📌 大家覺得點樣先吸引到
共 60 條紀錄
我發現都幾多人留言！
一起身見到都嚇一嚇
唔太覆得晒
最主要開呢個po係想大家諗多啲野，例如點樣justify自己既point
都見到有啲人係諗法幾唔錯
而有啲就鑽左牛角尖lor
有系統咁養一班編劇，你故事好有人睇完讚，做到口碑就帶到人入場。你故事都做唔好，肯入場嘅人睇完都負評，講宣傳、票價都已經太遙遠。
但依個全球問題嚟，西片依家都無劇本到成日炒冷飯/重製。
其實Ryan Gosling呢排講得好啱
「要觀眾入戲院唔係觀眾責任，而係電影人嘅責任，係我哋作為電影人要拍多啲觀眾肯入場嘅戲」。
雖然市場唔同，但電影需求少咗係全世界都面對緊嘅問題，拍電影嘅人就更加要諗多啲咩電影先可以引發大眾興趣非入戲院睇不可。香港事實證明票房好唔一定要格局大到外太空先有人睇，有共鳴有好cast生死題材都一樣可以賣錢。
Well said
觀眾係消費者，就算推到去想擁護一個文化，首先個文化都要俾到價值，個價值足夠，消費者自然願意交換。
再引伸係串流嘅月費捆綁交易，導致觀眾傾向延後個消費，咁係巿場行為。
有好劇本好演員，但體驗差都無用，戲院牛鬼蛇神乜都有，解決到以下問題再叫我入場
1. 有人開電話睇片/聽voice msg嘈住晒
2. Even電話靜音，開mon 已經好光影響其他人
3. 唔關電話事，但係有人un 腳、踢凳、大聲傾計
4. 帶外來野食仲要食到jap jap聲（薯片都算，豬肉乾、飯盒太離譜）
戲院對欠公德的觀眾嚴厲執法，即趕離場（如：電影播放期間講野、講電話、用手機發出光污染、拍照、發出其他噪音、踢椅背等）
真，咁樣做就會少咗勁多人入場
（好多父母將戲院當託兒所，掉低細路係戲院裡面，行完街再返嚟接返佢地又有
或者好多人係行街行過想消閒/歎冷氣/甚至入場just for sleep)
咁嚴，隨時戲院連租都交唔起又執
同埋戲院最依賴係小賣部維生，最好個個都買野食野飲
真係要攪好個劇本先，同埋唔該唔好拍黎拍去都係警匪片
票價係主因
如果用70蚊來睇戲，情願揀西片好過港產片。因為人哋投資大，制作大，特技強，又有國際大明星（雖然唔係每一部都有），計起上來抵過港產片好多囉！
除非可以降價就可以考慮吓！
做返電影嘅初心，題材娛樂大眾，再日撚日說教賣慘情緒勒索，真係睇Netflix算了無咁大壓力
黃子華。
有佢嘅話狗屎垃圾如《飯戲攻心》都會有人睇
黃子華的確係一個好賣得飛既位
雖然我唔認同飯氣攻心既第一集係垃圾
但係都明你想講咩
性價比問題，你買舊金同買銀當然係有貴平分別。
但如果話藝術唔應該咁衡量，咁話題就可以完。
要解決先想想原因
環境？時間？金錢？體驗？信心？潮流？選擇？
其實會形容為係宣傳既問題（但根本佢地冇咁多本去做）同時social media玩得唔太好（亦唔知自己既target audience係咩）
其次係香港有唔少既好電影 但因為演員陣容既問題 有啲會好多人都睇 有啲係唔會咁多人睇
仲有好似另一位留言既朋友咁講
的確少左人入戲院
暫時諗到呢一類既原因
正正咪太大不同因素累積而令到少左人入場
趨勢係不可控，要睇就自然會去睇，同樣唔係每個人都會睇破地獄咁，勉強唔到
當有日睇戲帶來新衝擊，話唔定好似CCD相機咁復活起來
要有話題，但個話題來源可以好多
from電影本身嘅內容eg破地獄黃子華x許冠文探討華人少觸及嘅生死；明日戰記古老闆自資拍科幻片(蝕錢都係一個話題)
from宣傳嘅eg贖罪菜心強；不赦之罪george咩十字架/我有罪
兩邊都食得曬嘅例子正義迴廊 獵奇元素再探討佢兩個有無罪 + memes
btw 我覺得再見ufo係內容同宣傳都有potential但做唔起🥲
最少發掘下新人，唔想睇mirror error
唔好玩情勒咩係香港人就一定要睇
唔好再拍啲超慘既戲
希望港產片可以突破到setting一定要喺香港嘅限制，例如《世外》咁玩架空世界
要吸引到人入戲院睇港產片，首先要有港產片
第一要有錢開戲
第二要有錢開戲
第三要有錢開戲
小編每天都在思考這問題🤣
澳洲比香港觀影的人更少😮💨
現金被某些「🤞人🤞」稱為落後，但依然不能離開/不用它，點解啊?本質囉。現今世界娛樂選擇咁多，生存環境自然困難好多，至於香港?算吧啦!(你明知點解㗎)，再唔係淨係放「大國掘起」「長津湖」囉😏
首先院線不能全是藍屍開，睇一套戲有大半落入藍紅陣型，睇戲？不了
首要都係靠劇本
始終剩係靠演員個人魅力都係治標不治本嘅方法
近年就算有啲叫做幾好嘅電影，但係劇本都係偏向鬆散，或者個結構都係好普通，或者可以講冇乜新意
全世界電影業難做
全世界戲院執緊
全世界會用AI
電影界就用3個理由，佢地就話問題不係出係港產片度！
好多位都咁諗
畫面、音響唔夠壯麗或details 既話，真係好難，但係要做到呢啲，我最近只入戲院睇左九龍城寨，再對上就係破地獄了，而破地獄，係一個巧合，全家拜完山無野做就行去數碼港睇戲。
八九十年代好多本地女星三級片，呢十幾二十年幾乎冇晒
原來有咁既情況，我果陣都唔知喺邊🤣。雖然唔太關topic事，但都多謝你既分享。
先斷網然後電視台執笠，然後再調整返，電影戲飛為合理價錢🤣😂
零零後
一個月睇一兩套左右
唔會去睇港產片
成日喺度諗屋企人去睇，其實係咪只不過係為咗支持香港？🤔
唔好套套都搵人出黎話要支持先
你伏完人幾套就唔會再有人入場