多年嘅心結終於解開。

事緣有位世叔伯，在一次聚會中, 他特登走來問我有關勞資糾紛嘅意見。

他說他收到律師信，有前員工向他追討工傷賠償和MPF欠款，
我直話直說:「這些官司多數僱主輸㗎, 閒閒地賠十幾廿萬, 你不如將資産轉咗俾老婆…..」

我未講完, 佢就打斷我:「資產轉移芝麻, 去趟澳門賭就得, 俾個仔都唔會俾老婆。」

我原本仲想講：「然後離婚」, 只好即時呑返落肚。

跟住佢繼續講:「我揾咗律師啦！佢話有得打㗎, 個員工擺明老屈, 我實同佢鬥到底。」

我心諗要小心啲律師喎, 佢哋實際做幾多收幾多, 但唔會擔保官司一定赢。

我想提醒佢, 但佢連自己老婆都唔信, 我呢個外人, 點夠膽俾意見, 所以我選擇了沉默。

件事過咗幾年, 從其他人得知, 佢輸咗官司, 連MPF和工傷合共要賠幾廿萬, 無幾耐佢生癌離開了。

知道佢離世, 我有啲糾結, 如果當年我叫佢小心想清楚啲, 結局會否改寫？

從世叔伯嘅角度理解, 佢賺嘅全部都係辛苦錢, 係員工主動要求收現金唔供MPF。該員返工又hea, 自然會容易弄傷自己。

現在要賠幾廿萬俾人, 再加上律師費, 氣憤在所難免。我好同情世叔伯嘅遭遇, 可惜佢嘅諗法，和實際法律觀點並不相符。如果我講出自己嘅見解, 會唔會改變佢原來嘅諗法？

最近，我同佢嘅共同朋友傾偈, 朋友講起佢, 話我知當年佢哋班行家, 好多都有返大陸包二奶，佢係其中一個。

佢賺到錢就包二奶, 佢自然認為, 佢老婆攞咗佢啲錢, 都會另覓新歡。

那刻佢以為律師係絕對權威嘅專業, 只要有錢請律師, 個律師話會贏, 佢就以為官司實會贏。

我沒有法律專業資格, 講嘅只不過係我嘅認知和常識, 也不敢肯定百分百正確。我無足夠說服力, 去改變佢嘅諗法。

我相信我亦不必為此事再糾結了。

有啲唔夠緣份，你想幫佢，但佢唔想幫自己。
呢啲位點到即止，唔好太干涉人地因果。

唔會改寫

佢唔係問意見，係拎validation，最後佢都係會一意孤行

無錯

近來學到一句頗有用嘅說話 ：放下助人情緒，尊重他人命運

情結
不是情緒 🙏🏻🙏🏻

不要介入別人因果，不再糾結就好

大把裝修佬要現金出糧唔供強積金之後又追工傷強積金年假例假，我見過幾單基本上老闆輸梗。

幾好呀 如果因為出現金就無基本權利既話 呢個社會先玩完。

你所講嘅完全是法官所持嘅觀點, 但實際生意操作不是你所講咁簡單。

裝修工多數是散工, 一般僱主都唔識點計, 額外請人計散工嘅MPF, 會増加成本。

就算僱主願意俾, 員工亦唔願俾人扣糧, 只要有其他僱主現金出糧而唔扣MPF, 我諗個員工會即刻跳槽。

客人唔理你成本㗎, 邊個平就幫襯邊個, 喺人工支出和MPF支出雙重增加之下, 就等於摺得唔駛撈。

你用以上理由作辯護, 個官實會話:「你既然覺得條規例咁唔合理, 你應該同政府反映, 而唔係走法律罅，或唔遵守法律。」

你諗法正確, 但對那些僱主嚟講，佢哋長期喺一個以現金交易為主、競爭激烈嘅環境入面生存，佢所理解嘅「合理」，同法律所界定嘅「合理」，本身已經唔一致。要佢接受另一套邏輯，幾乎係不可能。

係啊 但唔可能為左啲老細判頭就犧牲人既基本權利架嗎。

無人會去犠牲員工正當權益, 所以呢啲官司十居其九都係僱主輸架。

有啲唔係好明
就算係工傷賠償同mpf
都係個僱員應得
僱主唔可以和解？

你咁諗好正路。
我沒有法律專業資格, 唔敢講是否正確。但我都認同僱主應先進行調解, 無法達成共識才上法庭。

好多時上左年紀果堆，就係大時代 打感動果堆

有些人就是，不撞南牆不回頭
所以，不要隨便介入他人因果，唯有尊重他人命運。

別干涉別人的因果🙏🏻