📌 夜晚凌晨三點行緊返屋
共 51 條紀錄
夜晚凌晨三點行緊返屋企打俾男朋友
然後有幾個男人係度望（好明顯 女仔會明個種眼神）我覺得好唔自在 我就同男朋友講
然後佢話：你諗多咗啦。
我仲要解釋話 人哋真係望緊
佢話：你諗多咗啦 哈哈。
我真係笑唔出，係條街度忍住唔好喊，然後全程佢就淨係識問我翻到未因為佢想快啲瞓覺
究竟係諗緊啲咩先講得出句咁撚缺德嘅嘢
唉 但係我都係唔忍心鬧佢…
佢同你住得遠嗎？
如果近：點解佢唔識落來接下你,搵下你,識覆信息即係未訓著啦🙂未訓著就咪訓住啦,落街睇下自己女朋友有無事啦。唔落都已經唔係重點,send埋d咁低情緒value有乜用。如果我係你,個下我應該已經唔驚,而會唸下自己有無必要同佢繼續一齊😇
如果遠：本來就遠,唔來搵你睇你安唔安全就算了,講埋d咁嘅野覺得自己有用嗎？只會令個女仔更無安全感,男人係咁做嗎？就算距離問題都可以send句：「行快兩步去有人或者有光嘅地方,或者拿住把鎖匙係手上旁身,又或者突然大叫嚇死條友。」sorry 呢排睇太多弱智劇情,男護女呢種,所以特別嬲😆。同埋,可能打個視頻都好啊,講埋d風涼說話,想訓覺就早d爛去訓,相信個下無佢同你講呢d野,你心都唔會咁舒服ga🥹
雖然凌晨三點返屋企真係太危險喇一個女仔,下次唔好咁夜小心d🫂
講得太好了🥹其實我唔係話想佢嚟接我定咩，嗰個情況亦都冇話超級超級危險，我絕對有能力保護到自己🥲只不過係想佢陪住我安慰下我令我安心啲有啲情緒價值😭
小妹今年19歲 男朋友23
我每次同我男朋友出街 佢都會送我返屋企 送到屋企樓下望住我上去 如果佢送唔到我返屋企都會同我call住 確保我安全返到屋企
但係只要我男朋友得閒佢就一定會嚟接我放學 放工 確保送到我返屋企樓下 望住我入咗棟大廈 佢先至轉身走去搭車～～
你男朋友咁樣講得出呢句說話就證明佢一啲都唔緊張 一個淨係諗住自己可以快啲瞓覺 自私自利嘅人 你未來繼續同佢行落去唔會有好處 建議你搵一個更愛自己嘅人🥺祝你幸福啊💕
回顧你舊post:
「拍拖拍到平均半個月見一次 每次問佢見唔見都總有原因唔見 網戀咁撚樣 其實係咪要分手
但係先拍咗7個月… 屌 我知我好似小丑
如果我係我個frd 我實屌柒我自己應該要分手
但係 得我知我哋之間開心嘅時刻 得我記得嗰啲心動嘅瞬間 只不過佢越嚟越…
唉 好煩 其實我係等緊 等緊自己夠狠心」
whattttttttttttt 仲未分
被鞭屍添🤣嗰個問題而家已經改善緊🥹我有好努力咁同佢溝通!
快啲換咗個男朋友🙂↕️
我前日同我男朋友講宜家喺Threads見到好多post變態跟蹤狂，佢就即刻叫我每日一放工就打比佢，一路傾電話直到我返到屋企為止😌即使我假期出街去到夜晚10點幾11，佢都會打比我，確保我安全到家（同男朋友異地戀）
有冇心真喺要用行動證明，佢個句「你諗多咗啦哈哈」根本喺漠視你需求🙄
屌~男人就係個腦部思維一條直線，咁都唔會諗多樣嘢去思考😑😑😑明明自己個女朋友都已經講到明半夜三更喺條街度行返屋企,人哋望住你感覺有危險，仲未響起個紅色警報😑
把口臭啲講句：係咪要等到出事先叫做唔係諗多咗呢？
你男友唔心痛你，你屋企人都心痛你。
凌晨三點喎，你想佢做d咩？第一你阻住人瞓覺，第二佢唔響身邊無實際嘢可以做，第三佢問你返到未係想確認你嘅安全，第四你只係比人望係唔會有危險，第五凌晨三點無啦啦有件嘢響我面前行過，唔好話女人，係隻貓行過我都會望多兩眼。
結論係，你男朋友好正常。
我千叮萬囑我女朋友搭車返屋企果陣，經過屋企附近商場準備離開時就要打電話俾我，最少傾到佢返到屋企關咗門為止。
一開始佢間中試過唔記得，我照鬧爆佢，唔怕一萬至怕萬一，一次出事我都唔想。佢而家已經養成良好習慣了。👍☺️
遇到呢D情況第一時間行快幾步，離開現場先。
如果唔好彩D痴線佬stalk你，咁下次打俾信任嘅朋友，唔好再打俾男朋友了。
(btw 正常男人喺3點收到電話，點都應該要有危機感吧)
點解要搞到咁委屈？你好enjoy被佢咁樣對待？
你容許人對你唔好，你諗吓如果愛錫你嘅親人同朋友知道你仲同呢啲咁嘅人一齊，佢哋會有乜感受？開心定你心痛？💔
我都唔明點解啲男人成日覺得呢種係小事化大諗多咗，明明信佢先危急關頭第一個話佢知。有時真係想佢哋試吓做女仔遇下變態佬，多啲同理心。🤡
係你男朋友嘅個人問題，唔係你嘅問題，亦唔係男人呢個性別嘅問題
雖然男人入面敗類好多，但梗係有正常人存在，樓主加油下次一定遇到良人💪
換男朋友🙂↔️唔知點解你咁夜仲喺街啦，我住村屋我夜少少返屋企，男朋友都一定要幫我call車返屋企🙂↕️怕我俾怪獸食咗
先不論啲男人嘅眼神係咪唔友善
當你覺得唔安全嘅時候 佢第一時間唔係擔心你 反而係無視你嘅情緒其實就已經分得
佢唔識亦唔會同理你，你如果想繼續同佢一齊，你要有心理準備你要一直都接受到係關鍵時刻佢唔會幫到你或來救你
呢啲時候我會選擇行快啲，甚至跑返屋企，再唔係自己call車走，而唔係打俾男朋友求安慰，反正佢都救我唔到 😓
學你最後果句
究竟係諗緊啲咩先可以繼續同講得出句咁撚缺德嘅嘢嘅男人一齊
唉但係我都無眼睇佢
如果係我男朋友，佢會第一時間嚟搵我，反而我會安心叫佢唔使嚟，而唔係佢繼續瞓叫我快啲囉！
你值得一個比你更加緊張你自己 (不論係情緒、安全、健康定幸福方面都好) 嘅男朋友
分手 以後發生咩事佢都係會用一樣嘅態度處理，請揾一個真心在乎你感受嘅人🙏🏻
咁你係咪會繼續同佢一齊？
會既，係佢角度即係咁樣做係無問題
close file, 一切如常
「就淨係識問我翻到未因為佢想快啲瞓覺」
以後都唔會再打擾你喇安心長眠啦你😌
下次行快兩步快啲離開嗰度！ 唔好掛住打電話 好危險
同埋 分手😁😁🙏🏻
只能夠講佢冇心 亦唔緊張你🥲同你情況一樣 希望大家都可以早日諗通🥹
連句“你諗多咗啦哈哈”都似係因為佢想快啲瞓教所以敷衍出嚟嘅嘢lol
點解你凌晨三點先至返屋企？係咪掉底男朋友，自己同男仔fd去飲酒？
過往經驗
唔會再同男人講呢d
反正遠水不能救近火
保護自己最緊要
你快啲帶佢去大南街公廁感受下先啦 記得佢到時講咩都話佢諗多咗
有啲人係自己攞嚟賤，同一個唔關心自己嘅人一齊係自己申請！
分手唔該🙏🏻佢都咁講嘢嘅時候都冇諗過你感受🙂↕️
點解咁多女仔專搵垃圾做男友，真係越垃圾越愛？ 哈佢老母
佢等你安心啲啫
佢當時就算即刻來，有事都幫唔到啦！😅
買個啲伊斯蘭黑袍出街啦
香港好危險
要好好保護自己呀
打比老母好過，呢個世界只有老母一定等我安全翻屋企。
Girl 分手佢根本冇諗過你安唔安全 同埋唔當你一回事