好嬲呀！！！今朝我小朋友的上門樂器阿Sir約好咗但無來上堂, 打咗好多次電話都飛咗去留言信箱，WhatsApp msg 咗但無覆，無聽電話，卻有上線！

（人約30+歲，知佢住邊個屋村，有佢相，有之前上堂拍咗嘅幾條video）, 已預繳了一個月學費（四位數）！

可以點做？在線等🙏🏻😮‍💨

佢已經唔係第一次, 係第三次約咗然後玩失踪, 中間仲要無數次遲到, 佢仲要未上哂堂例如20號就會WhatsApp問可唔可以即日過下月學費俾佢, 好似好等錢使咁, 我每次都聽話照做, 自問已經係100分好家長, 無諗過可以咁離譜, 有上線但唔聽電話！

唔夾 就換老師 唔好煩

一定會換，問題係而家俾人走數呀

佢而家依一刻仲係港島某琴行教緊（介紹佢俾我的missy講的，但琴行就無回覆！（琴行係有8間分校的）

大家請幫手推，再唔覆就先開琴行名

如果之前有上過堂的話我又覺得佢未必全心呃你嘅，可能真係一時唔記得咗或者發生咗意外，正常唔會為咗千零蚊做臭自己個名. 等多幾日再冇覆先開佢名囉。

唔好意思，今日訓死左🙏🏻🙏🏻🙏🏻唔好嬲

你真好！

我case係學生no show, 但學費又未交。呀媽話乜唔係每次confirm先上嗎。但明明上一堂問佢，佢話下星期先🙏，咁我咪無再確認囉。後尾我要佢先預繳先確認我會黎（no show上堂除我未收錢，仲蝕的士錢$40),最後佢可能怕我收咗錢會失蹤，所以話要轉伴奏老師。

有冇名？

都係搵返啲大名少少啦

冷靜啲，可能真係病咗昏迷到喺張床度唔知醒
等多一兩日先

邊個？ 我教琴的，等我問一下同行有沒有人識佢

擺佢啲嘢上網睇吓佢蒲唔蒲頭

同樣事情3次，你都包容度太大，個呀sir都好唔尊重吓

我自問真係一個好客

見好幾個建議開名，可能真係有用。

好奇而家最後點樣

仲等緊回覆，已通知佢任職的琴行

近幾年很多30-50歲的人早死，如果有一日我失蹤冇上堂，一定係猝死或昏迷了🥲

呢啲故事好似一個幾出名臭朵嘅老師，不如開名睇下有冇行家幫唔幫到你🤣

可能真係發生咗意外
建議你開名睇吓有冇同行識佢

咁黑仔？