大家好
想尋求大家嘅意見

 我由上年10月購入新車亦同時開始租用屋苑車位，起租之後第二個星期已經被樓上高空砸物（電芯及遙控器的蓋）擊中我架車，凹咗
當時已即時向管理處反映及報警處理，但奈何平台新安裝嘅CCTV影唔到係邊個單位掉嘢落嚟

10月至今，車輛不斷被冷氣機滴水（像落大雨一樣）、衣架、衣夾、甚至嘔吐物 等事情困擾，我們亦不斷請管理處幫忙反映及嘗試要求可否再車位上添加帳篷，但事情不了了之

今日大約下午12:30我們如常準備駕車外出，上車時發現車尾玻璃碎裂，但未有發現擊中的物件
已通知管理處及警察到場調查，結果也是一樣，CCTV影唔到
冇人負責

本週初我們在自己車位洗車亦目擊2樓單位掉咗衣架並擊在車尾玻璃上，當時已馬上叫保安提醒住戶小心，已經多次有物品跌下，避免損毀情況發生
過兩天又在有衣架在我們車頂上，然後便是今天整塊玻璃碎掉
報警時，警察表示佢哋已經接獲呢個屋苑高空擲物案件 起碼20至30單

我亦曾遇到其他車主，佢哋都有比高空擲物整爛架車
已經發生過咁多次，但管理處都冇協助解決
每次淨係出通告警示，但其實沒有阻嚇作用
真係好苦惱

#柏齡物業管理有限公司

無蓋真係泊吾過

我哋都試過，玻璃都換咗幾次。報警都冇乜用，屋苑有扮工安裝多幾部cctv，但始終掉落嚟嘅唔係大型物品，係唔會影到邊個單位掉出來，就算架車開哨兵都冇用，唔會影到

我哋後來直程搵到係邊戶做，但警方冷處理，話見到有間接表面證據，但如果真係要完全證明係好難。最後得知對方有機會係有腦退化/扮傻之類，即係就算真係有證據，都好難罪成。好彩警方大一大佢後，佢就冇再掉嘢了

亦唔使諗告法團/管理處，如果要同佢哋鬥，財力係永遠唔會夠的😀

你係租車位都還好，快快脆搵過另一個位泊架車就算。最簡單直接嘅處理方法

聽到都戥你心痛 有冇搞錯 有證據都冇得拉人 呢度就係咁

告業主、管理公司啦

業主好無辜嘅 反而係管理公司完全冇一啲實際嘅措施做到 都已經唔係剩係得一單半單

可唔可以叫法團/管理處賠錢？

口頭傾過嘅時候話因為呢個位係私家位，所以唔負責，但係作為用家已經投訴過好多次 ，唔知係咪要搵東張西望先會肯賠錢

屋苑唔俾加咪自己買呢啲，同埋你電車嚟㗎嘛
買個CCTV 駁住架車 影住樓上咪得😂
唔係話樓上亂拋雜物冇錯
自己都要識諗辦法㗎嘛
成件事爆玻璃，根本自己攞嚟😂
一早見到管理處冇做嘢就自己做啦

有得揀一定唔會泊大廈窗口底

有得揀嘅話，我都想有得揀

報東張

應該會

百福花園😂

推推

https://www.1823.gov.hk/tc/faq/can-members-of-the-public-lodge-complaints-to-the-food-and-environmental-hygiene-department-fehd-if-water-dripping-from-air-conditioner-causes-nuisance-to-other-people

車尾加多個尾 Cam 影向上面。

民事管理公司，小額法庭都做左先

早排仲諗住睇睇百福花園嘅租盤，點知啲居民咁恐怖🥲

係呀，我同個法團主席傾呢個問題 佢話唔想再傾落去 如果租嘅話真係唔建議 三思而後行

租第二個車位啦

泊番入有蓋

好難遇到

管理公司唔會 care

黐撚線 有人喺度咁樣爆玻璃都幾撚大鑊

好慘

知道係邊一間嘅話, 直頭掉舊屎入去佢間屋, 佢在明你在暗, 睇吓邊個夠癲

白卡贏哂

會唔會咁啱你嗰窗口對正高空擲物嗰戶嘅車位？

無奈

轉位吧