📌 如果你入到一間公司，
共 35 條紀錄
如果你入到一間公司，發現同事之間關係勁好，親如家人，同出同入，咁你就要小心啦。
一般情況下，只有地獄般的OT，同埋弱智嘅老細，先可以培養到同事間堅如磐石的戰友情。
而家公司就係。同事之間關係勁好，親如家人。全部都做好耐（我組入面除咗我，年資最淺嘅做咗5-6年，做最耐做咗嘅10幾年）
佢地組織埋上同事屋企探同事個B囡，仲買曬禮物送畀B囡。連同組舊同事都會去埋。
係有地獄般OT，一日返12個鐘係正常（我成日準時走唔合群）有時仲會做到凌晨先走。
老細相處過就唔係弱智嘅，正常人一個，但公司福利真係麻麻。基本上除咗弱智老細呢個唔中之外，其他全部都中。佢地對我都好好，我之前臨考車兜我出試場探路兩次。
係我自己小心眼啫，成日都放唔開個人，唔信職場有真朋友。諗到今日，都係唔明點解做同事可以親到咁。
公司完全冇福利 老闆勁仆街
同事真係情同手足😇
希望大家都可以盡快離開呢啲傻閪公司
我入過一間公司, 同事關係好好, 後來發覺全部係皇親國戚, 包括我上司係我同級同事的Auntie, 我上司又係director老婆, 幾個department head全部係兄弟姊妹, 好多project manager都有血緣關系.
咁又未必嘅，我真係遇過工作環境好單純嘅地方。無辦公室政治，上司係廣開言路，好願意聽意見
聽過畀粗口更難聽嘅嘢，就係「呢度好似家一樣,我地好似一個家庭咁運作」意思係咪我地出糧要交家用？ Cls~~
我都聽過一次一樣，不過係interview時候聽到，即刻red flag
Haha, 總有啲人喜歡家的感覺，但係呢家庭成員就要背負extra嘅嘢囉。
咪即係預咗畀人情緒勒索，醒嘅就早走早著~
最高既讚美係d同事親口同我講
自從有我後，佢地鍾意返工左，我個陣都偷笑🤡起碼有d樂趣帶到俾佢地。
依家大家情緒長期高漲，生氣勃勃。
連我都活潑左🤣情緒係會感染的
喂，我同意wo
當年我有一間公司日日OT到成11點，晚晚一齊叫外賣一齊call的士
同班同事真係戰友咁
但太辛苦了😓我都唔想再經歷
同感, 加上上司太癲, 大家有共同討伐話題, 所以特別close
地獄般嘅ot同弱智嘅老細，只會趕走哂嘅人然後請到你。
我認同你呢個結論，好合理，當大家離開左呢間公司同頻嘅仲可以做一世朋友，因為呢間公司發生嘅9事足夠講一世..但呢一代應該無喇，都無人肯OT
職場中「家人般關係」的潛在危險：
危險的團結感： 這種戰友情是用極大的身心代價換來的，往往掩蓋了工作不合理、管理混亂的事實。
界限模糊： 同事不是真正的家人，投入過多感情容易在工作利益衝突時感到受傷或被出賣。
高風險潛在： 同事之間若是像家人，有時候會掩蓋錯誤，或是形成小圈子，不利於理性、專業的工作溝通。
「
相濡以沫」不如「相忘於江湖」： 真正的職場成熟是能區分同事與朋友的界限，專注於責任與效率。
建議： 保持冷靜，專業對待。同事是因工作相聚，親如家人通常是盲目的。將精力投入提升能力，而非經營過於親密的職場關係，以免在工作變動或壓力倍增時感到迷失。
都有例外嘅。
我哋全公司都勁close，你幫我，我幫你，大家拍住一齊做，無乜必要OT，不過老細來自地獄。所以大家團結一致對抗極權🌚
都係 但難保同事之間既關係可能都係表面好 因為當對住一個無能既老細 同事間都唔會對間公司有咩期望
上一份工就係咁，好似一家人，不過冇OT ，公司包埋伙食，收工老細會車埋我去地鐵站，就算我離左職，我新居入伙每人都有送我一份電器做入伙禮物，只不過係有啲關係close到有啲混亂，所以都係離開了
真，1x年前有份工成日要OT，大部份同事都好FD。同事有難，自己收得工都留低幫手，等大家一齊早啲可以走；收得夜會喺公司卸妝洗面，邊敷MASK邊做proposal😂😂😂
依家轉晒工，但同佢地仲好fd
我嘅睇法係另外一種：
係一個比較有遠見及眼光嘅老闆，請咗好多志趣相投嘅人一齊。而人事上，老闆又處理得好好，基本上冇乜Office politics，所以同事之間係存在良性競爭嘅關係，加上有共同嘅Vision，所以先發展到有工作關係以外嘅情誼
其實以上嘅都係講緊我其中一份工遇到個好老闆，在此順便祝佢安好🙏🏻🌈
認同一半，公司老細濕鳩，同事就團結，呢個認同。但我公司老細仲有一個濕鳩，就係情願同事冇默契，都唔想你地太團結，所以得閒就洗牌，d人轉黎轉去
旧老板，上司和同事在2008年到现在，大家还保持到现在！，偶尔大家还聚在一起，之前的我们是团队精神的，没计较，有苦！，有累！，有为工作争吵！，有开心。妳在一间公司如果猜疑人的想法，妳很难做久，妳是很幸运的，遇到好同事，应该把对工作的真诚和跟同事好好的相处啦！。
我都見識過，Team head 仲要好似怕咗下便嗰班細嘅，細嗰班日日遲到準時就走，喂喂喂埋堆冇問題。正常做嘢唔埋堆嗰啲就話佢做唔到野..