因為一位老師，我討厭了一科, 我先嚟

小學三年級的時候，我的數學成績一直都不太理想。那時候的我對數字、算式都沒有什麼概念，上數學課經常聽得一頭霧水，老師講的內容我跟不上，做作業時也總是錯很多。每次拿到數學卷，看到滿頁的題目就覺得頭痛，對這一科完全提不起興趣，甚至有點害怕數學，覺得自己永遠都學不好。

大概到五年級，我遇到了一位改變我對數學看法的老師。她性格溫和又有耐心，從不會因為學生聽不懂就不耐煩。她上堂講得非常清楚，每一個步驟、每一個原理都解釋得明明白白，就算是複雜的題目，都會拆開慢慢講，令我可以一步步理解。更暖心的是，落堂之後，她還會特意留低，專門為我哋呢班成績唔係太好嘅同學再講解多次，確保我哋真係聽明白。就算我哋成績差、成日做錯題，佢都一樣好有耐性，唔會鬧我哋，只會慢慢教，一步步幫我哋改正錯誤。就係因為咁，我慢慢進步，開始鍾意數學，享受解題嘅過程，成績亦都愈來愈好。

本來我以為自己會一直鍾意數學，點知升上中學之後，一切都變晒。新嘅數學老師教學方式令我同學們都好難適應。明明係一條好簡單、好基礎嘅算式，佢都會無啦啦講得好複雜，將過程拖得好長，而且仲完全冇邏輯，越講越亂。

有時我哋聽到一半已經懵晒，到最後根本聽唔入耳，亦都聽唔明白。課堂變得好混亂，我哋成班同學都聽到一頭霧水，完全跟不上。

就咁，我越學越吃力，成績開始愈來愈差。為咗唔令成績繼續下跌，我只好去搵補習老師，靠額外補習先至勉強維持到水準。漸漸地，我對數學嘅興趣完全消失，甚至開始討厭呢一科。

後來我先至真正明白，我從來唔係單純鍾意數學呢一科，我鍾意嘅係嗰位小學老師。佢可以將無聊、枯燥嘅課題講到生生動動，令我好想聽、好想學；而中學呢位老師，就將簡單嘅嘢變得複雜又混亂，令我完全失去學習嘅動力。一位老師嘅教學方式，真係可以直接決定我哋鍾唔鍾意一科。因為一位好老師，我曾經熱愛數學；亦都因為一位唔適合嘅老師，我慢慢討厭咗呢一科。