塗抹式微針點解我唔用❓️如果真係想用要注意咩事項⚠️

塗抹式微針所謂製做微細管道，其實係肉眼睇唔到嘅微細傷口，原理上當皮膚有損傷，就會啟動自我修復機制，令到細胞再生、促進膠原蛋白和彈性纖維嘅形成。

誇張少少舉個例：唔小心跌親，傷口癒合之後有肉芽，肉芽嘅形成就係因為傷口啟動自我修復機制，刺激咗嗰部份皮膚膠原蛋白增生。當然塗抹式微針嘅傷口係肉眼睇唔到，但係咪冇傷口痕跡？

不同客人曾經做過傳統式微針、海藻矽針之類黎度我度做皮膚分析，目測係冇乜點，但照完皮膚分析儀就見到個底係傷曬。呢啲客人有一個共通點，每當轉天氣或者受到外在環境影響，就會出現皮膚不穩定，例如皮膚乾燥不適或敏感等，有啲更會出現長期不適。

雖然塗抹式微針已經係進化版令傷口更細，不過推出日子尚淺，我仍對佢帶來長遠嘅影響有一個好多嘅問號❓皮膚有幾厚，其實真係好薄唔能夠經歷衝擊，傷咗亦冇得返轉頭，無謂無端端多達疤，所以我會選擇𧫴慎唔會用。（太長篇，留言待續）
以上純粹個人理解，不喜勿插。

小妹專注做咗皮膚分析今年第十年，同時亦係一位護膚品調配師，希望大家follow 我嘅 IG 及 Threads 支持下😊

我明白廣告底下的確好似好吸引，總有人會衝去試吓新嘢。以下皮膚就真係建議唔好去做勇者：暗瘡皮膚（已經好多傷口）、敏感皮膚。

如果真係想做，有非做不可嘅理由，每次用完要：厚塗護膚品舒緩不適、一定要做好防曬同埋唔可以直接曬太陽，以及將去角質及含酸產品放埋一邊唔好用住。