奉勸勸各位保險同行：未做Elon Musk，就收起你套所謂嘅「Smart Casual」啦！

保險界有一班人講「而家啲有錢人都唔著西裝啦，我哋行Smart Casual就得！」

甚至連唔少DD（區域總監）都係咁教。結果呢？有啲保險佬將「Smart Casual」玩到走火入魔，連件恤衫都慳返，笠件T-shirt就去見客、去Recruit。

我係舊派保險人，對自己份工有絕對嘅尊重，傳統西裝係基本底線。

曾經同個資深同行傾招募，佢一句點醒：「你著成點，你個客/上線就點睇你。」

你著得求其，人哋咪覺得你份人「無所謂」。

你衣著認真，對方先會feel到你當係個認真既人。

我知實有人出嚟駁嘴：「擺渡人，我識個內地團隊嘅COT，日日著T-shirt西褲都簽大單啦！」

醒吓啦！人哋背後有咩隱藏人脈？你有冇人哋個Network先？無嘅話，乖乖哋執正個樣啦！

老土啲講句：先敬羅衣後敬人。
等你戶口多幾個零，做到億萬富翁或者頂級新世代生意人，你著人字拖去簽單我都話你型。
但喺你未夠班之前，唔該著返好套西裝先！

你哋身邊有冇啲將「Smart Casual」當成「求其」嘅人？留言話我知！

著衫真係看場合，情況就好似去Fine Dining，餐廳Dress Code寫明Smart Casual，但識貨嘅客入到去一樣係著西裝。（之前Threads大把人為咗著咩去食米芝蓮三星嘈到拆天，大家心照啦）

唔好意思 我作為客
寧願條保險佬著smart casual 或者polo ，著哂老西咁 見到都覺得條友想劏鳩我

越傳統成套就越red flag越要提高警戒，即係你呢啲自我感覺良好撚

明白，你係對

首先，做我既保險agent一定要係靚女
講完

我着重嘅係內容同專業性，着乜嚟見我真係無所為，乾淨企理合情理就 ok

依個又啱

真正令人尊重你嘅，係你嘅學識、價值觀、對事物嘅睇法、以及你問問題嘅深度，邊個care你套衫？更何況有好多smart casual嘅衫分分鐘貴過你套西裝！🤭

你講得好👍

你以為自己碧咸
然後著到倫敦金咁
趕客

咪就係，不過那個唔係我 。

冇錯，呢一方面倫敦金啲人就專業好多

你著到咁行結果係去atarbucks 簽單就無謂啦

聽得出你客唔多

多唔多都唔洗向你交代，我都無係度Sale保險。

整齊乾淨唔hea

On9

睇場合，街坊客，smart casual 。公司客，著返西裝好啲。

Um....西裝其實就夠。
西裝加襯返一套嘅馬甲，真係好老土，仲要頂住個大肚腩個啲仲衰🙄。
其實真心，減減個大肚腩，keep返好少少個身型，執返整齊啲個人，已經差好遠。

同意呀。

你咁傳統，平時係咪 sell 開d傳統垃圾儲蓄保？

手工bespoke西裝係照妖鏡，即刻會照到個客經濟水平會去到邊度，經濟水平好嘅客係唔會驚着手工西裝嘅sales

ceremony/特定場合以外，公事場合，都係實事求事，只要衣著唔好太離譜都ok。
同埋咩衣著，已經隱含咗咩code、默視某一種價值。唔係唔3件頭西裝就叫唔專業咁膚淺。

同意呀，明白呀。

明呀，謝謝你張圖。

Smart casual大部人都太過casual而忽略smart 部份。smart casual要你企係一班full suite人仕或一班T-shit面前都唔會太異相，其實唔容易拿捏
最低要求一件blazer ，casual 恤衫chino 或深色牛仔褲。

做咩咁嬲？個個都著得hea，得你著得專業，唔係好好咩？無競爭～☺️

人靠衣裝係基本嘅要求
穿唔穿西裝係好睇場合

有時著西裝同個客傾野，對方都會覺得好有壓力！專業唔係因為套西裝，而係你準備左乜去見客

大家討論下👍

同意呀，很梯場合

🥲 哎呀大鑊啦我躺槍。。。！

寫出來預了被討論。

其實失敗個點係Casual當Smart Casual, 然後自以為「Smart」咗😂😂

可能對唔同既客路有唔同諗法。

這個真。

😂😂😂