📌 好開心呢幾日我個th
共 50 條紀錄
好開心呢幾日我個threads俾黎明洗版，作為一個鍾意左佢三四十年嘅人，我覺得鍾意黎明真係好幸福，兒時偶像不單止老得好睇，冇膠面亦冇變成油膩大叔，而且把聲keep得好，越老越唱得穩，最重要係人格冇崩壞，冇做啲毀三觀嘅野，講野雖然好玄，但係從來冇講過乞人憎嘅野，又與時並進，完全冇老屎忽味，所以到今時今日fans依然可以義無反顧咁鍾意佢，呢個真係追星人最大嘅快樂🥹
追咗Leon幾十年，有去等佢追車，佢真係會黑面😂因為佢真係叫我哋唔好等返屋企，比心機讀書，用心良苦！細個無手機無上網，記得有次唔知聽咩風話佢係元朗拍嘢，同個同學放學入去，當時嘅元朗對我嚟講好遠好鄉下咁….點知去到根本搵唔到見唔到，仲攪到好夜先返屋企（當時夜晚8、9點都叫夜）。既失望又俾阿媽問去咗邊，要作個大話😅Leon講嘅嘢我有聽㗎，有比心機讀書，但都無停過追佢🥰
👍🏻 Leon 到今日仍然保持優雅帥氣，看看他由 2023年的演唱會，聲線越唱越開，越唱越好聽，敢說他的歌藝和功力已超越過其他天王，聲音保養得好靚，唯一天王可以保持年輕嘅靚聲和聲線。Leon 係好自然投入，感覺佢唱歌係好有心，感情拿捏非常好，令人好有感觸和感覺。👏👏
真，Leon係我人生第一個偶像，雖然有鐘意其他但Leon點都係唔同，係會一直都鐘意同欣賞嘅，黎明絕對唔止靚仔，佢嗰種深度同思維好正，當年至今我仍然覺得佢係No.1, 個紅蘿蔔手燈真係大癲🤣我愛黎明😍
絕對認同👍黎明係我第一位到而家都好喜歡嘅偶像之一💞而且係我心目中都係殿堂級偶像👍💞我個仔開始識講嘢識唱歌仔嘅時候就識唱番幾句「如果這是情」得人好開心㗎😄好多美好回憶返哂嚟💞
人格冇崩壞、三觀正、係好好好重要！我唔想鍾意一個人30幾年後，先發覺睇錯人，會好崩潰。
可以繼續保持佢嘅本色、keep住有進步、唔outdated，係bonus
真係好老土咁講句，「我沒有愛錯！」
唔係fans
平心而論
四大天王入面
佢各方面的確係保持得最好（不論在公在私）
尋晚陪完個friend去睇完佢既演唱會
更加覺得佢keep 得好好
🥕🥕🥕🥕🥕🥕🥕🥕🥕🥕🥕
你完全講中晒！
冇膠面、冇油膩、冇做啲嘢令你抬唔起頭
把聲仲keep得好好，有練歌，開演唱會次次都仲有新嘢玩，唔會淨係食老本，對得住觀眾！
yes!! 我都係好細個就鐘意Leon, 但中學開始唔敢同人講自己鐘意, 覺得好老餅
但而家已經唔會再咁諗, 仲會好開心周圍同人講鐘意Leon 真係好幸福!!
我明，中學嗰時我都係咁，但咁多年後回望真係好慶幸自己鍾意嗰個係Leon
1993夏日傾情演唱會
Leon聽完fans大合唱
好感動咁樣喊住講話會好努力唔會辜負fans
到而家Leon都係兌現緊承諾❤️🥰
在公在私，佢真係一個本身好的人才做到。夠真及直接。所以咁，我先可以鍾意佢咁多年。 作為另一半的指標。
好羨慕你地可以追一個星 追咁耐
祝你地長追長有 身體健康
以後無論幾多歲都可以繼續喺紅館fing蘿蔔😂
多謝你呀🫶🏻 希望你粒星都長做長有，令你可以一路快樂地追落去
以前身邊有啲朋友睇唔起我鍾意黎明，覺得我淨係貪佢靚仔，好高興今日佢哋都認同黎明好正👍
🥰🥰 我都係由細就鍾意佢40年，Leon完全都冇變過，永遠忠於自己，佢呢份吸引力永遠都係咁正
當我們追隨了3、40年的人看到自己喜歡的人是一路走來都那麼優秀，真的特別驕傲☺️☺️☺️
係
老公已經崩壞了
但昔日的男神仍然好像當初一樣
我慶幸當日
我沒有愛錯💕
完全認同！我哋真係好幸福 🥰
覺得其他人終於明白我哋鍾意佢乜嘢 ❤️
Me too ❤️❤️❤️
細個同人講我偶像係黎明一定俾人笑，而家d人先識欣賞佢
那些年的男歌星只追過黎明一個🥰（利是同零用錢奉獻晒俾佢😆)
原汁原味咁唱已經好重要，入場就係要睇佢真人唱CD，唔係亂/鳩咁唱
以前鍾意beyond 好憎黎明呢啲偶像派，而家先發覺黎明既人格最好
2026仲keep住有新歌出，好過其他不斷賣情話的歌手
希望你偶像都生生性性，令你30年後都感受到呢種幸福❤️
真係估唔到 Overall 都 Keep 得咁好❤️🥰
佢有好多篇
因為次次演唱會佢都睇🤣
https://www.facebook.com/share/14asfZCmCuk/?mibextid=wwXIfr