📌 在foodie出現之
共 45 條紀錄
在foodie出現之前，其實有個職業叫飲食記者/副刊編輯/專欄作家，佢哋啲「免費飯」多到食唔晒，食到唔想食。
一個專業的記者/編輯，視呢啲「試食」為工作，認真志不在食，目的係影相/拍片/採訪，會需要閱讀新聞稿，了解餐廳和食物故事，要問每一道菜食材邊度嚟、點煮、有咩特色、要點食…
食咗免費飯通常係要還(關係都要打好)(亦有啲飯局請都無人去)，但無話一定要好評，負評通常會直接同餐廳/公關反映，出文盡量隱惡揚善，亦未必會專文寫，可能還一格仔或者合集稿都得。
其實呢幾年都好多由傳統報紙雜志出嚟的飲食記者轉做foodie，佢哋理論上有專業背景做出來的稿會比較有質素。
無做過傳統媒體的foodie，佢哋受嘅係演算法訓練，寫文guideline係招募試食果班PR俾。著重嘩眾取寵，誇大其詞，讚不絕口，博取流量，其他對於佢哋其實唔重要，亦都無諗咁多。
專業嘅未必做到流量，有流量又未必做到專業，兩者並全真係萬中無一。
記者係讀者出糧畀佢-->所以佢為讀者服務，揀啲好餐廳。
foodie係餐廳出糧畀佢（免費飯都當係出糧啦吓）---> 所以佢係為餐廳服務，幾難食都話好食。
以前啲人肯20蚊買本雜誌，會得到有質素嘅食評。而家碌手機睇免費foodie，質素就係咁。
#前副刊記者路過
前飲食記者路過
以前做專題
餐廳無渠道要靠紙媒，或多或少係尊重我地，整出黎出比我地影同佢出比客人成品相差幾多，我地管唔到。但我地唔係求福食，係求份糧。
而家Foodie
有headline有口號就可以有幾k views.
唯一分別係foodie人數眾多，大部分唔係想搵錢，係想食免費餐。拍條片，tune 色同配條音，半個鐘搞掂，未計AI幫手。
最大嘅變化係
觀眾唔想睇圖睇字睇排版
觀眾想睇幾十秒嘅片同高強度口號
//最強性價比//
//油脂感爆炸//
//唔食一定後悔//
我地以前寫稿，一啲詞語出現多過兩次都比人鬧冇字冇墨唔好做記者，但而家啲shorts /reel d 稿都千篇一律。
最大問題係觀眾覺得冇問題，
所以有問題嘅係我地😭
副刊記者，除咗飲食仲有旅遊。而家好多人走出黎拍vlog，而唔係真係介紹一個地方。有時旅遊局請我地去fam，我地都唔係咩都會出街，出唔到街會同佢地解釋原因。自己轉做自媒體（都係pr），但旅遊局而家俾d pr 教到咩都睇數字，道理同飲食一樣。
我自己都有做飲食，有次係香港一間日本餐廳食完，好多讀者留言問主要食材係咪mij，我問返間pr，佢覺得我好似搞事咁，最後問到mic／mit，但香港店多數mic，我全部答返讀者，大家有答案自己諗啦。pr 交哂數，話之你，唔好搞到佢。
十幾年前進入social media時代開始
內容由文字到圖文到影片
影片由16:9到1:1到9:16
字數由幾千字到幾百到百幾字
時長由廿分鐘到分幾鐘到30秒
當載體由報紙雜誌變成手機
要觀眾（or讀者？）用手機睇長文已變得mission impossible
既然繼續做呢行
都只能講兩隻字「盡做」
不過比起讀者睇片唔睇字…
更慘係見到有啲foodie用AI gen字…
諗起蔡瀾講過，自己同親餐廳老闆合照，如果好食就會笑到四萬咁口，如果難食就會無表情，所以你唔駛問佢間餐廳好唔好食，睇下佢咩嘢表情就話哂俾你聽
我做副刊係非常短時間，
果時基本上唔打算寫，都唔會去食
食左就點都寫下
但到底好唔好食，真係食完先會知
再加上好多係圍訪，即係你講得出名既media都會出，咁自己果份反而冇，一樣俾阿姐鬧俾人詐形，好多都迫住出
試過有一間真係好無禮貌，我都唔想出，因為係圍訪，都只有照出。
唔出大集團既餐廳，只有搵小店（飲食男女/蘋果實做法）但飲食係好難影，小店可能太細/無PR跟/老闆唔配合，好多photog都影得唔好，結果影完又係俾人鬧，出報紙仲煩，因為deadline好tight,影得唔好冇野出就食屎，所以最終都係會揀去大集團既餐廳
我唔係記者出身，亦都冇任何相關媒體經驗
但有啲嘢，要過到自己良心
所以好多時候都會婉拒一啲餐廳
好多時候我都會自己俾錢佢食值得好食嘅餐廳
就算有邀請我會去查一間餐廳嘅背景、來源、理念、品質
唔係淨係睇佢有幾多人介紹 所謂嘅免費
本來我已經有能力可以自己俾錢去食
免費永遠都係最貴

有啲餐廳，用大量Foodie宣傳去堆出名氣
但亦都有好多真正有熱情、有心做嘢嘅
一直寂寂無名
我一直都相信一樣嘢——
你feel到，人哋都會feel到
誇張可以換到流量
但未必換到信任
好多人會因為一條片follow你
但佢哋留唔留低，
係睇你嘅內容有冇價值
如果一條影片
對人冇幫助、冇意義
其實冇必要存在喺呢個平台
比起流量
更想做啲有質素、對得住自己嘅內容
未必可以一夜爆紅，但至少做自己喜歡
如果香港大部分餐廳都垃圾，俾多一百個蔡san都推唔到好嘢。（不過蔡san都會收錢做嘢就是啦）
飲食男女的專題同老店人訪是好高質的，有段時期擸晒全行寫得最好嘅副刊記者。
而且寫飲食只寫好唔好味太膚淺。好的飲食專題寫技藝，關係，文化，城市歷史同時代變遷，寫人。
我舉過例，飲食男女有一篇寫到佐敦華叔天上有地下無咁。咁篇嘢係寫得非常出色既，但當我去多咗日本，見識多咗少少🤏，就知道日本傳統賣廚刀既公司係好普遍，幫佢哋買廚刀都會幫你開埋刀，雖則而家去錦市場有次，因為太多人買，服務差咗就是了
前飲食記者路過
只能講市場決定一切 所有野都係供求
咩野多人中意睇
市場就會多果樣野
多誇張嘅foodie 就係因為市場中意睇呢啲 就算做記者真係好多時支筆都唔輪到你話事
最後都係要有流量先做得住
就係傳統嘅文章寫食物題材已經唔吸引，喺自媒體大量湧現嘅世代之下，所有吸引眼球嘅都係嘩眾取寵嘅方式，所以舊式嘅傳媒報道先至式微被取代
我諗起舊派foodie倪匡蔡瀾葉澍堃佢地去開個啲一般人一年未必去一次😂
其實要分辨係foodie定shitie, 睇下個look mk 唔mk，已能準確分辨7成。一臉窮相既多數求福食。至於點解大部人都中Shiite伏，咪因為佢哋自身平時都係食開屎，氣場同shitie 接近，咪咁
我唔知我用咩身份角色講好，不過都係果句，無眼睇~~~~~
好唔好食有時好主觀
但依家d”foodie”
連食物基本”甜酸苦辣”都唔識去形容
食材好壞又唔識 來源知識又唔識
煮成點又唔識
淨係識放入口
因為啲人而家鍾意睇foodie 
有點樣嘅觀眾 就有點樣嘅foodie
就算記者食評幾有質素都好 都唔夠用字誇大嘅foodie咁有流量
宜家AI真係好勁
根本你每日睇嘅就係你想睇嘅野😂
邊睇邊鬧根本係個人興趣😂
exactly😂😂 演算法派得俾你因為知道你鍾意睇
基本上現今世代大家的腦袋都被調教成追求速食，一切求快求吸睛求嘩眾取寵，一篇有一定長度的文章好多人簡單一句 TLDR 已無心再睇。一方面讀者係呢個情況，一方面寫作的人會見到速食文章已經揾到食，有文筆、有味道觸覺的人仲可能未必夠識寫呢d 速食文章揾得快揾得多，惡性循環下，就出現你所講嘅情況。
宜家認真寫文章放上網都係養ai
所以唔會太想寫😆😆
做專業嘅無人睇，咁係咪專業有問題？例子可能唔太合適：師奶同廚師煮嘢食，竟然食客話師奶好味過廚師。咁你廚帥仲好意思收人錢，真係把撚
諗起以前gordon ramsay係有個節目全世界周圍走，講各地飲食文化，自己會落手試下煮（記得越南個集比個越南師傅屌到仆街）。
而家睇foodie 唔係廣告就好多都無探討下d 係點解咁煮，不過算啦幾分鐘片又唔可以同成個鐘電視節目比
宜家啲reels得30秒至1分鐘
其實真係好難講到咩有意義嘅內容
從來都係嘩衆取寵有觀眾，但係過到自己嗎？
我還是喜歡盡力寫好內容
嘩 以前未做廚師時有睇開你d travel blog，好欣賞你d文字
有機會整個Veg French toast幫我試味吖🙏🏼
以前生果同經濟可信度都高，但由「舊」傳媒入市開始玩爛咗，佢哋啲記者會走入啲食店，直接講收幾錢一篇，令媒體開始失去公信力。
如果有仲有呢啲專業既人可唔可以比我follow 下