失業期間，最大問題係銀行嘅還款。之前同朋友夾份做生意，失敗咗，需要錢填返個窿，朋友直接失聯，佢阿爸係大陸，佢媽媽係外國，著草都唔知點搵，結果我就一個人孭哂，差恒生同渣打兩間銀行錢，分期還，唔經唔覺已經還到最後一年，幾年嚟中間無斷過，無遲交過一日。因為失業，我寫封信去銀行，希望可以俾幾個月我緩衝，我亦明白剩低嘅錢可能成舊會再起釘，恒生好好，俾咗少少選擇，咁我覺得至少俾我鬆一下，零收入下，搣少一蚊得一蚊。渣打就發神經，個職員係咁打嚟問我係咪即係無還款能力，然後不停叫我去財仔借錢還俾渣打(個代表無提過渣打旗下另一間水浸嘅 MOX Bank, 而係好清楚講“你可以去其他財務公司借返嚟俾我哋”)，當我表示我失業，都唔會借到錢，佢就“提醒”我有啲財仔可以免入息證明，不過條息貴啲，我直接表示佢好似想迫到我申請破產咁，最後迫住過期，渣打打電話嚟都唔聽，過期7日左右，渣打就已經將我交咗俾財仔追數，財仔嚟到，我都直接講咗成個故仔，財仔反而重文明，覺得銀行明知個客唔會還到錢住，唔同客傾，反而叫佢哋白行。我真係唔撚知渣打攪咩，睇到網上話渣打 service 第一，好關心啲客嘅打手 post，真心笑出聲。

關於渣打嘅做法，你嘅憤怒絕對合理：

1. 叫客去財仔借錢還畀銀行——呢個建議無論從銀行操守定係對客人嘅基本尊重嚟講，都係極不恰當。銀行職員嘅角色應該係同你商討還款安排，而唔係指你去借貴息數「填氹」，呢個做法變相將你推入更深嘅債務漩渦。

2. 未充分溝通就外判追數——你過期七日，銀行未真正同你協商緩衝方案，就直接將個案交畀第三方追數公司，呢個處理手法確實粗糙。追數公司上門，無論對方幾「文明」，對一個已經承受緊失業壓力嘅人嚟講，都係一種滋擾同羞辱。

3. 恒生嘅對比更凸顯問題——同一時間，恒生願意俾選擇、俾空間，呢個先係真正「同客商量」嘅態度。兩間銀行嘅反差，證明唔係你嘅要求離地，而係渣打嗰邊嘅前線處理出咗問題。

我同渣打交手過一次直接屌到佢出道歉信。

千祈唔好同朋友夾份做生意🥲

雖然我唔鐘意恆生
但佢地係處理呢d case上面比較有人情味/彈性
（雖然都知佢其實係唔想你老破還唔到）
但起碼聽落令人無咁難受先

Cold call 嚟講
恒生d人少鄉音同話無需要佢真係收線
集氣順好多。

唯一被盜用嘅嗰張信用卡就係渣打信用卡
之後cut咗卡都仲寄新卡嚟
真心痴線

呢啲case永遠沉低
幫你推返上水

解決方法最快係咩都做住先，唔好揀工做。 地盤、hktv mall 、sf express uber 你俾心機做最少都兩三萬。 有工返三個月去細銀行試結餘轉戶。門檻低少少。 三大係機械式冇情講的。你如果唔係差銀行過千萬，只要有入住數唔過三個月都唔會交收數。

另外銀行點做已發生，將時間用係揀工解決自己問題先，有手有腳，關關難過關關過。 大把工冇人做。

渣打係好仆街 ，有次碌咗4萬蚊卡，即刻有CS打黎問 我確認係我自己買嘢碌既 ，第二日 打黎叫我找卡數 🫠我話還款日期前會找
👉🏻跟住晚飯時收到SMS 張信用卡俾人盜用咗 但唔成功 跟手cut埋卡 第三日要我找數 最好笑係張卡hold ，e-banking 找唔返入張卡度

仲要我係香港商店買嘢 唔係網上付款 點解可以俾人盜用到張卡呢？

同渣打做咗低息分期信用卡還款，佢叫我早啲還哂佢（有錢我早啲還咁我俾利息嚟做乜💩cls)

大膽問下，ching 做開邊行？

SC 冇人情講的，朋友個仔比人偷CARD 碌在幾萬，自己唔知原來比人偷左，冇得傾，朋友仲因為咁暈咗999入院。

我有次比人偷銀包 Cut唔切啲卡
AE係第一時間關心我個人先
渣打？ 話報咗警先會受理
結果報警後 多多原因
唔waive個賊碌嗰幾千
仲要我即時找返所有數🙄🙄

渣打真心態度差到暈。。。明明想解決問題都俾佢講到我完全無心解決咁。。。簽晒文件定好schedule 準時還錢都會個個月打嚟追還全數，好似先前無傾過任何野咁。定schedule 同打俾我追係同一個人，精神分裂咁

如果唔係作故事，呢啲可以直接投訴，銀行職員冇可能叫你去出面借街數。

用另一角度睇，銀行知你已經無還款能力，喺credit control嚟講的確係要將呢筆數轉去下一階段（包括你再借去冚數又好，破產又好）起碼對負責你case果位員工嚟講係咁，而唔係等你真係還唔到再同你唸點做。交比收數公司亦只係一個過程，同銀行合作嘅收數都係註冊同受監管，至多只係會上你公司同屋企（視乎你屋企保安程度，公屋居屋呢啲就多數上到，私樓佢地唔會冒險）同你同事或者屋企講要搵你同派信（因為私隱問題，唔會提係追數）目的係要你迫於群眾壓力而還錢，但你真係無能力都唔會搞太多嘢，做晒佢地做到嘅嘢銀行就會收返個case，睇情況撥入壞帳，之後就唔會再跟你條數，當然你要清數嘅話都係會計返息嘅。
以上係其中一個做法，其餘方法可能會出信告你，收你層數賣盤清數等等

我諗左好耐都唔明 點解信用卡資料流出 比人盗用基本上都係揸打 點解仲咁多人用？ 因為儲mile唔多選擇？

過期七日交收數，咁快既咩，通常都last call 知唔還成個幾2個月先收到電話，冇咁快上門

😢 以前大學被盜用信用卡，原本出張大學信用卡之嘛，放屋企都都出到事，又時不時加大信用額。
而恆生係渣打咁樣對我，財仔追得好緊又凶，最後我寫信、email 同打電話去恆生嘈，期望未畢業得part time可以一個月還到幾多？ 點凶我都唔會變到錢出嚟，被盜用已經谷氣

你朋友著草 你又著草囉

二財同三財都係佢開既，call loan先收一次費用，迫你落去財務借，佢再賺多一次，d銀行根本就條pk黎。

唔係有限公司？做生意仲要搵銀行借…..

係人都知渣打最仆街
無論係對客定自己員工

個職員可能係想refer 你出財仔借錢賺佣
聽講有d P loan 職員賺呢份仲多過正職

小事化大💀

債務舒緩諗唔諗得過？如果失業，可以有機構幫到去申請
見你嘗試還，即係冇諗過破產呢條路
絕對唔建議再借，好黐線，係騙子先咁講

垃圾揸打，食錢機真係會食錢，打去問叫話只會通知戶主，唔係我呢個入錢既人，搞到比上司鏟

識人，係銀行職員帶佢上財仔度借錢 (佢又急住用錢，就跟咗銀行職員上財仔 - 工廈度借錢)

開無限公司就真係上哂身

咩事？債仔仲惡過債主喎，個cs 做得最錯既係叫你借其他財仔，得呢個位比你入姐

宜家香港就係表現緊債仔係惡過債主 幾多人其實每個月都呃緊銀行財仔話自己失業 實情就係唔還就唔還 大魚大肉又有 你每個月準時還係必須 唔係Bouns 你遲還就係唔比時間你拖其實合理 追你個個咁講得其實亦唔係無道理 嚴格啲講 佢講多左了 因為正常每個月要還錢 你找唔到咪自己諗辦法問人借錢黎還嚕 一係你咪拖嚕 有啲財仔咪可以比你淨係還息舒緩下 咁好喇 你長篇大論講完你個故事 最後個結果咪就係好簡單還唔到 既然佢地比唔到公司方案你 即係佢地銀行係必須還一期既 咁你一係問朋友借住先 一係就拖 完。
講真 銀行追數已經無咩力架喇 既然恒生比你拖 咁咪諗辦法還左渣打先嚕 鬼叫自己無錢還咩 賴銀行冷血 不如話你朋友仆街仲好啦🙂

HSBC啲做法文明啲，渣打無用過service

直接去HKMA投訴，話渣打逼死小市民。如果係中小企嗰d貸款，之前有個scheme㗎，你打去問下

下，7日咁快就揾人追數……

渣打真係口陴麻麻

渣打咁多年都喺咁pk.

加油，還債係好痛苦，最仆街係所謂partner 一走了之

渣打原來咁仆街，不如唔好做銀行啦做財務信貸嗰啲算啦

銀行根本就係一個合法嘅財仔 🤣

其實就算其他銀行都係靠信貸房貸為主要業務

已用渣兜20年越來越垃圾

唔好理佢地..幾個月後就會搵個高級啲同你傾還款
我之前個老細都係咁
最後我睇住間銀行同我老細傾到個還款佢覺得啱為止先開始還

其實銀行最怕你唔還..而家太多壞帳

細細個屋企人已經教千祈唔好用渣打，冇好事會發生，都唔撚知點解會係發鈔銀行 XD

佢無同你提有債務紓緩呢個選擇？

呢樣嘢又係勁仆街嘅，揸兜，你個信貸評級未去到爛之前，佢都會同你講話你唔符合條件做呢樣嘢，直到啲利息滾到勁大，佢先同你講話可以做😑，跟住每次交一兩日，就一直係咁問你係咪冇能力在償還貸款🥴cls,冇精神病都變有精神病

MOX 我cut 左

有債務重組方案以及 佢判出去收數嗰啲係正牌收數公司 唔係 古惑仔 所以收數嗰班先咁樣講