📌 因為自細喺港島大，理
共 44 條紀錄
因為自細喺港島大，理所當然都想另一半都一樣。每次識到對方係秀茂坪、慈雲山、葵X呢啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係深水埗呢個咁雜既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見朋友會尷尬。
如果係你，你會點揀？
九龍仔一到麥當勞，所有叫加大的港島人便都看著他笑，有的叫道:「九龍仔，你臉上又添上新傷疤了！」他不回答，對櫃裏說:「豬柳蛋漢堡餐，不要加大。」便排出廿四塊錢。他們又故意的高聲嚷道:「你一定又偷了人家的東西了！」九龍仔睜大眼睛說:「你怎麼這樣憑空汚人清白……」「什麼清白？我前天親眼見你偷吃了何家吃剩的二手飯，吊著打。」九龍仔便漲紅了臉，額上的青筋條條綻出，爭辯道:「吃二手飯不能算偷……吃飯！……讀書人的事，能算偷麼？」接連便是難懂的話，什麼「君子固窮」，什麼「者乎」之類，引得衆人都鬨笑起來：店內外充滿了快活的空氣。
人哋歧視性別，歧視性取向，歧視種族都衰，你歧視埋住邊度/地區，你仲衰！我就係深水埗長大，都唔9明啲人話深水埗雜，雜乜9？！成長地區唔高級，唔代表個人人格會低級！出生可以係草根階層，屋企靠努力向上游，屋企人當年開工廠養大仔女，我學識做人做事唔好怕辛苦，唔知cut corners, 要得到就要put in effort! 我依家唔係大富大貴，但生活總算financially comfortable! 我不以出生於深水埗為恥！「莫道你選擇人，人亦選擇你」 你可能都係人哋眼中，你果區嘅底層咋？！如果我知道對方咁樣地區歧視，我第一時間block 9 佢添呀，話知佢住山頂吖！
身為港島人完全明白你嘅意思，我細個去到high school都係有呢個諗法，基本上成個香港，感覺上除咗上環至太古城，九龍塘同埋啲有錢地區之外，其他地方都好雜咁。直到我升咗大學之後，識咗啲來自香港唔同地區嘅同學，發現佢哋全部都基本上同自己冇分別，完全唔會覺得cheap ，甚至有啲其實屋企仲幾有錢，所以真係唔好有咁嘅諗法，只係會局限你自己。我覺得你可以了解多少少嗰個人個background先，如果佢屋企係正正常常唔複雜，佢又有穩定正當職業嘅話，其實都可以再了解吓，如果啱傾嘅話。
其實如果你唔係姓李姓郭姓鄭姓何姓吳嗰班有錢人，都唔知你自我感覺良好啲乜嘢 🙄
如果明知自己比上不足，比下有餘，就睇唔起「比自己出身低」嘅人（你認為係「低」），咁樣嚟搵優越感，你視野都好狹隘，夠晒膚淺。

想知Po主翻咩工喎！
如果做港資、中資，咁做MNC嘅人會笑你井底囉，人哋翻工對美國，對歐洲，你就對大陸佬 🤭
搵幾錢？5皮一個月乍？10皮嗰啲睇你唔起囉！垃圾！
仲打緊工？自己做老細先叫叻呀！
一山還有一山高，唔好以為自己住港島有幾撚巴閉啦！😮💨
作為住港島同晌港島長大,但有晌港九新界返過工的人, 完全唔明點解D同樣晌港島長大的朋友會覺得成世人都要困晌港島先有優越感, 想住港島同晌港島工作我明白,但我唔明點解連娛樂運動全部都要困晌港島...作為港島人覺得晌港島行街購物食好西選擇真係好單一, 係有好野買同好西食, 但唔明點解佢地接受自己可以247都stay港島做齊衣食住行,佢地好多仲有種莫名的優越感要睇低晌其他區生活的人...而呢類港島人一過海離開尖咀地域就好似路痴咁完全唔識九龍新界D路,但又唔係有錢到自己有車果種
以謙虛嘅心包容你認知外嘅嘢先能感受更多。
九龍嘅世界都係世界一部份，也是香港的一部份，作為香港人就算冇了解嘅義務，都唔好帶有色眼鏡看待啊～
有好多影后影帝，成功人士，或者為香港建樹嘅人，都是離島或九龍公屋等等地方出身，例如深水埗嘅明哥幫咗好多好多人啊，如果佢唔喺深水埗嘅話，就唔能夠幫助咁多深水埗需要幫助嘅人。
雅俗共賞，心胸廣闊啲，世界會更大，唞啖氣都舒服啲！
咁又唔駛 block 人！ 我都係港島人揀老公住港島純粹慳返Travel Time 🤭 仲有大家講起啲去開食飯地方會有話題。
同埋結婚後唔駛就邊個住指定區域🏘️ 我都有朋友係住九龍新界。
如果另一半係九龍新界你係男人預咗將來有機會跳出港島住九龍新界。 但係我唔覺得會令你帶俾朋友見尷尬， 除非你識開班 friends 都係都國際學校， 外國大學畢業🧑🎓⋯⋯佢哋屋企背景比較優秀唔排除會白鴿🕊️眼人。
因為自細喺美國大，理所當然都想另一半都一樣。每次識到對方係香港、九龍、新界啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係太平山咁雜既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見朋友會尷尬。
如果係你，你會點揀？
（不過講開又講，美國先係最雜嘅）
但係我只知道人哋十幾年前嘅時候,老豆係香港太平紳士兼康泰旅行社董事,88億身家,嫁畀個揸貨車嘅,阿媽有好憎人冇錢嘅,賭王個女,黐埋去個住禾輋邨嘅,朱玲玲就嚟同霍震霆離婚,揸部benz,去禾輋邨,見到佢啲師兄弟同佢講低,我就嚟同霍震霆離婚,我同佢一齊,賭王個女有跟佢閃婚,係個男仔冇配合,咁！梁安琪啲friend攞個男仔嘅錢,個男仔話追究,有話過佢基層,有句話唔大唔細懶係嘢類！
因為自細喺深水埗大，理所當然都想另一半都一樣。每次識到對方係堅尼地城、西環、炮台x呢啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係跑馬地呢個咁雜既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見朋友會尷尬。
如果係你，你會點揀？
因為自細喺新界大，理所當然都想另一半都一樣。每次識到對方係銅鑼灣、灣仔、鴨脷洲呢啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係金鐘呢個咁複雜既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見朋友會尷尬。
如果係你，你會點揀？
因為自細喺大6大，理所當然都想另一半都一樣。每次識到對方係、日本、美國呢啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係精神病院呢個咁痴線既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見豬朋狗友會尷尬。
如果係你，你會點揀？
因為自細喺火星大，理所當然都想另一半都一樣。每次識到對方係金星、土星、木星呢啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係海王星呢個咁雜既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見朋友會尷尬。
如果係你，你會點揀？
每次見到呢啲文章我都會問自己究竟係真定假？定係搏流量引戰文…點解可以甘搞笑，我一開始睇以為係搵港大，睇真啲原來係港島大🤣
如果係真既，樓主唔單止要門當戶對仲要連區都要對，仲要同你一樣係港島大，甘幾歲開始計算呀？定係只計由出世開始呀？幾歲開始搬到港島又唔計呀？但另一方面你算唔算歧視係港島大以外所有區既人呀？深水埗首先遭殃…
因為自細喺山頂大，理所當然都想另一半都一樣。每次識到對方係半山、啟德呢啲地方就忍唔住block左。
我識好多friend都係咁講，no offence只係大家成長背景有少少唔同。
上個月識到一個人，傾咗成晚先知道佢係半山呢個咁窮既地方大。
我冇block佢，我想再觀察下，但我內心好掙扎。
佢個人係唔錯，但我好怕帶佢去見朋友會尷尬。
如果係你，你會點揀？
一個人去識朋友就係識同自己唔同嘅人了解多啲個世界，先係去識朋友嘅前提
就好似黃秋生講嘅咁，一個人做嘢低裝，你可以「睇佢唔起」
但出生地點環境係點，係冇得揀，你咁樣做係「歧視」
如果你唔識得點去改變你自己呢個態度嘅話，你只不過係喺度「攀比」，唔係去「識朋友」
BTW，我覺得對住呢啲人冇乜嘢好嬲，只會覺得佢可悲🤷🏻♂️
由細港島大由出世到讀書都住港島私樓，由幾百呎住到幾千呎都有
咁又點，層樓係你自己買你可以咁諗嘅，如果係屋企人嘅就唔好打飛機
除非你屋企有錢到可以咁諗
不過我想講嘅係 我由細喺港島大嗰陣屋企background咁上下其實識到嗰啲人住嘅地方都唔會差
都係住九龍新界別墅
地方好大
環境好好
唔該你眼界唔好咁淺 睇闊啲啦
有個auntie級朋友
70年代出世，父母都係富4代
世代都住香港島
第一次認識佢2014年，佢知我住九龍，我以前做街市
滿臉歧視疑惑，叫我見佢之前沖涼
原來佢40年代父母從小到大話佢聽
九龍好多壞人 黑社會流氓都係哂九龍
一過九龍就會迷路，
佢其他港島名門望族都會好歧視九龍人

但今日佢已經成日過九龍玩
估唔到呢啲思想都今日都仲有
灣仔北角一向都好多堂口喎。
講黑社會唔少得過九龍。。
大佬，灣仔之虎陳耀興都喺嗰邊發跡呀
我雖然都係平日無乜事唔想過海嘅島民，但唔會覺得其他唔係住港島嘅會因為居住地區令到背景變得好唔同、去到帶佢出黎見朋友會尷尬嘅地步（你打完嗰句唔覺得呢個人設好好笑㗎咩？🤭）世界何其大，何必為自己設定如此多餘的限制，還要劃界線收窄自己的視野？可能你某天在香港島遇上的那個significant other原來都不是本地人呢。
我都係港島長大，讀城大時，識到來自唔同地區嘅人，心裡好驚喜，識到一位朋友係元朗人，當時傻傻問佢，元朗係咪有牛架… 然後佢笑我，直至有日佢喺元朗買咗一盒老婆餅返lecture hall 一齊食，我記到今日🥹🥹🥹⋯⋯ 想講嘅係你唔會估到一生人會遇到咩好人好事令你會懷念一世，不如俾個機會自己都俾個機會人哋？
其實我幾認同樓主既諗法，知道自己想要d咩，唔好浪費大家時間。
我自己係新界大，然後港島工作，身邊自然就多左港島長大既朋友，我有默默觀察，港島長大既朋友就算學歷唔高，但普遍英文程度都有返咁上下，待人接物方面都比較識做人。當然都總會有好多例外，但呢啲真係要識落了解過先會知
你淨係講你嫌啲乜
可摸耳/有冇信心（你一定有因為住港島）講下你自己少少background?
我而家少驚，覺得成身都係豬臭味💩
Ps: 港島出世住時代後面舊唐樓
之後就住一直最多長齡臭嘅黃大仙區
慈雲山一個唔該讀咗7年中學🏫
而家仲衰觀塘返工好似係低收入區永恆top3….
求你顯靈覆覆我呀大少⋯⋯
如果只係講地區 咁我覺得樓主太莽斷
深水埗雜 但尺價唔一定低過港島 深水埗都有好多私樓 尺價around 17k@-20k@
樓主如果係住自住私樓 尺價如果超過24k@ 咁可以唔洗觀察 因為就算對方幾好 你都label左人地係下等人 一齊大家都唔會開心 但如果尺價below 20k 人地層樓都可以新過你 😅 純建議 reference only
我都聽過呢d 港島blue blood 心態
其實港島係早d比英國發展（1841）
九龍就（1860？）但真正全面發展係攞埋新界（1898）先。早嗰廿年港島係繁華好多，有好多殖民地建築同商鋪，但九龍都仲係花園荒村黎ja。於是個優越感世代流傳？😂
但係港島愈係舊區就曱甴都特別多🪳
呢啲咁嘅狗屎垃圾地方，同佢哋講多山半句都整臭你嘅口
生為港島人 死為港島魂
如果我係你，一識新嘅朋友一定問人哋住邊區先，一聽到唔係港島區大，千祈唔好客氣，一定要3秒內即刻背對佢，以9秒9速度跑離現場，否則佢哋嘅飛沬會彈上你身，溝淡你個港島魂
我覺得留言區太敏感
佢想搵個住港島嘅人
只係一種明碼實價嘅要求
擇偶條件嚟嫁姐
係就係偏門啲，但最後有無另一半都係佢自己負責嫁嘛
我嘅建議反而係，你一定要直接話俾對方知你有咁嘅要求，而家觀察緊，等對方都有同樣嘅權利去選擇俾唔俾機會你觀察
住慈雲山有邊度得罪你😭慈雲山屬於「半山」住宅區，我由細到大都住喺座山上面空氣清新，交通勁發達，又好住，不過冬天屋企仲凍過條街
相反港島好迫，啲街又窄同港島本身相對舊（雖則慈雲山都唔新得去邊）但點解住港島會有優越感😭????
住港島好撚高貴呀？港島冇西環邨？冇勵德邨？冇華富邨？冇興華邨？
住深水埗區就一定好窮？有冇聽過西九四小龍？有冇聽過又一村又一居？就連發哥周潤發住過嘅郝德傑山都係屬於深水埗區。
「你可以睇我唔起，我使撚你睇得起啊？」
通常d人講成長背景都係講家庭環境、教育、經歷果d, 就咁睇住邊真係幾…..特別。同埋出咗黎做野嘅工作背景比成長背景影響會更大。香港咁細都仲要揀社區，咁你無咩選擇乍喎，仲有啲井底之蛙，識多啲唔同背景嘅人其實好事黎
千祈唔好揀，你本身都冇資格識朋友，乜住港島大好L威架，狗眼看人低就係你呢種冚家鈴，借問聲你搵幾錢一個月呀？我住元朗喎，打工仔爛仔一名，我月入都有6位數喎，用你嘅仆街思路去諗野我應該要睇唔起幾多人，九唔搭八
世界觀狹窄到呢，建議你拋開地區標籤，以香港入息中位數嚟講西貢$41,400，港島區，只有中西區及灣仔能與西貢並列，該中位數前者中西區42,400及後者灣仔40,800。概括地說港島區也有窮人的。
拋開你的偏見吧。
有你哋班「歧視種」，真係影衰晒啲「港島人」。香港地，個同志社群咁細，唔喺要互相尊重咩？請舉例及說明有什麼地方「非飛港島區的人」是比較差？又或者咁講，你班「清高」既，唔該離開香港，去其他地方覓食。
我係港島人，另一半住新界東，我返上門工作行齊18區，覺得區區都有自己特色，都有好同奇怪人，不要因為地區就局限自己不去感受其他地方，其他地區都有自己文化，我都諗住之後搬出港島，感受新嘅地點、新嘅文化😉
我會叫佢走，因為你唔好害人。
反正你都唔係睇個人core values,
睇人住邊又乜乜，就算俾一齊咁。
又可以講份工又乜乜。
佢d其他朋友又乜乜。
會尷尬係你自卑，你放過佢啦。
又要形象工程，自己伴侶形象都冇信心。
其實一句講晒，小朋友見識太少啫。仔，讀萬卷書不如行萬里路，有機會出國住下見識下，去多d地方大國小國，同當地人傾多d計，個人就唔會格局咁細，大家都口下留情。 叔叔港九新界都住過晒，家陣天后，共勉
唔講地鐵，
一架978 劈到去上水粉嶺，
968 直到元朗…，車都唔使轉。
葵芳荃灣930、930x ，唔好再自己框住自己，我喺港島工作咗就快廿年，港島同九龍新界比，只係佔香港生活、活動空間10%都無。
你條菜肯定十惡不赦，就算表面係君子內裏都係衣冠禽獸，耳濡目染咗咁多年肯定佢嘅內心已經扭曲曬，佢係一個壞咗嘅人。
你即刻放手，走夾唔唞，呢啲咁艱巨嘅任務就交俾一眾會員樓友得喇。
其實香港交通咁撚方便 完全唔明你講緊啲乜 住邊度都好咪又係喺香港😂同你去了解一個人認識佢係兩回事囉ok? 你住緊嘅地方交通已經好撚方便架啦望周知😒你過嚟英國應該拖都唔使拍㗎啦☺️
唔係你講中文嘅話，我真係以為你係1842年嘅白人精英階層嘅死老嘢呢，下次講英文可以cos得更似。不過香港咁細，你世界觀仲要狹窄到只有港島同外界，宜家啲人流行起網上曬自己係井底之蛙？