大家小心🙌🏻
特別係一個人深夜返屋企要保持警惕
有咩事即刻去光猛有人有cctv既地方

俾人跟一定要主動搵人幫手呀，店員首選。
我試過喺donki半夜俾個男人跟，最後佢企喺出口等我，我同職員講，職員帶我行第二個門口走，又搵另一個同事𥄫住個男人，安全好多。
其實哩d人未必會因為你係一個人先跟你，我同我老公一齊都試過幾次俾人跟，佢地全部都一樣:唔怕你知佢跟，亦都唔會俾你發現就即逃走，但怕你夠兇！

7仔姐姐呢句好正：「先生，有咩可以幫到你呀？」明顯出於想保護個女仔。聲線硬朗得嚟又不失禮貌，嚇一嚇個人渣嚟個下馬威，盡責之餘做足哂，又唔會俾佢入到位投訴🫡✨

留名睇又有啲on9衝出黎話「呢個人都無做啲乜 做咩影佢」🙄🙄🙄🙄真係祝你下世做女人親身體驗下

第 3 段影片，7 仔員工問佢 有乜可以幫到你。
佢對住店員講句「沒有」，
離開時仲要回頭望一望你，
其實係一種好典型嘅心理試探。

無論佢係咪第一次跟蹤，
都幾大可能佢已經掌握咗你少少回家嘅「規律」。
建議你呢陣子暫時變換吓行法或者時間，
Breaking the pattern 係最有效嘅防範。

如果避唔到深夜一個人行，
搵朋友陪住傾電話行到入屋為止。

Take care，陌生人。

我以前試過放工返到屋企好夜，12點帶隻狗落街尿尿，條街冇人。我拖住隻大狗，個男人都夠膽死跟住我兩條街。

我隻狗發覺有唔妥，行幾步就擰轉去後邊，之後我隻狗索性唔行坐低面向佢，個人行得好貼我哋，我隻狗突然撲埋去嚇到個男人爭啲仆街即刻跑，我有拖住繩，如果放繩，隻狗肯定𡁻佢。

我同我隻狗講快啲返屋企，唔想隻狗受傷害

我拖住隻大狗都夠膽跟呢個咩世界

我隻狗平時一向好怕人，嗰日之後多咗個花名叫勇猛寶

帶埋啲咁嘅口罩
個feel都好唔妥
佢唔係想偷嘢
就肯定想老強

呢支正呀蚊怕水，但誤噴眼乸到仆街，我講多次係蚊怕水！呀姐幫咗你，你至少有封感謝信佢公司，唔好冇表示

今日金鐘麥當勞見到佢，啲staff好盡責趕咗佢走

樓主有危機意識，同埋好彩有間廿四便利店而你識得入去。
無論男或女人生安全知識技能一定要識。
你哋唔知道幾時遇到一啲人真係會做出意想不到嘅行為，一定要分享俾身邊人知道無論去辟靜嘅地方，深夜一個人，旅行等等都要注意安全，有時行錯一步命都可能冇。

呢排真係好撚多呢D跟蹤/非禮…

我都試過！但我係日頭喺如心廣場！仲有係我推住架BB車係間鋪頭入面睇緊野，個男人走入嚟扮睇野，一路偷望我，我走佢跟住走，我覺得唔對路，就試下停落嚟，佢真係跟住停！
然後我搵咗個柱位匿埋咗，我裝出去我發現佢搵緊我左搵右搵，嚇到我個心都跳埋，當時個商場唔係好多人，我搵咗兩個太太同佢地講，佢哋兩個護住我搭𨋢離開，然之後我再上的士走咗！好恐怖😱
有好心人幫到手，真係差好遠！好彩香港人其實好多人都好好人，幫到手一定幫

下次可以報警，同警察講有個男人跟住你，由邊度跟到邊度，而家喺邊度，你唔敢返屋企，跟住佢地會過黎幫你，等你可以安全咁走。。。唔洗驚。。。

佢帶嗰個口罩好似係醫院畀嗰啲冇戴口罩嘅人用嗰隻款咁樣，同埋佢將個口罩打橫嚟帶，佢個樣有啲似係吸毒嗰啲樣

好恐怖🤯
我幾秒諗出黎的野，希望可以改到你
用捷徑整返個一鍵求助（報位置+求報警的訊息俾你信任的人）
一鍵求助內容，你再同信任的人自行設計？

我目的係希望陌生人你係感受到危險的時候，可以節省不必要的步驟，動作。直接發出救助訊息！

或者你都可以買定防狼噴霧，防狼警報器果D野？

出街注意安全😵‍💫

搞乜？我個演算法？最可怕嘅唔係俾人跟同埋俾人借啲意非禮，係下便啲留言好恐怖，個個都好似變態佬咁，仲要屌返樓主，係咪以為自己好靚，包魚鑲金，由此可見到香港的確實係好多男人係有咁嘅心態，但係平時唔表露出嚟

有條罪叫遊蕩罪
遊蕩罪（Loitering）的法律定義與刑罰：
160(1) 意圖犯可逮捕罪行： 在公眾地方或建築物共用部分遊蕩，意圖犯可逮捕罪行（如盜竊、爆竊），最高可判監 6個月。
160(2) 妨礙他人： 在上述地方遊蕩，妨礙他人使用該地方，最高可判監 6個月。
160(3) 導致他人擔憂： 在上述地方遊蕩，導致他人合理地擔心本身的安全或利益，最高可判監 2年。

大概有個概念，女士們遇到呢啲情況可以報警。

有時唔係話男人有原罪，問題係男人一般體型、體能、力量都 > 女性，仲要有鳩，男人之家好人好者都唔會做出呢啲瓜田李下嘅行徑、都怕比人當色狼，所以女性就算大驚小怪「防備」都好合理，免得到頭來受到傷害後仲要比班仆街檢受害者

佢臨走個樣都好似好唔捨得咁真係pk，睇個死人款應該唔多似白卡，好大機會係想老笠同想非禮嘅多，望真啲都有啲似專才

我之前都係銅鑼灣比過一個男人跟住
跟左我幾條街 同朋友驚到離入女廁
再出去賣甩左佢
點知咁岩又再撞到 佢再跟住我
重要我快步行佢又快步行
日光日白 嚇到我就快賴屎
最後我簡左一個好多人既地方
時代廣場條長電梯+地鐘站口個個位
佢跟住我 我突發停低另轉臉向佢大叫
你跟夠我咩呀 跟左幾條街你想做咩
我報警呀！
佢嚇到跑走左 我追返佢一段路鬧佢
等佢唔好覺得我好蝦🤧🤧🤧

因為好多人望住
我係諗就算有咩事 都會有人幫拖掛🤡

7仔姐姐一世平安呀，好人好報

非常建議sis出街袋住枝細hair spray
試過唔小心噴落眼乸到仆街
（防曬噴霧都OK（

我好在意個口罩係咪真係打橫戴…….. 點睇點唔舒服 好礙眼…..（重點錯

有經驗嘅人話你聽
呢啲眼神同動作都咁飄忽嘅遊蕩中年男係老同嚟
即係吸開毒個腦忽忽地
正常跟蹤犯都好警剔知事敗
見你入左鋪頭就閃人
但上咗電嘅就唔同
之前我都俾一個類似神情嘅中年男半夜跟蹤用刀打劫
好在我當時發覺地下有個影跟貼我行
即刻同佢拖開距離同搵路走報警
唔係俾佢溶咗都唔知
條友第日又衰非禮先俾人捉到
最後判咗坐三年幾
差佬當時同我講呢兩年都多咗好多呢類案
女仔自己一個真係要好小心

真的要小心，小編都遇過幾次！係會不停行嚟行去喺你身邊徘徊、調返轉頭望嘅時候你發現佢一路都望住你、跟住佢又會扮晒嘢行另一個方向然後又轉方向跟住你！！ 最重要係佢望你嘅眼神其實一眼你就知道佢怪怪地、然後不停跟住你！所以女仔係唔可以夜麻麻唔留意身邊嘅嘢就比呢啲麻甩佬尾隨返屋企！ 💪🏻 唔只入去便利店、更加可以大聲指住佢呼喝佢，同埋直接打999因為佢呢啲涉嫌遊蕩， 所以千祈唔好驚或唔出聲！都唔好行去偏僻嘅地方！都唔好行返屋企住

唔老嚟講句，其實男嘅都要小心，唔好以為自己係仔就唔驚，需知道啲變態佬係冇樣睇同冇底線嘅，隨時有個人可以埋到身畀佢 ______ 就ok㗎啦，到時真係「蝕底」咗至驚冇人會信咋😓😓

我有試過比人跟。但我有情緒病即係精神病既一種，於是我即刻發揮痴鳩線嘅本色, 當場扮聽緊歌跳michael jackson 大叫dangerous同尖叫"Aw!!!" 一路唱一路成隻殭屍咁跳（咁啱行過大角咀九龍殯儀館）一路行近一個後生仔隔離呼籲佢幫拖，跟住個唔係真係痴線既痴線佬跟多左半條街欣賞左2,3秒呆左，見到我手舞足蹈又大叫應該係痴線既丶跟住隔離又有男仔, 跟住走左。

佢有裝你～ 睇你反應～ 明顯有意圖～ 香港依家好多白卡～ 好彩你有留意到！ 平安就好啦！

好恐怖，我從來叫阿囡在 10點回家，一定叫老公落樓下MTR接佢回家，10點都驚，何況你咁夜，一定叫朋友及家人落樓接

睇留言就知道呢啲事經常發生，分享吓我嘅經歷同做法，我都試過半夜搭小巴落車行返屋企，有個男人跟我落車，條街當時冇人，我即刻打電話俾朋友話佢知有人跟住我，個男人好大膽知道我發現咗佢跟住我，開聲同我講嘢，話想同我做朋友，我表明我唔想同佢做朋友，叫佢唔好再跟住我，我加快腳步佢又加快腳步，差唔多返到屋苑嘅時候，終於見到有一個伯伯喺前面，我即刻行埋去伯伯度同佢講：「唔好意思呀叔叔，後邊個男人一直跟住我我好驚，你可唔可以同我一齊行？我唔敢自己一個行返屋企。」 怕伯聽完。即時擰轉面，指住個男人，好大聲咁話：「係咪就係佢跟住你？ 」我話係！ 後面個男人聽見即刻拔足逃跑。跟住伯伯堅持送我返屋企，我就話送到去屋苑門口已經OK，因為有保安。所以你識得向七仔姐姐求救好醒目，或者大膽啲向路人求助都OK。

之前都試過比人跟
即刻加快腳步衝入7-11
果次好彩個姨姨好好人
都係大大聲咁問個男人係咪有野幫到佢 然後個男人自己行走左

人地拯救左你
樓主都要寫番封信去佢公司感謝表揚下
好人好事，香港先有明天
店員都係女性，當下佢都可能驚過你。

就算唔劫色，都小心佢會打劫，甚至跟蹤你，知你屋企喺邊住邊層，踩完線之後諗吓一次點部署🥶

基本上講乜嘢「個女仔諗多咗xxx」話人哋自以為是，公審嗰啲可以慳返口水😎

雖然我們是聾啞夫婦 但我們也熱愛生活
老公空閒時間還會做針織 有人喜歡的可以領一個 一起為我老公鼓鼓勵 👏點點讚👍

樓主入7仔，有光線有人有閉路電視，聰明抵讚👍🏻👍🏻

雖然唔知佢咩原因要跟住你，但係又出出入入來來回回唔走，又伏喺門外伏你，明顯係不懷好意，呢啲時候如果你屋企係近，而又有人，嘗試打返去揾人接你，或者打俾朋友，等有人知你遇到有人對你有企圖

Don't be silent, be ready!

Threads女權撚多到🙄

好奇問聲咩係真露😅

好多年前我都試過俾人吊我尾，我又係入去7仔同OK便利店停留咗一陣，但個男人喺門口等，最終去到屋企附近見到架警車。嗰男人喺對面街見我行過去警車度就唔敢跟得太貼，我即刻同3位阿sir講我嘅情況，有兩位阿sir即時行過去嗰男人度check佢身份證，另一個阿sir就陪我行另一路返屋企。
經歷過呢一次，往後就盡量早d返屋企，或者嗰日知道自己會夜返，就直接call的士返到屋企樓下。

早幾廿年我係尖沙咀都試過，有個男人由佐敦跟到我去尖沙咀，果時學生妹好驚，7仔呀姨叫我企入收銀隔離，佢問果個男人想買咩，最後借電話比我打返返屋企求救，呢個世界好多癲佬，我已經教過好多小朋友，有事比人跟而附近無差館，要即刻入7仔OK萬寧地鐵票務處，總之要係大鋪頭有cctv既地方搵人求救，各位女仔要好好保護自己！

話人偷拍公審嗰啲真係日子過得太安逸
香港一直都係勁多跟蹤騷擾
我已經唔係白幼瘦靚女
但由細到大都遇到唔少🫩

我都試過，仲要同老公一齊都跟住，最後我地試吓分開行，我入左間舖佢都跟住我，勁驚🥺

作為一個女生，有支筆係身方便寫野係好正常，得閒淘寶買返支
我有送比身邊女性朋友

大癲，好彩你醒目，7仔姐姐又肯幫手

咁恐怖，最近咩事，啲變態佬明目張膽咗咁多！提自己出門都唔好掛住聽歌，要警剔小小