嫲嫲85歲想整眉 全家人都反對
話貴同埋都一把年紀 唔好搞呢啲
得我一個覺得冇問題
係咪我有問題？
我覺得人嘅年紀去到咁上下，無即時生命安全嘅嘢都應該由得佢做…… 諗起自己有朝一日老咗都畀人限制呢樣嗰樣就覺得好慘
都話85歲，喜歡做咩咪做囉，最緊要佢開心，亦証名你識諗
反而會好開心嫲嫲仲保持到一顆貪靚嘅心，係生活樂趣，好支持
整條眉要幾多錢？咁都反對？
又，其實整咪整，點解要佢哋贊成？
家人有乜反對原因？
唔好一刀贊成同反對～
紋眉唔係零風險，老人家新陳代謝慢，傷口難埋、比後生仔易感染係事實～
若果食薄血丸，整傷咗可能會流血不止～
最好理解一下嫲嫲有咩病、食緊咩藥，嫲嫲要靚唔要命ok嘅，但唔好加重照顧者負擔……
佢哋反對係因為覺得貴，覺得呢個年紀冇必要洗呢筆錢
而你講得好岩，我本身都冇考慮咁多，係美容師好好咁問哂我以上既問題～
我婆一把年紀要飲咖啡，個個都話唔好，我每次探佢都同佢去餐廳飲，佢笑得好開心好甜。只要佢想嘅事，我有能力都會陪佢做，只要佢開心。
我明你 當年我嫲八十幾 我媽話我好買月餅…蘿蔔糕…稯 呢啲應節野佢食 話無益話老人家唔好食咁多
我無講出口但心諗 都八十幾 節日過得一個得一個 難得佢中意食又仲食到 由佢啦
好似你嫲咁想做乜咪滿足佢囉 最緊要佢開心
支持嫲嫲💪🏽
想整眉靚啲之嘛，
唔應該阻止，咁大個人可以為自己作主！
幾歲嘅女人都鍾意靚架啦。
同埋佢自己有自己諗法同打算，直接帶嫲嫲去整啦
整！我都係我嫲嫲early 90s個陣同佢重新釘咗靚耳窿，佢個陣勁開心！！老人家嘅笑容無價！！
我覺得冇問題喎！只要對佢生命/健康冇影響，我都會由佢去做～好似我婆婆咁，佢都係80幾歲，佢有段時間嚟咗我屋企住，然後我每晚臨瞓前都會同佢齊齊敷eye mask, 當然我知道佢呢個年紀，其實敷嚟係冇乜作用，但見到佢好開心好enjoy，我就好滿足❣️事後佢返返自己屋企住都有keep住自已敷☺️I really love my granny!!
85歲由佢啦！又唔係用好多錢！我有朋友75不時條眉淡左都再紋！
我細佬48歲，而家喺ICU生死未卜，如果佢醒返去想去邊度，相信我阿媽傾家蕩產都會同佢去。
那些年，我「走咗」嘅婆婆生過肺癌又好返仲戒埋煙，十幾廿年將近80歲佢又話想食返。佢全部仔女都冇人反對：「一把年紀有乜所謂。」
所以，你嫲嫲想整眉，梗係帶佢去啦！記得整埋gel甲！
支持嫲嫲，咁大個人自己揸主意，唔明白點解你其他家人反對
真。我都唔明點解d 人夠膽，可以當街當行，冇遮冇擋，沙塵滾滾咁唔衞生咁做show 咁俾人住整自己塊面。。。🤮
了解風險，有冇糖尿病、有冇食抗凝血藥、紋得淺啲傷口唔好咁深，考慮好先
希望嫲嫲做到自己喜歡的事
謝謝你呀❤️
我啱啱問咗嫲嫲～佢冇呢方面嘅問題💪🏻
揾個好嘅診所，好啲美容院，嫲嫲想整咩都整。
我屋企班長輩怕麻煩，我阿媽怕得罪細佬妹，就算plan好都唔俾我帶婆婆去做佢想做嘅嘢。最後揀咗我一個人都可以完成嘅，其中就係帶92歲婆婆再次做美白去斑。做完婆婆好開心，直到佢百歲仙游。靚足8年，超值添啦。依家我都好後悔，當時唔應該咁聽話，明明可以做得更多。
樓主加油
宜家好多街舖/商場仔都有得幫人整眉，通常係啲大媽幫人整嘅，但設備簡陋，又唔知衛唔衛生。如果你支持嫲嫲整眉，不如你搵間好嘅，請嫲嫲去。
我有客人都80+來霧眉，是女兒先霧完眉媽媽覺得好靚，就叫女兒帶她來。我叫她先問醫生，醫生說沒問題就ok, 主要看她有沒有糖尿病、蟹足腫這些，如果沒有都可以做。她還說考慮了很久，我還跟她開玩笑：你考慮了80年終於有勇氣了？
真的好好笑 😂😂😂 做完霧眉開開心心的，其實老人家都愛美的，不影響健康，真得讓她們開心就好。
有啲無良仔女覺得老人家唔好嘥錢啦，留返多啲俾後人啦～
有次見到隔離枱神棍feel兩公婆不停洗腦父母話公立醫院幾好，私家唔夠公立好，跟住又講咩投資滿口錢錢錢你就知佢咩料.……
謝謝你既回答❤️
人哋既事我唔知道，我亦唔評論我既家人，因為依家都係佢哋照顧嫲嫲，衣食住行都係佢哋負責～
我只係想就住呢件個別事件，希望有人解答下我既疑問🫶🏻
點解已經八十五歲都唔可以做自己想做既事
幾時到你啲屋企人反對！
85歲仲有想變靚嘅心代表佢對生活好有追求！佢鍾意嘅就算整容我都支持😂
我第一次聽到個下以為佢講笑，直到佢第二次見我再問，我就即刻問左我美容師朋友意見～
我都覺得好開心，冇諗過佢依家對生活咁有追求❤️
會長，唔係呀，如果可以令長輩開心，而且只係有限錢，我唔止贊成，係應該鼓勵佢咁做！但⋯⋯必須注意衛生同感染風險
我媽媽當年cancer剛痊癒就話要整眉、最後一段時間佢睇落日日都好精神好靚女
嫲嫲完全值得架！
識得一位七十幾歲男士，最近喺手臂做咗紋身！佢自己話，去到咁嘅年紀，鍾意做乜就做，唔使理人哋點諗。
我覺得女人幾歲都貪靚係正常嘅，我𠕇10年紋眉經驗，有做長者優惠$980，同埋用最新技術，唔痛又自然冇修復期！
冇 都85歲 做乜都由佢啦
最緊要身體健康 活得自在
支持你支持嫲嫲，好開心嫲嫲有顆年輕活潑嘅心，呢樣野好緊要，喺安全情況下嫲嫲想做咩都應該支持配合佢，加油
人死一刻，
如何不會令自己及身邊人不會遺憾。
就係一個人做過哂自己應該做既野🙏
我覺得應該做，而且係你陪她去做🙏
幾多歲都鍾意靚㗎啦，帶嫲嫲去整眉啦！嫲嫲一定好開心㗎，呢個係一個好難得嘅體驗，記住整好之後拍張相上嚟，等我哋讚吓嫲嫲