利申巴士佬，每次見到啲父母單拖湊住小朋友搭車，臨上車之前好瀟灑咁一手抱起個B一手收車，都覺得你哋好型
我女1歲時我單拖帶佢搭巴士，上車時一手抱BB一個大袋上膊另一手拎BB車，落車有個工人姐姐幫我拎BB車，回程時架車半爆有個叔叔向我yap手示意入面有位，落車就有個大隻哥哥幫手拎BB車🙏🏻🙏🏻香港其實仲有好多好人
香港地都真係好多人好有愛
見到要幫手會即刻出黎
好人好事👍
真係好多好人
我試過帶住一歲女搭巴士 一個媽媽袋 又買左野一大袋 又bb車 行到巴士站即刻有車 慌亂之際即刻收車攞住一袋二袋拖住個女上車
上到車叫個女自己捉實扶手 我諗住拍八達通同擺好架車仔先同個女搵位坐
即刻2-3個人起身幫我手 有婆婆 有中年男士女士
一個幫我拖實個女坐低 男士幫我擺bb車 仲有好多人讓座比我叫我唔好行黎行去🥹香港人真係好有愛
到我落車 男士又問我係咪呢個站呀？ 即刻衝左去前面幫我攞返架bb車 叫我慢慢行就得
呀～真係好鬼中意香港人呀
受過呢啲幫助 有時見到啲媽媽需要幫助都會主動幫佢哋攞下車仔 等佢地可以拖實自己小朋友 將感受過既愛傳返出去～
香港地真係好有愛
仲好多人好熱心幫手
係佢地眼中可能只係舉手之勞
幫你拎一下姐
幫你睇一睇姐
但係媽媽會好安心
手忙腳亂又唔想搞到司機🫣
要感恩每一個"舉手之勞' 幫自己既人🥰
呢架車好巨型，唔算太細又重。 我帶住佢唔敢搭巴士😆
bugaboo butterfly
太輕既bb 車好易翻車🫣
我大女果陣買過4架 .
依家細仔黎架算係好輕便
好穩陣呀 .
因為做野 成日要拉喼周圍走 上次有個叔叔教我點綁喼🤣 其實香港人好好
真呀之前單拖帶Bb睇醫生要推架車落樓梯都有幾個大隻哥哥幫手，好有愛🥰🥰
我未諗到單拖帶BB車搭巴士點收車同放好。所以都係仲用緊孭帶
一個收納好bb 用品既背囊
一架單手可以收車摺車既bb 車
一個情緒穩定既bb😂
出街去邊都好輕鬆✌️
我上次單拖搭巴士都好好彩有啲哥哥幫我擺好BB車 我落車又有姨姨幫手 🙏🏻 感恩
其實明知單拖要搭巴士點解唔用孭帶？而家咁樣容易有意外
之前有次準備落車抱住我女去拎架車時企唔穩差d 跌，都好多友善之手扶住我