📌 大家住青年旅館 ho
共 49 條紀錄
大家住青年旅館 hostel 嘅時候
瞓覺前，手機 護照&銀包係鎖起定係擺喺床上面？🙈 之前冇經驗 求指教
瞓覺嗰陣，我唔知啲人會唔會上床偷我啲嘢
如果係擺喺櫃桶上鎖都冇咁安全 ？
瞓覺跟身，去 pantry 煮公仔麵跟身，去沖涼都跟身 （廿年前住 hostel 的 ee 路過）
一定一家係跟身, 那怕你係"咩"住個袋瞓, 放係枕頭底, 定係用膠紙痴係身
所有貴重野都一定, 一定, 係一定要跟身
你唔會知locker既key有無其他人都有, 上位租客可能有, 對上100個租客都可能有, 職員有, 你有
有咩事, 唔記貴重野係自己, 其他人唔會心痛, 更加唔會肉痛
所以, 其實如果你afford到, 都係比錢租酒店啦
6月歐洲啲酒店好鬼貴，成千五蚊一晚。 我唯有揀 female dorm😳
Btw thank you !!
女生宿舍不等如安全,醉酒,濫藥後大吼大叫,胡亂跑跳等都有聽到
Passport同銀包 一定跟身
電話要叉電都其實唔放得去邊
通常都係床頭
擺得太遠個鬧鐘嘈醒人 盞影衰自己
之前旅居幾個月日日hostel，因為我要帶電腦，所以冇可能做到永遠跟身⋯都係自己留意下同房d人正唔正常，然後自求多福，好多時候我住ge房連上鎖嘅櫃都冇。護照銀包呢d可以長期跟身就跟身，相機電腦冇辦法我就塞入背囊最底然後用d被琴住個背囊，盡可能降低背囊存在感，同埋增加小偷嘅犯案成本😂😂不過可能我純粹好彩，僅供參考
真心想講旅行得耐你都唔會長期跟身
我會帶兩三個軟身既密碼鎖，訓教重要野放細袋放床尾，沖涼之類上鎖收好，大袋會放床邊上鎖
好推薦訓覺著有拉鍊袋既褲，因為Hostel去洗手間成日拍卡，訓覺時可放入褲袋唔洗半夜到處摸
可能比較好彩，當年因為無曬female dorm，試過住mixed dorm，好在居然遇到一家大細同我同房，但也試過有看上去比較兇的白人同黑人，幸好安然度過。總之，人在國外，時刻保持警惕，萬事小心。祝你一切順利
我會放向枕頭底😅，同埋呢最好備一個防水既袋仔，一張信用卡現金少量（200歐內，每張50）或者更少啦，就成個trip用，但都係碌卡為主，你去邊都跟身。我試過向意大利認識既新朋友佢袋口淺，佢搭火車，瞓左覺，所有cash唔見曬（利申多次去歐洲窮遊，主力都係住青旅，人均300-400港紙，去瑞士，芬蘭，冰島會貴少少
我當年都是所有嘢跟身，重要東西放床上。時刻保持警覺
牀頭~
次次買左鎖都無點用過🙈
我差唔多次次都住dorm見個個都係咁
好似好放心咁 所以我都好放心 哈哈
但係~ 我將d錢分得好散咁放 backpack放d 跟身袋仔又放d 簿仔又放d咁
擺locker, 幾十對眼望住其實俾人偷嘅機率一啲都唔高
放枕頭底，或者買個腰包綁喺腰度
試過有locker俾人爆開咗😬都唔係太可信
手機銀包跟身,護照相機有得鎖就鎖,冇鎖盡收自己枕頭最入面位
跟身，對賊嚟講偷嘅風險都更大
（不過我始終都覺得住得Hostel大家都係窮人反而未必多小偷⋯
我自己係用防盜腰包，平時穿係面褲同底褲之間，瞓覺都會扣在身上，只有沖涼時先會除低，但都要在視線範圍內。住hostel記得自備小鎖。
我會將重要嘢擺晒喺身上，例如着有拉鍊嘅風褸瞓覺，然後出邊再笠件衛衣啲人攞都攞唔到
未訓之前會放係心口個袋到sip 入衫入面（or 腰包）
訓覺我怕勒住
通常會放係枕頭下偏床內側
我冇拎過laptop, 但ipad 電話通常會放係內側心口前面
如果有人要偷佢先要開簾再跨過你先偷到除非你訓死咗否則都應該安全
locker 通常係鎖backpack 入去
講真無論自己鎖定本身有鎖其實都係有d 流
如果真要撬應該都係開到
同埋hostel locker 都唔一定係房入面
有試過係係走廊
或者係房既另一邊唔係你張床附近
所以重要野都係跟身最安全
我會放喺個袋仔到，用個密碼鎖仔鎖住
瞓覺沖涼去廁所都跟身，瞓覺當攬枕咁攬住嚟瞓🤣
沖涼驚整濕就加多個防水袋袋住
so far住左咁多年都冇事🤣
電話銀包放床頭 Passport背囊內有塔鎖
驚嘅話擺Locker好啲 好少少嗰啲甚至有夾萬仔俾你擺呢啲貴重細件嘢
鎖住/ 跟身就得。無一定安全嘅方法，但賊仔只會取易不取難。你驚佢上床偷，佢都驚你瞓醒啦。
隨身袋上鎖，擺係床上面/枕頭底
如果係有圍欄嘅碌架床，會將個袋綁/掛/鎖係近牆嘅一邊圍欄