好想喊，我真係好迷惘
我真係唔想再住喺屋企度，我覺得好辛苦好壓抑。我唔知可以同邊個講，身邊嘅朋友個個都準備緊dse，我唔好意思再講啲負能量嘅嘢俾佢哋聽。。但我真係就嚟爆
聽得出你真係頂得好辛苦，唔係小事嚟的。你仲撐緊，其實已經好唔容易。
有以下建議：
1️⃣ 即刻「離開壓力源」
當你覺得就嚟爆，先唔好諗解決問題，直接出門（樓下 / 公園 / 便利店都得），行15–30分鐘。
👉 重點：先俾自己透氣，唔好再困喺個令你窒息嘅環境。
2️⃣ 有出口但唔需要靠人
如果你唔想打擾朋友，可以用「錄音講出嚟」或者「寫低再撕」。
👉 重點：情緒一定要出，唔好積住（你而家辛苦，就係因為積咗太多）。
3️⃣ 設一個每日「安全時段」
固定每日有一段時間唔留喺屋企（例如去自修室/圖書館）。
👉 重點：唔使等到爆先走，預先俾自己一個穩定喘息位。
你而家嘅感覺係合理嘅，唔係你問題，而係你已經太辛苦太耐。
加油！！
感同身受😞雖然我哋嘅家庭問題可能唔一樣 但我都係一樣覺得好壓抑 不過你要頂住呀~🫂唔介意嘅話可以dm我傾下
抱抱🫂聽到你嘅感受 。
喊出嚟，俾自己入面情緒有地方抒發 ，可以大叫，怕俾人聽到就焗喺被入面叫。如果暫時無人可以分享到，可以用紙筆盡情寫哂啲感受出來，可以狂畫，先同自己對話照顧自己個心，知道依家嘅自己好唔開心，再試吓睇吓身邊有無人可以傾下 。
Threads都係個樹窿嚟嘅，只要記得呢度係公海，樹窿得嚟有分寸，上嚟呻下都係抒發方法
見你係26dser, 我諗先儘量唔好諗其他嘢，先安定好個心以最好狀態去考咗個dse。如果屋企嘈，可能試下去自修室？
頂住呀！
我個女都係今個月考DSE，
讀左6年中學咁辛苦，
點都出席考埋佢先，
唔想係屋企，可以去自修室坐下，
沙田富豪酒店有DSE考生自修室服務，
去輕鬆下丫，
想大喊可以去唱K,
大大聲嘁出黎舒服晒先，
考完DSE搵份暑期工，
再計劃下夠唔夠錢租劏房/青年宿舍，
讀到大學有得抽宿舍，
有得申請延遲交學費，
等到大專學生貸款批左，
直接過落大學交學費，
畢左業先分10年超低息還，
前路好多選擇，
加油呀同學～～💪🏻💪🏻💪🏻
🫂🫂🫂 give you a big hug
有睇你之前嘅post，明白你屋企令你覺得困擾 🫂
我感覺到，你知道自己要盡力考好個試、入大學，第日可以離開呢個環境 ⤴️
其實你已經向緊呢個方向邁進，加油，你一定得嘅💪