好忙好忙好忙 開始有啲喘唔到氣嘅感覺 even我而家打緊字呢刻我個身入面都好似震緊咁
(有冇人get我講緊咩 感覺自己個心就快跳出嚟 真心有少少覺得自己係咪應該去睇醫生）
I think I’m exhausted…有少少已經耗盡咗
本身已經好多嘢做 四方八面不斷迫緊我
我真心已經好攰 不斷趕緊無數個ddl 然後而家又多咗嘢迫埋嚟 我真係頂唔順了 肉體心靈都好疲累 再加上而家喺midterm period 我完全溫唔切書 其實真係想比心機做好曬每一樣嘢 但時間完全唔容許 有種即使我chur到最盡都無辦法達成 好多份project都係喺樽頸位 我完全唔知可以點突破 好想突圍而出做得好好 但每份都好似係中規中矩咁 有啲不甘於現狀但又無能為力 無力感十分重 好希望自己可以放個長假乜都唔做喺屋企無所事事咁hea but that’s impossible 真係肉體上開始不能負擔 下個星期應該會見到行屍走肉嘅我 唔係 應該連行都行唔到 無力到極點 I want to quit everything 好想抌低所有嘢即刻走 雖然真係好不負責任 I’m sorry everyone

我心靈上都唔怎麼好 真係好大壓力 壓力山大都我mental上都開始breakdown 再加上同frd嗌交 傾嘢傾到嘈交 大家應該都feel到大家再講落去會一發不可收拾所以選擇咗收聲 意見不合至極 我理性上理解每個人都有唔同意見 但感性上我暫時冇辦法諒解佢 我覺得意見不合就傾掂佢 雙方互相作出讓步而唔係淨係得一方單方便不停忍讓 再加之前累積落嘅不滿 所以我返屋企之後越諗越嬲 我覺得大家需要好好傾下 但我又唔想影響我哋一齊做嘅project 所以我主動搵咗對方話想等完曬啲嘢之後好好傾下 收返嚟嘅回覆喺我角度有啲似表面說話 我唔鍾意人哋用啲客套說話hea我 我想解決問題但我感受唔到對方都想 可能佢冇get到我嘅諗法？我都唔知 所以我哋到而家為止都係處於類似冷戰狀態 好尷尬啊其實 但我真係冇辦法當咩事都冇發生過好似之前咁同佢嘻嘻哈哈 我真係過唔到自己個關 我反而覺得咁會更虛偽 但我為咗唔想比情緒影響工作 喺做嘢上我會做返一個groupmate嘅模樣繼續合作 我有啲覺得自己係咪過分咗 不斷懷疑自己 其實我心寛廣闊啲係咪就唔使搞到而家咁 點解自己咁差搞到大家互相傷害 我係咪應該去同佢道歉？

總之呢啲嘢全部加埋就令我攰到喊了 哈哈

ok上述嘅嘢都已經過咗去 po出嚟純粹記錄下 恭喜自己成功survive 不過同frd嘅狀態就都係差唔多 有啲傷心好似冇咗個frd咁 但唔知呢排做乜嘢 好似多咗失眠 有晚瞓覺對腳同手都好似keep住抽筋咁 好似全身冇力咁好奇怪 我諗緊自己係咪太大壓力呢 希望everything will be good😭

去跑番個步先 喚醒下個身體 成個人會唔同的