學堂師傅操車嗰陣教過：

「如果巴士站到企咗老人家喺度，你要慢駛，因為佢哋有可能眼力唔好，你要駛到好近佢哋先會知你係咩線。有啲醒水嘅，會係咪都截你埋嚟先去睇清楚。」

一直記到而家。

琴晚先試完，阿婆本來坐喺站度，我架車埋緊去，佢起身，咁我咪打燈埋站，埋到差唔多又耍手坐返低😂右燈走

我個人又唔會有咩hard feeling，夜麻麻老人家睇唔清楚好正常

應同你，respect!
之前有師兄系脆出post話畢架山花園個站個客遲遞手，同個客嘈。我都有留言講唔系個個人都好視力及反應即時遞到手。點知比一大班大西北師兄插。
可惜既系依家越來越多車長既同埋心都差左好多。

一味揸住條rule話乘客一定要遞手截車，然後屌班鹹魚西客
但佢哋冇搞清楚唔想做同做唔到嘅分別

sor...就算我唔係老人 九巴有啲電牌都真係要好近先睇到（又或者逆光得好嚴重） 希望每位司機攞車前望望自己副牌留意下

呢點恕車長無能為力，就算即場port車都應該會畀維修部屌返轉頭。

以前新巴啲50XX夜晚先難睇

而家後生嗰D眼力都開始唔掂😂

散光睇唔到呀🤓

老嘅試過後生，但後生嘅未試過老
好難expect佢哋明白到有時老人家/眼唔好真係要去到眼前先睇得清嗰種無奈

細佬係急性子嘅人，但有老人家。一定柔，千祈唔好急。
我甚至試過出口術，早繁做區內氹仔線接近頂閘見到有兩位老人家企緊，望落都起碼80歲以上，停低叫後面讓個位比兩個坐，最大程度保障自己先。
其二，離遠你都知係老人家，更加要一早收慢。
我覺得有時候，只係因工作嘅不愉快而同自己鬥氣

尤其係揸綠蛋就會發現好多人截錯車😂

個3字同個5字害死人

做對面海嗰間
有個輪椅客試過8H睇咗做81
重要上車問轉唔轉入康翠台先知自己上錯😅

我都試過類似，從來無見過佢，問佢去邊又唔出聲，咪照上，留低「落車記住㩒鐘話我知，粒掣喺度」呢句就算，最尾佢真係上錯車。

所以上車嗰陣問佢哋目的地係有用㗎👻，責任已盡。

今日一排坐晒係玩電話，但無老人家嘅，車頭碌到埋站全部零反應，閘都唔開打燈走，係倒後鏡先見到佢地企晒起身指手劃腳，我諗我應該會俾人投訴

唔好講老人家
有時啲舊車暗到連正常人都睇唔到

今朝得自己一個人等巴士
突然太投入望電話
巴士就埋站突然呠呠
如果佢唔呠呠我實錯過
上車即刻瘋狂唔該司機

*個站淨係得呢架巴士用

同理心🫶