好誇張
最近睇一個foodie介紹一間Cafe話慢煮牛扒幾好食
Ok… 早一個星期book位，因為個post話要預留先有個份牛扒
6:30去到，Menu得四款前菜，兩款都冇貨，咁你做咩晚市？
仲要嗰份特登要預訂嘅牛扒，落咗單5分鐘唔夠已經上枱，但係係凍嘅，好明顯唔係即整，實際尺寸得個Foodie條片嘅一半，佢條片仲要標榜話自己勁大份厚切，Foodie條片係大塊到仲大過隻碟，同埋厚身好多，個味係幾好食嘅，但係圖文不符唔OK
2人枱細到只放得落兩碟嘢食，叫咗第三碟主菜嚟到要我哋急急忙忙食咗其中一碟先放到
嘢食份量細，埋單食咗$1000，我老公都係唔夠飽
$258一份牛扒其實好多選擇，真係唔需要再去，no encore🤦🏻‍♀️

@gdaycafeandrestaurant

多謝小姐留言
首先講一講，小姐所選擇嘅春雞餐牌上高寫明限量供應。
而喺前菜方面，除咗四款以外，
仲可以升級為套餐，入邊有六款選擇。
若果牛扒不似預期的溫度，我們希望當場可以接受到小姐提出而作出即時的更換。因為三成熟至五成熟的牛扒之間溫度不會是很熱的。若果想熱啲我哋係可以做到的，但是沒收到你的要求或詢問。我們的prime rib 是八安士的，若客人詢問我哋係會作答，我們不方便評論Foodie對食物的意見。
小店真的很小，😞 只能容納兩位用的60×60 cm餐桌。 不過如果小姐想上菜慢啲，絕對可以同我哋講，慢慢等你享受🙂
但是我們直至到埋單問嘢食OK的時候
男客人回答OK
都沒有得到任何好與差的評論
可以等我哋即場提供客人所需的服務。
我們明白可能小姐有兩款想嗌嘅食物都不能供應，所以大部份common都是負面的。
我們想邀請小姐再來免費用餐一次，但是小姐已留言不會有下次。😔
希望小姐可以搵到你嘅心水餐廳。

為了令到其他客人有信心嚟我哋餐廳晚飯用餐，見呢個comment可以Screen shot俾我哋同事睇，即可獲贈堂食無限量鴨油薯條。😊


句句有骨嘅就唔好留啦
人地唔想特登好似有個衝突位咪留句 "ok" 囉，而家講緊件扒係 "凍" 唔係 "不會很熱" 。我知呢個好主觀不過我偏向覺得係樓主講嘅凍，如果唔係會用溫熱/暖 呢d term。

同埋如果真係有心再邀請佢 "免費" 食一餐嘅做乜9 要講下一句？威d 定想嗱返咋沙？

上菜速度作為餐廳應該自己把關，如果成枱都係嘢無理由再夾硬隊出去，2 條友人均 5 舊好難expect 呢d 都唔處理得好

Anyway，香港餐廳屌客呢d 基本嘢我明嘅，不過下次一係盡d 一係收皮，咁樣屌得唔湯唔水睇嘅唔過癮屌嘅又唔盡興，浪費左你個quota 呀

店主咁有態度係佢選擇, 不過希望遲啲唔會又告急, 又香港小店冇生存空間之類啦

典型香港人果隻想屌又唔夠膽屌嘅陰濕態度

下次建議去盡d ，而家睇得唔夠過癮