如果你係3x 未婚單身女仔搵緊另一半，
會唔會接受做人後母？

幫人養仔做免費工人？ 除非男架好有錢，同唔會同前妻係乜聯絡啦

個男人心目中第一位永遠一定係小朋友，你永遠超越唔到㗎

男既有經濟壓力+小朋友既老母係過左身既ok 否則要出錢又出力仲要同前妻周不時因小朋友而見面/聯絡就不了 搵笨。。。

😂同你個post有d 似

😂咁岩嘅？你會點揀

如果淨係講個小朋友我就唔介意

咁其他野你介意？

點都會介意佢要同個前妻keep住有聯繫

如果男方條件好好，係可以接受，但真係會盡量避免。

就算孤獨終老嘅都冇可能接受
一黎唔鐘意細路..而且年紀細既要付出更多既時間同精力..年紀大既又同你唔親..不論小朋友發生任何事..都一定係後母既錯..管教得嚴/鬆都會比人講說話，個細路調皮少少就會俾人話「後底乸唔識教」，分分鐘打個乞嗤啲人都覺得係你無照顧好佢哋
而且唔單止要諗贍養費問題，如果個小朋友想同親生父母有啲咩親子活動，情理上無資格亦無可能阻止佢哋相處，但佢地一家三口樂也融融，自己就變左個外人
如果將來有左自己既小朋友，即使你對佢地同樣係100分既愛，好多人都覺得唔夠，因為繼子既家庭破碎比較可憐，所以應該要俾200分既愛先得
諗諗下單身算啦，唔需要玩d咁高難度既野

單身比較自由...noway

30 + 歲仲戀愛腦， 死得

做人老母已經好艱難，仲要做別人既後母。

如果係我既話，個男既一定要好靚仔+好有錢+對我好到天上有地下無，先會考慮一下。

三個條件缺一都唔考慮。

公的路過，你起碼要知男方經濟同要比幾多$贍養費,仲有佢有冇成日數前妻

成日數前妻真心🚩

點解要做免費雞

前人中過嘅伏，你嚟個手又踩返落去，佢一定話前妻係痴線婆啦，等你做左前任，你就做佢口中下個痴線婆

😂所以如果一個男人會係咁數前妻，真心🚩

之前會，而家一定唔會

要睇小朋友幾大
18歲以上既我冇所謂

要睇幾大，如果唔大既，會好樂意，因為本身都好鐘意小朋友。近青春期或已青春期就未必得。