大家有冇試過扑扑下嘢 比屋企人發現？
話說 今日我老豆12點幾就出左門口 我以為佢要返工 （佢有時會翻晏就大概12點幾就會出門口）所以帶左男朋友翻屋企 唔知點解我今日突然想收埋男朋友對鞋先 然後男朋友又特然間鎖廳個鐵鏈 那啲鐵鍊呢只係擋一下㗎啫 係會睇到屋企入面小小

咁以為好撚安全啦 好似平時咁佢地收工之前翻去就得 本來就係房度扑緊 咁想後入就出左廳扑 正當準備衝線嘅時候 男朋友突然聽到鎖匙開門聲 我仲on99以為係隔離屋開門 但突然我都覺得唔對路 啲鎖匙聲好近 心諗金翅仆街了 男朋友一聽到聲已經一支箭乜鳩都唔理衝撚左入房 然而得翻勁多紙巾 潤滑劑 同condom係個廳 然後我即刻一套動作行雲流水
9秒9就拎左紙巾同潤滑劑入房先 之後我老豆幾次都開唔到門 佢就開始嬲覺得我收埋左男人係屋企 which is真係😂 咁我知佢開唔到門就衝埋出去抌埋個condom先 然後著翻衫開門比佢扮冇事 跟住衝翻入房

留言續…

咁然後我老母就打俾我問咩事要鎖埋鐵鍊 我真係完全冇諗到自己轉數咁撚快 我即刻話因為我除曬衫係廳到跳舞（以我平時性格又真係會咁做嘅😂 ）我就話驚比老豆見到我裸體 我以為佢返工呀嘛 咁一時間唔知點反應 翻房著翻衫先 咁咪冇開到門lo 我老母就笑鳩我 好啦 老母個邊就搞掂cut左線啦

咁但係出面仲有大佬要打 我就叫男朋友試下匿入衣櫃 我就拎左小小衫出黎 好撚彩個衣櫃都收埋到個人 咁閂埋衣櫃門 擺佢個袋落床底
然後開門比我老豆睇 我話冇收埋男人你自己睇 我頭先係因為除左衫係屋企跳舞 驚比你睇到我先冇開門㗎姐 佢問我你好熱咩 我話係 好彩風扇都有開 咁佢望一眼間房冇人 就笑翻 放下戒心啦

咁但係新一個問題又黎啦 到底我男朋友要點走呢 咁我地就諗住凌晨五點靜靜雞開門走
奈何我地受咁多驚嚇之後 時間仲係晏就3點鐘
咁驚我老母收工返黎之後可能都會入黎睇我間房 我男朋友就話一係佢收工返黎開始就匿入衣櫃 我話下 你要摺住咁撚耐咩😂😂 佢話冇辦法㗎啦 😂😂😂😂😂 咁然後我又突然 叮一聲 我扮係度打機咪得lo 咁就唔會開個衣櫃
可能佢地都冇諗過咁細間房可以收埋個人

於是者暫時未有後續住 因為呢篇嘢新鮮滾熱辣 啱啱發生㗎咋 金屋藏嬌 男朋友逃亡記到底會點發展？

屌 今晚update

我都知道大家一定係花生食到底㗎啦 btw樓主係女
後續來了 咁我地後尾諗緊點算好啦 好死唔死呢個時候隻嘢急尿 咁點算好呢 小妹真係急中生智 咁啱琴日有買水飲 冇辦法啦 馬死落地行㗎啦呢個地步 男友仲慘過荒野逃生 對準樽口發射 咁就當然冇啦 呢度我鳩噏😂😂😂

咁最後件事究竟點樣呢

就係老豆入左房大概一兩個鐘之後 我聽到間房冇動靜 小妹即刻呢呢嗱嗱輕輕含含聲換衫 準備帶男朋友逃亡呢個生死攸關嘅情況 男友即刻孭好袋拎埋對鞋 匿咗喺門罅之間 等我發號司令 我就即刻開門 wts男朋友 準備…..go！小妹由開房門個刻再去到開廳門嘅時候 心率可以話同做緊運動冇分別 緊張到爆炸 一唔小心老豆開房門出黎見到就會GG 但幸運之神眷顧左我地 順利咁逃走左

就係咁 完！

故事雖然係完得有啲潦草 但係小妹真係唔夠膽take risk留到凌晨5點 機會唔等人 小妹成功逃離困境 冇家變就叫做完美收場了😂😂😂

如果你屋企人睇脆,就已經知道真相!(我真心唔明白,寫到咁詳細,好易穿㷛)

睇就睇啦，咁多唔明
寫得詳細又唔得，輕輕帶過又無野睇

過程雷聲大 結局雨點小！！！

好耐冇聽過人講「呢呢拿拿 輕輕含含」😂😂😂有feel

故事有啲高開低走🤣🤣
但係你講故事幾好聽
期待你嘅下一個故事🤣

密室脫逃成功🏆

雖然唔驚為天人
但咁先更真實😂😂😂

最後開門老豆冇問你去邊?😂

恭喜哂😂😂😂😂下次booking間房搞啦😂