📌 如果你有份工，朝九晚
共 51 條紀錄
如果你有份工，朝九晚五，但系成间公司都冇人揾你做嘢，你日日就系打卡等收工，出去都冇人理，个个月都照出粮，一做就系四五年。你系公司系多余嘅，公司唔炒你亦唔用你，你会唔会觉得自己俾冷落？会唔会好down？会唔会觉得自己好冇用？
如果係香港，有兩到三萬，係好工來的，話斷左向上流動，浪費左人生果啲係廢人，唔好信，你工作時間外出都無人理，姐係只係要打卡，可以揾多份工，可以去上堂學習，可以發展你嘅副業，係金子永遠會發光，話說仲請唔請人？九至五要坐定都可以
同我上一間公司類似！好彩我都學到野用咗四年時間直情話我幫唔到佢但係一出事又搵我雖然有加過人工，然後過年前搵到間公司加左5k 以上。今日過埋試用期。😂
以前有份類似咁既工,不過唔可以隨便出去
我唔識諗,走去上進
原來多小小錢(仲要捱幾年之後先會多錢)
係會忙好多, 鑊又重左, 上司又難湊, 我寧願做返hea 工算
最緊要係好唔好pay先？我責任係每日有返工standby隨時ready工作，公司出得糧比我又唔用我係公司或上司嘅問題，又唔係我可control嘅。BTW, 仲請唔請人😂
朝九晚五準時放工又得閒，把握時間修讀專業課程為自己增值。
例如學位，IT方面
有糧出維持生活，又有時間增值自己。儲多d技能，等待時機轉工。
如果係40+ 呢個係理想生活
你自己做其他嘢囉
例：online class , 淘寶之類
除非連網都上唔到啫
夠鐘就走人
如果有讀開書
辦公時間用嚟溫書📚又得!正
你會係行業優質潛力人材，怕你威脅到公司所以請你尼但投置閒散，現當立即離職，不等一個月通知，原因：個人發展，下份工作已被僱用。
唔駛盲目追求別人認同，自己知自己事！可以做其他嘢 .... online class or 報course 讀書溫習 (Unless連網都上唔到)
日日準時收工走人！
我覺得你浪費緊你嘅黃金人生，一/三/五/十年，一間公司唔會一世養懶人，到頭來你出到去市場乜都唔識，嗰陣時你仲慘
呢d似係個上司好憎你
用幾年人工買起你個人生
你之後見工人地問你做過乜有咩經驗你其實答唔出
基本上向上流動條路就無左
如果佢有心上管理層佢呢幾年係浪費哂時間學野
又咁市，如果佢係有心上既都唔會貪係呢個位幾位幾年唔做野
唔係要一定識，個人叻唔叻先係重點，你睇香港大財團既金主，有幾多個識佢哋賺錢既野？🐒
人實同所有動物都一樣
圈養左就唔會識自己搵食
你講下邊個大財團既金主會投閑置散 五六年？
你睇佢地風光但其實佢地個個都好勤力
唔會覺得被冷落 會覺得自己好廢 好無價值 同埋會做到個腦退化 我接受唔到🙈
但如果仲有幾年退休就另計🤭🤭
如果出去無人理，咁打完卡出去玩？或者帶野返公司玩？
如果都唔得，咁我應該都會quit🙂↕️
如果佢唔俾嘢你做，但又唔俾你做自己嘢嘅就話no no啫😂
如果唔係當有錢收嘅自修室用又何妨
唔會，30歲前會，30歲後絕對唔會咁諗
我會用呢D時間讀書，做副業，學嘢，增值自己
幾錢人工先😂😂 同都睇年紀既，如果廿幾歲我會唔做，出去搏再上多幾級
我會選擇一邊返工一邊自己搵嘢學黎做，反正冇人理我，做乜都得😂😂😂
咁正既工，應該好多人想做，悶唔悶點安排自己快樂，自己決定架啫！
我會覺得好有用，因為冇人搵我做嘢都冇俾人炒證明我有本事😎
呢啲係好多人嘅理想生活喎, 最緊要係幾多人工先, 養唔養到自己
要好好利用公司資源，搵個學番下，增值自己或者整個副業玩下
份糧唔低過市價一定做。多咗嘅時間可以做下自己嘢、秘撈啊。
我會返工打個卡然後返返屋企訓到收工打卡，之後約朋友去玩
我唔會。單身可以去進修。有家庭更好，多出時間照顧小孩
你45打後等退休
就very good la,
我30歲前轉4次工
並昇咗3級 😁
哩個時間好珍貴，要好好諗下計劃下其他門路，搭下一條橋
睇年齡我4x都做類似的工，工作是比較悶但可以做私人東西
而家人到中年，人工如果 ok 的話，呢 D 堅係一份荀工黎。
想知幾錢人工。而且可以搞自己嘢，反正冇人理喔～咁爽
有份咁嘅工。我會好開心，完全係筍工嚟，可以做到退休
嘩 呢d 工邊到搵呀，又有錢收又可以返工進修，上天眷顧
正呀！ 可以做副業 可以讀書
可以學嘢
可以做Freelance
照你咁講 我偷埋錢都唔會覺
十年啦 偷夠十年 退休
我公司有呢個case, 最近終於俾公司炒左, 大快人心