好cheap 無人情味嘅公司，
38周6日 真係唔畀侍產假，我只能回答「ok, thanks」。
但對呢間公司個歸屬感，歸零。
你啱㗎，但我覺得好cheap 啫🤷🏻
山水有相逢。
唔可以唔俾
但係無薪
其實你take 伊份工前就應該預左啦
姐係你做唔夠40週，所以無得放侍產假
在公司立場又無錯架喎，唔係公司cheap，係你自己一相情願想放假有錢姐
38周嗰個比，咁37周嗰個比唔比呢？！
如果唔比，37周嗰個又會話公司好cheap
好啦，37周今次比埋，咁36周嗰個呢…
再下次就35周嗰個，上次36周都比，今次35周唔比就好cheap啦…....
一間公司，點都要劃界....
你啱㗎～ 所以 「哦 okay, thanks」
其實唔少公司，唔會計足40周，過試用期基本上都畀，男人侍產品假嗰幾日。🤷🏻
我同意嘅一間公司要劃界，但條界就🤷🏻
你做咗十個月未夠，你公司無啦啦做咩要送超過一個星期嘅人工俾你，一陣轉個頭你就走咁點算？
所以我都回佢 「ok thanks」 無計。
但係人情道理嘅嘢，睇得出間公司嘅格局，
BTW, 呢間公司係無有薪病假㗎！
一脈相連嘅公司格局🤷🏻
細公司定大公司呀
不過你公司咩福利都冇應該係細公司啦
細公司都咁冇彈性就算數啦
呢D公司應該好多老屎忽做到等退休
有薪假呢啲不嬲都要按公司規矩架啦
第一日出嚟做咩？公司使乜理你有冇歸屬感
想有人情味只可能做細公司/私人公司睇彩數
如果大機構一定跟足程序
當傾閑偈，都真係一種公司文化嚟，唔啱就走，無計🤷🏻 但我覺得唔關大細公司事，大公司因為要減turnover rate 反而唔差嗰少少，都多彈性。
細公司就真係好睇個老細啦。文化唔同都無計，唯有離開。
*申請時間： 嬰兒預計出生日前4週至實際出生後14週內。*
甘你請一日假或者返多一日工之後應該可以照申通, bb出世後14週內都可以放喎🧐
算啦～ 梗係老婆生嗰個星期放㗎啦～
都係嗰句，山水有相逢
建議唔好老婆生嗰個星期放😂 遲個星期有咩所謂
計我話 坐月果個月是但一個星期放都得 到時先有嘢幫到你老婆
生果個星期係醫院都幾日… 慢慢啦
侍產假真係好重要。生小朋友係人生大事，老婆好需要老公陪喺身邊，生產後又容易有產後抑鬱。爸爸都一樣想陪住BB，學習照顧BB。侍產假都無，連餵奶換片都無時間學，想支援老婆都做唔到。
咁多人屌樓主，話人想放paid leave之嘛，又話勞工法乜乜柒柒，扮晒上位者。係上位者就諗下連放個侍產假條款都咁hard，叫咩人生仔呀？點提高出生率呀？
睇返BB出生14個禮拜內都可以放。假設BB出世一個禮拜，咁你過多個幾禮拜一樣可以拎。
新公司未做够40週就生，可以放，但就無薪。
佢想有薪，但時間差小小。
明白，唯有用自己大假幫老婆啦！明你覺得好似好唔抵，但有時世界好多野都無得強求，呻下算，始終佢都係跟左法例去做，。而事情都確實左，繼續係呢度番工都唔好再諗呢件事啦！否則會令自己唔開心架咋！呢單野無影響到公司，你唔開心又唔會令到公司都唔開心，但你唔開心只影響到你自己唔抵呀嘛！
不要忘記你有小朋友係開心事！絕對勝過一切呀！加油啦爸爸！
以前打工
1月2號係星期日
1月3日上工
到年尾分花紅 公司話我做唔夠1年 所以無得分
俾係人情，唔係俾道理，唯有用自己Annual 陪太太啦。
你一早都知病假無錢，仲期望會鬆手有包薪侍產假？
其實2026年，真係唔知點解仲有人做病假無錢嘅工
僱傭條例有講架未做滿一個日子産假是可以不提供架。
人情味睇公司。
同公司講人情你都幾 on9。仲有就係公司唔俾你就係無格局，你上網唱就睇黎係有格局既行為。
38周5日：ok thanks
38周4日：ok thanks
公司角度無問題，唔係點解法例有定周數，
就係要保障員工同時包護返公司利益，
現在主要睇佢有冇配合你需要放無薪假。