📌 好耐之前識左個巴基斯
共 60 條紀錄
好耐之前識左個巴基斯坦嘅人，講流利廣東話嘅
👨🏾 ：我前排返左鄉下結婚
👦🏻：係咩，恭喜晒喎，咁遠返去結婚，有咩攪
👨🏾：其實我都唔知，我去到都唔知有咩習俗，大佬呀，我喺香港出世同長大，基本上我同你嘅認知一樣，我都係戇居居啲人話乜就乜
👦🏻：都係喎，咩都唔知勁慘
👨🏾：係啦，屌，我係香港人嚟㗎嘛
又一個故事就係有個姐姐服務左我個親戚四十幾年，佢喺香港生活日子一定係佢人生中最長嘅，能夠聽講廣東話，見佢同街市同啲人講價好好笑，佢早已經唔習慣菲律賓嘅生活，雖然佢有家庭喺嗰度

香港其實就係一個好特別嘅地方，你唔會因為見到印巴、菲律賓或者印尼嘅人而驚訝，因為佢哋係我哋生活嘅一部分，佢哋少數族裔為生活黎左香港，啲廣東話粗口流利過我哋，但係好多人又唔當佢哋係香港人，但喺我心目中，佢哋似香港人多過好多新香港人
身為巴基斯坦裔，好想同你講聲多謝！難得見到一個咁溫暖、冇偏見嘅分享。其實大家一齊生活、一齊努力，呢度就係我哋嘅根。多謝你當我哋係真正嘅香港人！🙏✨
我果陣都有巴基斯坦同事，係香港出世 香港大，有次去食下午茶，佢叫餐肉面，我好驚訝問佢「你哋唔使介口？」佢話「返到鄉下先啦」😂😂
我個case 之前係印度仔，食緊飯：
👳🏾♀️：我下個月返印度結婚
👨🏻: 我又去
👳🏾♀️: 你咪黎囉
————————
Day 1 of wedding :
👳🏾♀️: 屌，我好想食牛啊
👨🏻: 你唔好講野啦，我都好撚想食啊
Day 2 of wedding:
(印度時間03:00）
👨🏻而家係度做乜鳩
👳🏾♀️:我地係度等緊我地個god 出黎
👨🏻：咩God 要半夜先出黎
👳🏾♀️: 你唔係印度人你唔明㗎啦
其實成個trip 都好有趣，有機會一定要去一次
聽過一個故，有個本地印巴Ching食叉燒飯，俾個fd問唔係唔可以食豬肉咩？佢話「屌呢度香港嚟㗎jm9？」
我有一個係紅磡土生土長嘅印度裔客，佢食唔到辣，返鄉下會水土不服。
係，佢哋除非膚色之外，真係睇唔到同普通香港人有咩分別
同理，有啲人除左膚色之外，睇唔到同香港人有咩係相同
不論你是什麼背景，也不論你是什麼時候來到香港。只要你願意捍衛香港的核心價值、尊重香港的文化、願意融入，而且願意維護香港行之有效的典章制度，你就是香港人。 (梁天琦，2016)
佢係同女朋友返鄉下結婚？
定屋企人迫佢盲婚啞嫁？
娶個三唔識七女人？
雖然土生土長嘅巴裔人士好多生活習慣可能同本地華人無太大分別，但嫁娶文化就完全不同，因為自由戀愛通常係唔容許嘅。佢哋無論男女都要聽父母講要娶個住喺巴基斯坦未見過嘅表親過嚟香港，真係幾慘。
有D印巴街坊係好好玩，我隻狗成日痴住個P牌出門口，所以個個叫佢P牌仔佢真係會應😂
曾經有巴基斯坦舊同事阿爺個代已經有英籍同係香港住，
佢阿媽話可以同異族女性拍拖但唔可以結婚，
家族要佢娶從未見過面嘅連名都唔知Ge同鄉，
淨係知對方係個邊仲有一年就大學畢業同細佢十年
但本身有香港女朋友結婚（中學就識，係初戀）
所以偷偷地註冊結婚,搵左經理做証婚人
然後申請返英國公司做野，兩個就一齊去左英國生活

前幾年去峇里旅行
係超級市場排隊畀錢同老婆傾計果陣，突然有個印尼人用廣東話問我哋係唔係香港人，我哋話係，跟住傾咗陣
原來佢係香港做女傭，做左幾十年，主人死左，所以迫住退休，佢話佢好掛住主人。最後邀請我哋去佢屋企食飯，我哋婉拒左
真，我個friend又係返印度結婚，但成世人無喺印度住過
不過佢哋婚禮係好玩嘅
淨係個新郎騎大笨象出場都笑鳩死我
成個婚禮儀式都搞咗5個鐘，已經算快
仲未計影相跳舞食飯，由朝早9點搞到下奏3/4點
香港有一大班土生土長嘅南亜人。同你和我一樣係香港人。
正常人會入鄉隨俗。 但美麗新香港嘅侍應唔識講唔識聽廣東話
香港人係世界上最鐘意歧視嘅人種，思想仲停留係幾百年前
我前日係粥舖見到個南亞裔姐姐叫皮蛋牛肉粥，叉燒炸兩，廣東話好到呢，應該係土生土長嘅香港人
好多外籍人士黎到香港，都好尊重香港，大家一齊和諧相處，香港本身係一個大溶爐，人哋又唔會指手晝脚，更加唔會屌你哋做咩食豬肉。總之你有你喜好，我有我習俗。就算重慶大廈，龍蛇混雜，依然治安良好。巴基師弟：你哋有人教我；爹哩那me,係咩意思😂😂😂
不論原文，定係留言，其實都直線講明香港人唔係亦唔會刻意歧視某一/啲種族嘅人
被「歧視」嘅都係一啲既唔尊重人地社會文化，亦唔肯融入一個（你）要生活/即將生活嘅社會，甚至係夾硬要用自己嘅文化套去人地身上，企圖去迫對方接受同用自己嘅果套方式處事
早前去食飯先見到一個南亞裔嘅人，用流利嘅廣東話落單，我真係忍唔住要讚佢；而被讚嘅亦覺得開心，因為佢會感受到被人認同自己嘅努力
香港地好奇怪，明明好國際化，但見到唔係華人就自動當咗係外國人
香港嘅印巴裔好多都土生土長起碼兩三代，生活上對住本身識嘅華人就做真香港人，但一對住陌生人時好多會扮唔識廣東話 🥲
早排攞文件上個客寫字樓，同𨋢係去同一層樓嘅外賣車手。佢預先㩒埋上一層掣，自製 buffer 俾佢搭回頭𨋢，但我個客同佢個客都同樣唔應門，最後齊齊 miss 咗班回頭𨋢
我講咗聲「唉屌」，車手哥哥主動加把嘴話「唉如果俾人抄牌就白做喇仆街」 😂 嗰下覺得成件事好香港好溫馨
我係台灣人，我都係，習慣香港環境、人（愛香港呢個土地嘅人）、仲有好多好多
佢咁話可能係佢講既習俗係佢父母安排佢同堂妹或表妹結婚💀
我試過有年喺香港，喺過海巴士遇到一班聽完concert嘅法國女，於是就喺度閒聊。
諗起之前去重慶大廈tour
印巴社工話成日食茶餐廳叫餐蛋麵
都俾樓面話 喂啊你唔食得餐肉🤣🤣
Since I was young I was teased I’m tanned and I look like a bun mui. Now I went to Manila for a weekend and I want to move there.
Born and raised hongkie.
呢啲少數族裔入鄉隨俗唔錯㗎，唔似啲大姐大爺 偷呃拐騙 搶掠 打尖 隨地吐痰
我哋唔求所有人種完全入鄉隨俗，大家依然可以著自己鍾意嘅傳統服飾、食自己鍾意嘅菜式
但唔接受成日一邊被害妄想症覺得人哋歧視，一邊做盡kamL行為搞到人哋無辦法唔歧視佢嘅人格
多元文化係值得尊重同守護嘅價值，但唔容許畀某種生物騎劫呢個term，而由得佢哋踐踏甚至抹殺其他文化
btw我恨咗成世識個印度朋友，帶我去跳Bollywood，但我遇唔到
我遇到混血嘅香港人，佢老豆愛爾蘭人，但係佢廣東話係native嚟，佢話廣東話係first language ，雖然佢由細搬嚟搬去，但係廣東話始終如一咁native
何詩蓓背景呀，讀local school，佢仲代表香港隊攞咗無數嘅獎牌，佢都係真香港人
最有印象係印巴人結婚比華人易好多
可以話唔需要溝女
係家族之間互相介紹
然後睇大家啱唔啱 啱就訂婚
其實我覺得呢種文化都有優點😂
其實，好多外國人都係香港土生土長的。我見到中環office 有唔同國家膚色人種。印度人應該係同英國人一樣時間到香港工作，在香港當警察之類，也有非常有錢的富豪在港做生意，落葉歸根以後廣東話同港人冇異。菲律賓人在港打工，結婚生小孩的也不少。去旺角，尖沙咀街頭走過的甚麽國家的人也有。很多本來去香港是走難，希望用香港做政治庇護所申請到外國去。但是有些人一直逗留，也不可能去那裡了。這些人一直努力工作，也對香港以往的成功作出了貢獻。 我在海外生活，有時有些不能明白港人請外傭帶孩子之類。他們以為香港人勞役外傭如奴隸。我說我家不是這樣的，的確她們都老遠的去香港打住家工辛苦。家祖父母和我的父母教我們要尊重保母，並且不會虐待他們。 港人生活工作時間長，父母其實真的沒有很多時間去照顧孩子和老人。有姐姐在好很多，我媽媽才能去返工。香港有他們才能夠成功的。我媽媽的朋友移民有能力的都會幫他們申請的。因為他們是我們的一部份。
同埋唔知點解巴基斯坦人呢個血裏便呢係樓主一啲搞笑嘅基因
原來你都感覺到嗰種幽默，佢嗰下一半自嘲一半無奈嘅表情係勁好笑
有一次同老公係元朗合益街市隔離有間菜檔，檔主係自己鋪頭入面執到隻貓bb，用個籠入起左佢，
當時有幾個人圍觀，其中有個少數族裔男士佢當刻係咁打俾d朋友問點算，有隻貓仔好慘，想幫隻bb，問有冇朋友可以收留隻貓，佢收左線之後係銀包拎左$500出黎同檔主講 叫佢買d野食俾bb，
果下我同佢傾左幾句，佢好流利廣東話話屋企已經救左養隻貓唔可以再養啦，希望而隻bb有啖好食🥹🥹
真心覺得佢好好心地🙌🏻
我係香港出世土生土長嘅中國人，但係我都想問吓其實正式係嘅香港人又有幾多啊？就說新界圍村仔佢哋祖先都只不過係早幾百年落嚟霸咗個位
自開埠以來就已經有五湖四海的人在這裏落腳找生活. 所以香港人的真正定義是冇族裔歧視冇膚色歧視冇文化歧視冇宗教歧視的一群人聚在一起生活. 相互接受. 共同奮鬥 . 所創造出來的 
咁好既，我遇到個d有香港身份證既外藉人士(印巴歐美韓日印尼等）十有八九都唔識聽廣東話orz 偶爾遇到個識既真係好開心！
我對面個鄰居印度人，黎左十幾年個d小朋友以前明明都肯講，但大左就完全唔識廣東話……唔知點解
佢哋嘅廣東話俾我哋香港人講得更加純正
幾乎係冇懶音
有啲百年前啲阿爺太爺嚟咗香港，早過我老豆四五十年前偷渡😂