大埔宏福苑五級大火發生至今多月，政府近日公布居民上樓執拾物品的安排及時間。昨日（1日）《香港01》報導有租客一家三口僅獲業主分配兩個上樓名額，今日（2 日）再有租客的家屬衛先生報料，指其獨居於宏道閣的七旬母親遭遇同類情況，由於業主態度強硬，企硬要用3個名額，租客只能派一人上樓，即使衛先生再次溝通，業主僅稱：「你自己搵何永賢（房屋局局長）溝通。」
衛先生坦言單位內有大量物品，原本計劃和哥哥一同陪母親上樓，現時卻只能派一人，大失預算。他促請政府從善如流，考慮安排租戶與業主分開時段上樓，並讓租客優先入屋執屋，以保障財物安全。
全文: https://www.hk01.com/sns/article/60336622?utm_medium=Social&utm_source=threads&utm_campaign=news
本來一直冇打算插政府或業主，但呢單擺明業主搞事喎，你租咗畀租客，上去做咩？執灰？？？🤷🏻♀️
1.業主霸兩個位，反正冇住開，果兩個位賣比人囉
2.業主搶先上，先攞嘢走，租客後上，攞完攞淨啦
我係事主，我係好客氣咁問業主，可唔可以俾兩個名額我，佢就一句得埋嚟：叫我自己搵何永賢
香港地係咁
租客永遠被欺凌
始終買唔到間屬於自己嘅屋
永遠都過住寄人籬下嘅生活
同意㗎！因為自己曾經係租客，領教過好多唔方便。亦都提醒所有租客，無論如何都要換鎖 🙂↔️😔
有病！雖然你係業主但屋內所有物件都係租戶，梗係租戶上樓攞嘢！業主夠膽入案法單位移動屋內任何物件都係盜竊！
業主都租左俾人,咁仲有咩可以拎?
仲要霸3個?霸地咩
咁癲？關個PK業主咩事，佢又冇嘢喺上面，影相俾佢睇咩都夠晒啦。真係搏鬧咩
更何況正常嚟講，同租客簽咗租約，業主都唔可以隨便上去啦，要得到租客同意，個使用權喺租客度
完全唔理解啲高官咩構造
平時租出去既單位 業主都無權亂入
因為使用權係租客度
而家火災燒埋租客個使用權？
點解可以直接開放俾業主進入？
同埋有冇智者可以分享啲出租緊既業主上去做乜？
唔係話佢一定黎偷野 但有咩正路野可以做？damage assessment ?
都唔明點解要咁樣？
邊個住緊就邊個優先入去囉
夾硬搞到人哋
講真返到去都分分鐘冇晒貴重物品
咁多個月都唔知幾多人上過去
我覺得業主都想上去睇下自己間屋燒成點，但唔好霸咁多住d
我覺得係政府規管有問題, 完全可以業主同租客都放上去, 分時間加長時間已經可以令到大家舒服少少. 而家搞到災民們互相指責有咩意思？