好奇一問。睇演唱會嘅意義係咩？
我完全理解唔到，就算我有鍾意聽嘅歌都唔會特登俾錢去現場再聽多次。
演唱會我自己覺得純粹只係一種賺錢工具。
有人覺得生仔好重要，有人覺得生仔係詛咒
有人覺得睇波好刺激，有人覺得睇波好無聊
有人覺得食生蠔好鮮味，有人覺得只係冒腸胃炎風險
有人覺得儀式感好重要，有人覺得好多餘
簡單講就係，就算好鍾意呢件事嘅人能夠真切咁解釋到箇中緣由都好，你都可以唔理解，大家都無錯
如果你真係好想知原因，你搵次去一個你中意嘅歌手嘅嘅演唱會感受下就ok ，如果你去完都係無感覺的話，咁只係代表能夠令某部份人覺得好觸動嘅事，無辦法觸動你
同一件事，你可以覺得可有可無，人地可以覺得獨一無二
你無問題，佢亦無問題～ 😗
樓主網上言論：睇演唱會絕無意義。
樓主實際處境：屌你老味我次次都買唔到飛😭
如果以日本樂隊黎講
演唱會並唔係用黎睇
日本人會用「參戰」黎表達睇live
係參與感，觀眾全心全意全力成為當日演唱會既一份子而不是單單作為觀眾。
每個人參戰完都會話好攰，好爽，好開心，好攰。而台上表現者亦會因應台下反應而作出回饋。
呢樣野真係得日音圈先做到。
最記得Yoasobi 香港場Day2, 唔會唱歌既Ayase竟然開金口清場，呢啲野係聽mp3比唔到既野黎
「你這輩子跑很遠去見一個人，是因為他曾經在你的生命裡留下過痕跡。你希望回報他，你希望讓他知道，你曾經帶給我力量，或者是安慰過我。」
「很多人去演唱會尖叫，也不是因為那個偶像在現場唱得像CD一樣好聽，而是因為他就是要去尖叫說：我愛你，我謝謝你帶給我的能量。」
「如果你喜歡了一位偶像，請你一定要去看一場他的演唱會，親自去，要親眼看看他，好好的看看他。」
「假如你愛他，請你也為他好好尋找自己生活的支點，不要為他迷失了既定的軌道，關掉電腦的片刻回歸平靜，擔當起原來的角色。」
「愛他，是本性，是註定，是天然。要對得起自己的人生，就要盡量給別人的人生添加美好的成分，拼命地挽留自己碰到的美好的東西。」
-蔡康永《送給追星孩子的一封信》
演唱會無可否認係商業，但對一啲鍾意音樂、鍾意體驗嘅人嚟講，佢係一個烏托邦。喺演唱會嗰兩三個鐘頭，原來我哋可以撇低晒對外嘅身份，放低烏托邦外面嘅生活壓力，好好享受呢兩三粒鐘帶嚟嘅快樂。呢一刻，眼前嘅表演，毫無疑問令我哋同自己嘅靈魂產生共鳴。陪住自己行過唔少經歷嘅寄託終於出現喺眼前，好似隔空同過去嘅自己擁抱咗。平時唞唔到氣嘅生活，好似終於可以唞一啖氣。而嗰一刻，你會發現快樂原來可以咁簡單。喺嗰一刻，除咗同表演者嘅連結，更加係同自己嘅連結。演唱會帶俾每個人嘅感覺都唔同，正因為我哋每個人心裏面，都為演唱會賦予咗屬於自己嘅意義。 希望你有日都可以搵到屬於你自己睇演唱會嘅意義
演唱會對我嚟講，係「獨一無二現場體驗」同「情感共鳴」。
你講得無錯，人哋賺到嘅係錢，
但係我賺到嘅係幸福感同埋開心，
可以維持「日常生活」！勁正🥹❤️🩹
首先！ 梗係要嚟賺錢啦！而家聽歌已經平到無可再平（然後仲要唔俾錢開youtube/ spotify) 但造首歌啲錢喺邊度嚟？ 啲歌手唔係靠開騷賣周邊咁邊有錢去造歌？ 就算有公司既，間公司都無可能靠賣歌就賺到錢嘛？ 咁梗係要賺錢啦！
另外，就咁聽歌係單向既，但live你係收到歌手，樂者，台燈聲妝化服點去呈現啲歌俾觀眾，然後觀眾收得返佢地同埋其他觀眾既feedback, 呢啲單單聽首歌係永遠唔會俾到你，亦到係睇live既原因呀！
一開始我都好似你咁諗，點解要晒錢睇演唱會，直到我睇左人生中第一場，現場氣氛同聽mp3係完全2回事，睇live係開心好多，甚至可以話係救左我
live的重點是現在感，
你手機聽的歌永遠都是同一種感情，
但你去到現場，歌手的那刻的情感融入了歌曲之中，帶給你的感受是完全不同的
係互相嘅價值
去睇演唱會係對你鐘意既明星/歌手嘅一種支持，令佢更加有動力去做更加多嘅作品
佢地搵錢就一定要架喇，搞場好嘅演唱會唔容易，只要唔係炒黃牛嘅都只係間唔中嘅一千幾百蚊姐，但現場嘅舞台設計效果、佢地現場同觀眾嘅互動嘅戈種環境同氣氛，係真係同平時坐係屋企到聽唔同，值架～
如果你鍾意睇，就對你有意義。如果唔鍾意，就冇。
意義從來係主觀嘅。
我看过安七炫和周杰伦的，一句话，和青春期的你相拥抱
樓主好可憐，真心
You missed a lot
硬係覺得你好似有意串哂鍾意睇演唱會既人喎
你無興趣唔緊要
但麻煩你尊重一下其他人既喜好
演唱會最好嘅地方並唔係聽歌
而係見你個星，同埋一大班人同你一齊玩嗰種感覺
當然都有商業成分，咁呢個都係冇乜避免嘅
同埋另一樣嘢係，你睇演唱會啲聲係唔同㗎喎
尤其是有啲舊嘅歌手，你去聽碟啲聲同而家演唱會嗰啲都有唔同
心理學上，可以說是集體歡騰 (Collective Effervescence)
個人在感性角度來說，去看陪伴了自己不同階段的歌手演唱會，真的是有種陪伴的感動
特別是很有個人魅力的歌手，這裡說的不只外在形象，而是在做人處世的魅力，真實在與他同在一個空間，也會被他們鼓勵到，可能有點浪漫主義？但對我來說是這樣
我一生其中一個遺憾就是沒有現場看過X-japan live，不要跟我說戴耳筒聽也一樣
即係你認為响studio 同响live唱歌聽起上嚟係一模一樣？
有D band Live concert 係正過錄音室出嚟嘅效果好好多好多好多好多好多好多倍
Eg, 我聽Muse 🎤有20年, 老公一路都麻麻哋, 直至到同佢一齊睇過live concert 佢就話真係好好聽喎
有啲就係講求視覺效果, eg Pink floyd d live
假設你唔信任何宗教神祈, 呢個世界本來係無意義, 每件事嘅意義係由每個人自己賦予, 一件事有冇意義在於你嘅感悟同追求, 無人話到畀你知
視聽環迴立體享受，令人感官全開
燈光、舞台、佈景、聲音同人群高漲氣氛
係喺屋企用幾貴音響都買唔到嘅體驗
具體講就好似睇煙花咁
睇電視同兜頭炸落嚟嘅感覺係完全唔一樣
有啲歌手唱live 係好聽啲，例如張國榮。
而且同一首歌，佢係唔同嘅演唱會唱腔都唔同，係跟時代變化，聽CD、YouTube 錄製版就冇呢啲享受。
同埋演唱會音響正常會好過屋企嘅音響😂 氣氛、視覺效果都係
？？？？？
Live同studio version係完全兩樣嘢嚟㗎喎………先唔講演唱會基本會改編曲已經係另一種演繹，就算用返同一個編曲唱live都唔同feel，一首歌有好多種演繹方式，live就係感受到表演者最當下嘅情緒。有心思嘅演唱會都有主題有storytelling嘅歌曲編排，加上台燈聲都係故事同引導情緒嘅一部分，缺一感覺都已經唔一樣，聽眾或會從中「拎走」或者「放低」一啲嘢。而且就算俾你聽playback，錄返嚟嘅soundtrack都 絕 對 唔 能 夠 複製到現場當刻聽到嘅聲音同感覺…
演唱會有時會有某些歌調整過的特別版本，另外有實力的歌手，唱出來的那一刻，現場聽是會聽到起雞皮果種共嗚。
亦有機會有些嘉賓來唱平常不會聽到他唱的音樂。
記得以前有次聽到欣宜作為某個show類似半舞台劇的開場嘉賓(不知情及也不是粉絲)，但意外聽到她唱她自己的歌現場版本，真的令我全程專注沉浸在她的歌聲中，沒有走音及修飾(可能有但作為普通人我聽不出來)，跟平常在手機聽是兩個層次，而這個現場版本是沒有公開的已不能回味🫠
就等於你不會聽到徐天佑唱巨輪，但我聽過。
@itsyoyox 演唱會係我哋生存落去嘅勇氣同動力🥹
一個人聽歌
同一班人睇live
個感覺落差大約有100倍啦
都未講每次live都略有不同、同埋舞台效果果d
如果你唔明都冇辦法
係一個現場獨一無二嘅親身體驗，唔只歌聲咁簡單。去完啲日系、美系演唱會出嚟會好攰😂只想聽歌就買隻碟聽串流。
古典音樂演奏會例外真係入場聽音樂，因為套音響幾好聲都冇嗰種現場音場臨場感。
當然，出show係所有音樂表演者搵錢嘅方法。
簡單講演唱會場地同對喇叭已經令首歌有唔同感受。就當你冇上限budget 係屋企整番同一個setup，仲有歌手個狀態影響，又或者現場觀眾提供嘅氣氛都唔會每一場一模一樣。如果你中意聽嘅歌每一次都一模一樣，可以揀假唱歌手，一樣可以體驗部分歌曲唔同嘅編曲
可以了解一下不同的觀點
不同人有不同感受
只是觀點與角度不同
去看演唱會
你有甚麼感受？
唔係演唱會冇意義，只係你未搵到一個值得俾錢入場支持嘅歌手
利申：我都未搵到，我鍾意嗰啲唔係死咗就係老咗🥲
就係為左令自己開心快樂，令自己有生活嘅動力，就係為左支持自己愛嘅人，所以如果你真係鐘意個位歌手你會明我講咩😆
只可以話演唱會個種可以沉浸係音樂世界入面既感覺極正🙂↕️強烈建議樓主睇下就會明點解
眾所週知睇演唱會係好貴，喺咁嘅前提下都仲會去睇嘅話，我會話係出於一種感性同及時行樂。可以係任何個人原因：想親身體驗現場音響同視覺甚至嗅覺效果、想參與陪伴偶像一齊過同一日…… 最本質大概係對某一樣嘢嘅熱愛吧。咩原因都好，都一定係超越呢個金錢衡量，佢哋認為呢件事比金錢更重要。
「趁仲畀得起，要好好把握時機、好好珍惜。」
而你嘅觀點，可能係代表你暫時認為金錢比任何事都更重要，都冇問題嘅，每個人嘅價值觀都唔一樣。或者到有一日當你搵到令你覺得比金錢更重要嘅事，你到時就會明，有啲嘢錯過咗嘅話，再多錢都買唔返。
有一排返工返得好唔開心 睇左兩場演唱會 果幾個鐘完全冇諗過工作 真正屬於自己 追星係返工嘅動力 可以令我脫離現實嘅時間
外出吃貴價餐廳意義是什麼？柯出來也是屎！
看電影意義是什麼？看一場夠俾Netflix 月費！
享受/ 滿足感不一定要有意義！