話，心裡真的很觸動。這種時候還想著別人，是很溫暖的力量，但也希望這份力量能回流到你自己身上。請記得，你也有被照顧、被心疼的權利。
我們都在這裡，陪你一起面對這片廢墟，直到回憶慢慢在心裡重新安放。
唔開心唔使排資論輩，
請盡情放負！
失去咗嘅係相片，
但係舊有嘅回憶係你哋心入面，
一家人再一齊創造關於將來嘅回憶，
辛苦你們了🫶🏻
你哋都係受害者
所以絕對有資格呻
Take care 🫂
啱，同一屋簷下，我哋都係要居安思危，前車之鑒，豺狼當道
呻係唔需要講資格、唔需要入紙申請，唔係比較邊個好啲邊個慘啲，千祈唔好收收埋埋屈住自己！過去嘅冇辦法彌補，依家同將來盡量尋找苦中一點甜，舊時回憶永遠會喺心入面 ，逐漸再創造新嘅畫面🫂
每個宏福苑既居民都有資格呻、有資格冤，你諗法好好、好欣賞你既大愛，但今次可能最後一次上樓，陪相親齊齊上去道別，請保重 🙏🙏
🫂🫂所有宏福苑居民都可以宣洩情緒呀！好好保重及照顧自己及家人身體，祝福大家平安順景🙏🏻🙏🏻
即使無關痛癢嘅香港人 都唔開心亦未接受到 見到啲報道依然流眼淚 所以你哋絕對有資格唔開心 take care🥹
多謝你嘅善良！🫂🫂🫂願你一家平安
我哋就問過社工，佢話佢冇收到我哋單位嘅相，希望情況唔嚴重，希望當日可以盡拎🙏🏻
街坊，一齊頂住呀！🤜🏻🤛🏻
謝謝你。冇收到相係好事，因為已經講咗，只有嚴重損毁嘅單位先會收到相。大家都要保重。
我諗住左咁多年
無論佢變成點
都可以同佢好好道別…
baby如果你有需要，我可以陪你返去執嘢🫶有咩需要都可以問我架🫶我地永遠都同你一齊🫶
大力抱抱你🫂🫂
所有宏福苑居民都有資格呻
幾時呻都得
我哋一直喺度❤️
回憶是無價和寶貴的，陪住你身邊最重要的人同貓，沉澱一下
你身為宏福居民，你無左個家，一定想喊同傷心！🫂🫂🫂
唔係要失去家人先可以傷心，只係佢地情況再…..💔
政府膠官果班無人性涼薄怪 就唔好理！
所有涉事有份做成災難、推卸責任、包括民建聯（特別碧嬌） 、李卡超政府官員、圍標果班承建商、工人 …..
個天會知道的，有報應架！
你哋係最有資格响度呻同唔開心， 要有一個出氣口俾自己適當地釋放壓力。
無論點都好，要保重身體！ 加油！
只要大家平平安安，一家人團聚，還有更多回憶可以再創造的！抱抱你🫂🫂
始終係你地充滿回憶既屋企，唔容易，辛苦了，加油🫂🙌🏻🙏🏻
睇到眼濕濕，希望你哋身體同心寜平安🙏🏻🫂加油！一家人齊齊整整，創造更多新嘅回憶。
你絕對要呻！
場火係一班自私精只顧有無糧出嘅仆街造成，唔洗理佢哋講乜
作為一個有良心嘅人類，直到今日，出入大埔無論每次搭火車定其他車，臨近吐露港路段，都會望到災後的大廈，好傷感，你喺度長大的，一日間變成咁，我真係幻想不到那不能言喻的悲傷
抱抱你，希望你和大家都撐過去！
每個人都有佢嘅「資格」或者我叫佢做權利rights去傷心、難過。你唔係要同人比，你覺得有需要呻、需要痛、需要流淚，你有絕對嘅權力去咁做。你好慷慨，好有同理心，多謝你🙏🏻
知道一家人平安就好！讀到你家中室內會無物件可拿走時你多難受！保重！
只要你想，你都可以喊同唔開心。慶幸你家人全部平安，珍惜現在擁有的。願你哋平安。
你們宏福人絕對有資格呻 ，你們宏福人絕對有資格唔開心 ，一夜之間家園被無情嘅大火吞噬 ，人生突然經歷巨變 ，呢一段時間一定好難受。喊出嚟啦，有情緒嘅便抒發出嚟 ，會舒服好多㗎，同埋最重要就係你們並不孤單，因為香港人一定會陪住你哋 。最後都要講句，人在做天在看，上天最終一定會還返一個公道俾你們宏福人，保重🫂🫂🫂
你好善良🥹仲想幫鄰居爭取多啲收拾時間⋯祝願你同屋企人都平安健康🫂🫂
你絕對有資格呻！！
有情緒好正常
Want to give you a big hug🫂🫂
你好叻了！！
舊時回憶好好記住 同爸媽再影多啲相 創造更多回憶
冇話邊啲人先有資格傷心、難過或者呻。每個人對創傷嘅反應唔同，傷心就係傷心，難過就係難過，同一樣嘅創傷，唔同人面對都有唔同程度嘅感受，唔好批判自己嘅創傷，冇人有資格話你冇資格呻，知道嗎？ 唔需要理人點睇，好好照顧並梳理自己嘅情緒。即使多年回憶或紀錄冇晒，都唔會抹煞你與家人嘅存在與價值，記得提醒自己就是最寶貴。祝福你一家平安健康，早日安頓好重新出發🫂🙏🏻