📌 外父外母嚟澳洲一段時
共 75 條紀錄
外父外母嚟澳洲一段時間 - 左撇隱憂
今日聽到外母喺個廳度好大聲同啲親戚講電話，話亞B好似經常用左手多，如果係左撇真係死火囉…
佢咁擔憂，係因為唔知邊個邊個親戚 都係左撇，不過個人品定唔知事業就唔係咁好
其實…同枱食飯咗咁多次,我諗其實佢知道…佢女婿都係左撇
有一個左撇女既阿媽（我）覺得左撇先特別。而且我識好幾個左撇勁聰明又揾到錢
提醒多你一句，我個女由8個月開始返daycare，由細到大都係用左手。而家4歲開始係屋企做勞作，所以我買左把左撇專用既鉸剪比佢係屋企用。
有一日佢突然同我講話佢鍾意屋企把鉸剪，因為daycare果d全部壞曬佢剪唔到。到呢個時候我先發現daycare無比左撇鉸剪佢用。左撇用普通鉸剪係乜都剪唔到。
你小朋友如果有返學／去daycare要留意
而家八個月幾 一歲都要帶佢去childcare啦。都唔真係sure佢係咪左撇 不過一歲嗰陣時應該唔俾用鉸剪住 可能要遲啲先？ 我都多謝你嘅sharing !
我阿B果陣都係咁 到去playgroup 啲miss 覺得有問題就開始「迫」我用右手 但屋企又慣用左手 結果左右不是人🙈
右手寫字 筷子
其餘全部左手
師兄要唔要開班教下EQ之類？我係你嘅話第一日應該已經家庭革命🤡
總係覺得左撇子聰明啲，與眾不同。
當人人右手寫字，你就用左手，幾型呀！
人人右手揸較剪，你就用左手，超型呀！
人人右手攞刀切野，你就用左手，型到痺啦！
人人都用右手Mug，你就特別用左手Mug，簡直偶像呀！
人人戴錶都戴左手，你就戴係右手，無人能敵呀！
你知點解啦！😂
外母👵: 如果係左撇真係死火囉…
女婿👷: 「點知佢啫」，「唔緊要啦，一陣洗吓佢隻左手啦」
佢係恐龍時代走出嚟㗎喎
仲有人諗用左手有問題
你用左手捉返佢入博物館好喎
斷斷續續睇左樓主大半個月，究竟外父外母係來探親定長住😂
長寫長有
🤣Bridging 要Bridge 30年🧓🏻
我表哥都係左撇，讀書同脾氣都好好，係女人緣勁左小小，算唔算唔好🤪🤪
點解可以每一個post 都咁好笑架喂！😆😂🤣🤣🤣
睇到笑咗出聲，細個都係左撇被親戚訓練到用右手，但係寫字好樣衰
唔係，依家全部用右手，但係一開始學琴嘅時候係用左手拎弓可能天生嘅嘢係改唔到之後用返右手拎
同款奶奶
後來小朋友返學後用右手寫字，佢咁，咁咪好囉，正常番
頂，左撇子唔係唔正常呀
佢咁極端既..
我大佢先..
我仔左撇有畫畫天份但色盲🤣🤣🤣
佢仲要勁肥但運動細胞好好.
滿意未🤣
快啲問吓你外母, 到底不滿你人品定事業唔好?🤣🤣🤣
個人覺得真係未必係….特別左右手撈埋一齊用嗰啲人😂
咁謙做咩啫
你叫啲右撇練用左手咁難
就知左右一齊用嘅人勁啲啦
做咩要迫人讚出口唻爭取存在感？😏
細個真係聽一個講法就係 左右撈亂黎用嘅話 令到啲腦神經黐埋一齊 變咗比正常更加蠢
我識人係左撇，原因係內臟全反。個心喺右邊。醫護話冇問題。我都覺得係，因為佢已經係成年人，冇大病冇痛，一樣咁正常生活
雖然外母嘅開箱技巧令我不敢恭維，但外母指桑罵槐嘅功力令我十分佩服
「阿B都係因為學你先會用左手！」
「你以後係阿B面前唔好用左手！」
恭喜曬喎！你終於成為佢嘅親戚啦！🫠🫠🫠快啲開香檳🍾！
其實應該擔心嗰個係你，因為第二時呀b 學寫字就只可以靠晒你😆
左撇女婿人品如何呀😂
EQ高囉.
事業, 澳洲藉重想點呀.
香港地好難搵㗎😂
我重係細個時都被迫用右手
而家左右都可以用筷子 (左好啲)
右手寫字 (中文寫得好衰🥲)
多數野我都可以同時左右手咁用, 邊一邊就手就用邊一邊.
你活左咁多年，有無因為用“左”手 而“憂”柴“憂”米呢？依家都係懷疑阿B既階段。。。仙女可能轉下頭又唔記得咯！哈哈哈！
師兄會唔會係第一個男人親身感受到啲新抱對住奶奶嘅POV？
如果唔係video call，85% 可能是講俾有心人聽，崩口人忌崩口碗，擺明係果個有代號嘅親戚係人品麻麻事業麻麻啦
聽清楚自己個代號以後就可以對號入座 lu
終於知道點解佢咁對你，原來係因為左撇
P.S. 我覺得左撇啲人聰明啲
蠢人從來唔會放過話人知佢蠢
都係果句，佢早D 自曝其短係好事