大佬呀，明明從來都係得我一個人，係原post講嘅面向😹
（雖然佢對我嘅理念帶點簡化又扭曲🙏🏻）
講到我係一整個潮流/大趨勢😅 係咪太睇得起我😹

我自己由始至終，都冇諗過要符合任何男性（或人）目光😹 真係要符合，係應該係要收埋自己做賢妻良母😹 講咁耐我係一個享受露出嘅變態，鍾意公開+私底下實踐我嘅性癖好，大家都要一再滅聲，將我嘅變態表演，演繹為迎合male gaze😹 我理得你哋鍾意睇啲咩😹 重點係我要露、我要講😹 父權重心之一係壓抑女性性表達，否認女性可以為自己嘅慾望、快感同審美而展露自己，正正就係樓主呢一種，但佢以為自己「捍衛」緊「女權」😹 而佢所謂「女權」嘅定義，係乖乖按佢嘅標準做女人😹😹😹

「男人喜歡我嘅市場存在」同「我為男人嘅市場而存在」
咁難分辨嗎😹

世上無一個人可以完全脫離所有權力結構😹人本身都係可以一邊喺制度中運作，一邊對個system保持批判，因為況且我批判嘅面向，例如對女性性羞辱、偷拍非禮問題etc，同我鍾意性感毫無矛盾😹 「女權」就唔可以賺男人錢，咁可唔可以賺女人錢？聽落咪更加唔道德？😹

男人日日公開私吓講鹹嘢
私底下係咁send鳥圖俾女
隨便唔着衫又得
特登除衫show肌thirst trap又得
頂你個肺 我鍾意露出啫
承認同埋擁抱自己嘅性癖好
講到為咗迎合男人
然後直接等於「背叛」「女權」😅😅😅😅
點解永遠都唔可以承認女人嘅主體性？

大佬呀 黃小姐
你話 「我由始至終都冇諗過要符合任何男性目光 我只係享受露出 實踐自己性癖好😹」
呢個係最core嘅迴避
如果真係純私人性癖好
為乜要公開放上OnlyFans收訂閱費
個市場好簡單
相信heterosexual male gaze
係你嘅主要俾錢客群
就算有零碎女性俾錢
都改變唔到呢個主要邏輯

同埋 你將所有批評即刻等同
「父權壓抑女性性表達」
「slut-shaming」 「想女性做賢妻良母」
呢個係標準道德反轉
我從來都冇提過 「女權」定義
係要女性乖乖按我標準做女人
呢個係你自己加
我只係講branding同行為嘅一致性
同選擇性自主
自由社會下 你絕對有權露 有權賣
有權實踐任何成人自願性癖好
呢點我從頭到尾都冇反對
但你就冇權強迫大家將你嘅操作解讀成
純粹為自己慾望快感
而唔係靠male gaze搵錢加道德高地

最後講多句 你唔好睇得自己咁細
你真係好有影響力
真係有班人會當你聖經咁睇
共勉之

男人鍾意嘅咪自己開一個acc去賣囉，無人阻止佢地，只怕佢哋無嘢好賣啫🤷🏻

成日見到呢啲反智言論都幾辛苦
仲整幾枝煙幾杯啡以為自己好有point
😅👌🏼

先講明我係女人我好喜歡你的市場存在囉，究竟點解女人就係唔可以用身體同自己嘅sexual appeals 去appeal自己同他者，唔理他者係咩gender, 其實可以有好多唔同性取向性別嘅人都喜歡睇靚相..... appeal 到人單純自己開心唔得架，點解一定係要覺得賣相係用嚟please男人，唔好咁自以為事ok？佢好似講到你嘅讀者只有直男，想講你嘅相都please到我呢個女性囉，因為見到人展現自己嘅靚其實好開心。佢段野睇到我都燥燥地...

Btw其實都有好多男賣相，女賣相究竟有幾特權？真心佢都199999999999

原po係好女人！

1. OnlyFans女權，我認知都有幾個。不過都唔係香港。外國有 Farah Khaled. 台灣 鄭家純都可以算係。個人對Farah 幾好印象。思維快，辯論好強。
2. 一邊反對父權，一邊食父權紅利，當然係某程度上既自相予盾。特別係對於基進女權黎講。不過一黎呢啲係女權內部問題 NoneOfMyBusiness，二黎就係商業世界只有賺到錢同賺唔到。M記老闆 都一樣嫌棄自家漢堡。吹佢唔脹既。

我覺得其實佢Maybe想講但講唔出既係，點解可以一邊賺男人錢，一邊嫌棄男人。如果係講反對犯法野，咁其實係好合理既。但如果對於男性整體有"敵意"，咁就係一種作賤自己（啲Fans都係啦）。Again，商業行為。。。

女權理論，本質上就建基於人民關懷。因為反對社會弱肉強食，因為關懷弱勢，先有動機支持權利平等。如果無咗人民關懷，咁其實好多社會理論都只係政治工具。呢樣野對於男人黎講係更加成立既。對於女人黎講呢就。。。即使女人用女權作為一種政治工具，都唔會有自洽既予盾。但當然說服力就有折扣。

咪類似早幾年好鐘意講嘅「賺藍養黃」/ 再遠古啲嘅「食窮民建聯，票投社民連」