大家以為「珍姐海鮮火鍋」收山？點知人哋玩緊大冒險 進軍太子大廈！
1.中環「珍姐海鮮火鍋」原宣布和安里舊舖光榮結業，點知負責人Peter突然宣布「珍姐海鮮火鍋」進駐太子大廈開旗艦店。原本喺斜坡小巷開舖，而家竟然直接搬入去同 Cartier、Hermès 做鄰居？
2.講到點解揀太子大廈，老細一句「純粹好笑」真係型到裂。不過笑歸笑，計數都要準。太子大廈喎，名店林立嘅甲級商廈，估計呎租過百蚊，月租分分鐘要六位數。老細坦言租金貴咗，但居然話「唔加價甚至減價」，似乎想靠名氣同人流「以量制勝」，呢鋪真係豪賭。
3.呢件事反映出中環地產市道真係變咗。以前置地旗下嘅舖位幾咁高傲，連太子大廈頂樓的著名餐廳酒吧 SEVVA 2024年都要離開，而家竟然肯租畀火鍋店？睇嚟地產商都明白「高貴唔可以當飯食」，與其空置，不如引入自帶流量嘅本地傳奇名店。中環核心區正喺度「去貴族化」，連兩餸飯都入到場，火鍋店進駐太子大廈都好合理。
4.網民最關心嘅係，喺太子大廈打邊爐會唔會好奇怪？不過呢種極致嘅「混搭」先係香港特色。大家而家最驚都係太子大廈個名太響，遲啲訂位可能難過登天。
1.中環「珍姐海鮮火鍋」原宣布和安里舊舖光榮結業，點知負責人Peter突然宣布「珍姐海鮮火鍋」進駐太子大廈開旗艦店。原本喺斜坡小巷開舖，而家竟然直接搬入去同 Cartier、Hermès 做鄰居？
2.講到點解揀太子大廈，老細一句「純粹好笑」真係型到裂。不過笑歸笑，計數都要準。太子大廈喎，名店林立嘅甲級商廈，估計呎租過百蚊，月租分分鐘要六位數。老細坦言租金貴咗，但居然話「唔加價甚至減價」，似乎想靠名氣同人流「以量制勝」，呢鋪真係豪賭。
3.呢件事反映出中環地產市道真係變咗。以前置地旗下嘅舖位幾咁高傲，連太子大廈頂樓的著名餐廳酒吧 SEVVA 2024年都要離開，而家竟然肯租畀火鍋店？睇嚟地產商都明白「高貴唔可以當飯食」，與其空置，不如引入自帶流量嘅本地傳奇名店。中環核心區正喺度「去貴族化」，連兩餸飯都入到場，火鍋店進駐太子大廈都好合理。
4.網民最關心嘅係，喺太子大廈打邊爐會唔會好奇怪？不過呢種極致嘅「混搭」先係香港特色。大家而家最驚都係太子大廈個名太響，遲啲訂位可能難過登天。