多年嘅心結終於解開。

事緣有位世叔伯，在一次聚會中, 他特登走來問我有關勞資糾紛嘅意見。

他說他收到律師信，有前員工向他追討工傷賠償和MPF欠款，
我直話直說:「這些官司多數僱主輸㗎, 閒閒地賠十幾廿萬, 你不如將資産轉咗俾老婆…..」

我未講完, 佢就打斷我:「資產轉移芝麻, 去趟澳門賭就得, 俾個仔都唔會俾老婆。」

我原本仲想講：「然後離婚」, 只好即時呑返落肚。

跟住佢繼續講:「我揾咗律師啦！佢話有得打㗎, 個員工擺明老屈, 我實同佢鬥到底。」

我心諗要小心啲律師喎, 佢哋實際做幾多收幾多, 但唔會擔保官司一定赢。

我想提醒佢, 但佢連自己老婆都唔信, 我呢個外人, 點夠膽俾意見, 所以我選擇了沉默。

件事過咗幾年, 從其他人得知, 佢輸咗官司, 連MPF和工傷合共要賠幾廿萬, 無幾耐佢生癌離開了。

不要介入別人因果，不再糾結就好

知道佢離世, 我有啲糾結, 如果當年我叫佢小心想清楚啲, 結局會否改寫？

從世叔伯嘅角度理解, 佢賺嘅全部都係辛苦錢, 係員工主動要求收現金唔供MPF。該員返工又hea, 自然會容易弄傷自己。

現在要賠幾廿萬俾人, 再加上律師費, 氣憤在所難免。我好同情世叔伯嘅遭遇, 可惜佢嘅諗法，和實際法律觀點並不相符。如果我講出自己嘅見解, 會唔會改變佢原來嘅諗法？

最近，我同佢嘅共同朋友傾偈, 朋友講起佢, 話我知當年佢哋班行家, 好多都有返大陸包二奶，佢係其中一個。

佢賺到錢就包二奶, 佢自然認為, 佢老婆攞咗佢啲錢, 都會另覓新歡。

那刻佢以為律師係絕對權威嘅專業, 只要有錢請律師, 個律師話會贏, 佢就以為官司實會贏。

我沒有法律專業資格, 講嘅只不過係我嘅認知和常識, 也不敢肯定百分百正確。我無足夠說服力, 去改變佢嘅諗法。

我相信我亦不必為此事再糾結了。

唔會改寫

佢唔係問意見，係拎validation，最後佢都係會一意孤行

近來學到一句頗有用嘅說話 ：放下助人情緒，尊重他人命運

大把裝修佬要現金出糧唔供強積金之後又追工傷強積金年假例假，我見過幾單基本上老闆輸梗。

有啲唔係好明
就算係工傷賠償同mpf
都係個僱員應得
僱主唔可以和解？

好多時上左年紀果堆，就係大時代 打感動果堆

有些人就是，不撞南牆不回頭
所以，不要隨便介入他人因果，唯有尊重他人命運。

別干涉別人的因果🙏🏻