因為父權社會既禍害<—真係好洗好用😂
點解結婚男人要買樓、買戒指、俾禮金？
點解男人唔可以唔做野靜做家庭主夫？
點解粗重野都要男人做？
點解男人收入低就係廢？
都係一句父權社會禍害搞掂晒
總之乜都關父權社會事，美國打伊朗都係父權😂
女權：父權係萬惡之源
種族平權：白人霸權係萬惡之源
LGBT+:異性戀霸權係萬惡之源
共產主義：資本主義係萬惡之源
左派全部都一擔擔
我覺得你講嘅呢幾項都係父權造成喎😂因為父權社會下，男女性都被定型同期望咗單一嘅性別角色，的確呢幾項都值得反思係咪「一定」要男性做，作為後現代主義女權派，我係好認同男女角色可以換，甚至應該就住個體差異同段關係去調整，而正正因為我認知到父權對男女嘅禍害，所以先會用我哋方式同另一半相處：
1. 男性被傳統父權社會侷限係承擔家庭開支嘅責任，要作為主動同主導家庭嘅角色；女性被認為係服從同被動，好傳統上甚至係結婚後唔再屬於原生家庭，而係歸男家，而男性要比女性「一個家」所以係「嫁」同「娶」。但我覺得係現今社會其實冇咁陳舊，如果可以互相尊重、關係平等嘅，家庭同婚姻嘅角色應該係可以調整，我結婚個時都係互相求婚、戒指互相送，冇買樓一齊租屋，冇過大禮冇禮金，一樣過得幸福。
2. 我老公大我8年半，所以前期拍拖同家庭開支的確係佢佔比多啲，但唔係因為佢應份，而係佢體諒我、我都好感謝佢，呢個係共識，而我嘅人生目標就係賺大錢可以包養我老公做家庭主夫✨️
咁係無講錯喎，唔通唔係父權社會造成？難道係女權社會造成？但香港是女權制度嗎？
基本的女權制度設計，供參考。
父權社會=/=男人
而係有毒嘅社會風氣 請問你搞清楚未？
認同 我都覺以後所有問題
一概用父權社會做擋箭牌就得🤣
你好似一九年嗰啲港豬叫人唔好下下都講政治 但其實所有嘢都同政治相關 父權都係一種政治手法
其實我想問點解會定義香港係父權社會，上一代啲男權撚已經捧晒啲女人上位，咁都仲算父權社會？
唔好比左仔帶偏左個思想。
以香港為例，個問題係財富既分配、社會福利既分配、向上晉升既階段堵塞、急促既生活節奏、人均居住面積、人口構成問題等等。
國安時代之前，香港社會係討論呢d問題，矛頭指向政府。
國安時代之後，社會問題變左討論男權壓迫，男女互毆互相對立let them fight🙃
美國打伊朗都係父權🤔可能都啱
如果將「父權」、「女權」看成是一種權力，美國打伊朗就是一種「大國的話語權」、「石油/美元霸權」
講到底，都係利益問題。
好多人好中意拋書包
覺得自己巴屎閉
其實乜都解釋唔到
乜都解決唔到
點解結婚男人要買樓＞唔買樓唔通一世租樓，退休後訓街？ 買戒指、俾禮金？＞形式上好好睇睇囉！你愛一個人，連幾萬蚊都唔肯比？
點解男人唔可以唔做野靜做家庭主夫？＞你揾到個有錢姨姨就可以躺平。
點解粗重野都要男人做？＞男人比女人大力。
點解男人收入低就係廢？＞無論男人女人，低收入都容易被人看不起。
你又唔諗下點解女人要十月懷胎，作嘔水腫，托住個大西瓜上下班，生產時十级痛苦，因照顧BB 要辭職做24小時保姆，無盡的家務，女人比男人難多了。
邊個打壓緊我地都未知
又係啲食飽飯無屎屙
出嚟講埋啲9唔搭8的兩性議題
得啖笑
講經咩？如果條女又樣衰又肥又窮又唔做家務咁你娶唔娶。冇人阻止你做家庭主婦夫，只係大部份男人都驚俾人笑所以唔會做
父權只係個名 好多人覺得有個父字 難聽
實際上反父權 啲內容咪又真係幫緊男人
大家一齊解放 反對性別定型、性別角色
唔好再畀無形壓力男人
唔好再預設佢哋做家庭經濟支柱
畀男人有自由去表達自己負面情緒
用老婆女朋友錢都唔會俾人笑佢食軟飯
換水唔再係男同事做 可以係全公司輪流
將啲本應該屬於女人嘅責任畀女人
唔係好多男人成日爭取嘅嘢嚟㗎咩
乜柒都父權，講到真係全世界男人坐埋一齊傾點樣欺壓女人咁
好用還好用，
冇嘢會改變到，
除非take action,
（立法要求女人向男生求婚？？🐱）
冇所謂，男女問題，
大自然已經決定左，永遠都千古熱話，我哋人類可以再傾多1億年，
即係中世紀做錯事係因為有魔鬼咁，然後比錢教庭買贖罪卷。
其實人生有些迷信想法，如資本主義邪惡，自由市場係低效、父權壓逼...可以比到自己安慰，令人生有寄托，也是好的，不過分不要求別人跟從你思想就可以了。
其實父權同女權係可以共存 真係覺得被迫害個啲其實都只係寒酸孤寒無料嘅男人 我真係無聽過女仔會話自己俾父權/女權迫害