好想問一個問題，希望大家解答下
醫療保年年加保費，其中一個原因話係醫療年年都通脹，咁點解解到claim賠償嘅時候,保險公司最鍾意用「不合理及慣常收費」而拒絕賠足？
佢哋Internal branch Marking又冇人知佢點計，噤佢地鐘意點搬龍門都得wor!
當一單urgent case發生，作為一個普通人，去到私家醫院（唔係養和個d)，又點知個下醫生收得貴唔貴呢？！
通常任何規則出現背後都係一個俾人玩爛咗嘅遊戲，同埋呢個指引唔係保險公司出，係保監出，然後所有保險公司都要跟，冇得揀
如果有agent嘅話就試吓appeal claim ，如果覺得真係好唔合理嘅話就上ICB；最好做任何手術或者住院之前做一做預先批核，睇吓費用會唔會真係差的太多，以我所知通常緊急個案相對上會放寬，另外唔同保險公司內部有機會會有一啲醫療plan係不受合理及慣常影響，不過詳細要問返個別公司嘅agent，呢啲保險公司唔會公開攞出嚟做廣告或者宣傳
因為以前打個疣都10萬、做個腸胃鏡又6-8萬，多得啲醫美同醫療中心唔少，先推「合理及慣常收費」。
所以係畀人玩爛咗嘅，要怪就怪啲醫生同agent 嗰陣夾埋 cap水+回佣+收介紹費。
urgent case 相對嚟講係賠得鬆手好多，夜晚緊急要醫生返嚟收症而加收嗰啲醫生診金，經驗都可以理賠到，呢啲係合理情況嚟。
但相對嚟講一啲elective OT (即係非緊急可預約嘅手術)，就需要睇返醫管局出嘅私家醫療收費個手術費range 係幾多，我哋公司就講咗話唔超出嗰個range，係okay 可以賠錢；
但有其他公司會拎個range 嘅lower limit 做佢理賠嘅upper limit，相對上就嚴好多。👀
可以睇下我啲post. 唔好話手術費賠唔足，要食既藥同檢查都唔賠
淨係同保險公司上訴理賠都搞咗半年。IC B剛入紙，唔知又要等幾耐。但睇返ICB年報，多數都係判保險公司勝數。因為佢哋係用緊醫管局私家服務個benchmark。