📌 學校先係全世界最大嘅
共 53 條紀錄
學校先係全世界最大嘅Scam，唔接受反駁。
由細到大，班老師同老母就係咁洗你腦：
「乖啦，考好啲 DSE，入到 U 第時就執金啦。」
結果？
你用咗 20 年青春，交咗幾廿萬學費，最後換嚟一張叫「沙紙」嘅廢紙。
然後你拎住呢張紙，去搵份月薪萬八嘅工，幫個連大學都無讀過嘅老細供佢部波子。🏎️
學校教你計 sin cos tan ，但無教你點樣唔洗比政府劏稅；
教你背中外史，但無教你點樣喺中環生存。
醒下啦各位，學校只係一個「奴隸加工廠」。
佢哋唔係要你變天才，係要你變做一個聽話、準時、唔會反抗嘅優質齒輪。⚙️
如果你覺得讀書係出路，咁點解你個校長仲要返工？佢財富自由咗未？
教育好需要改革。
但我依家仍然覺得香港教育syllabus每一科都其實好有用，佢鋪咗一個基礎俾你同世界接軌，望下國內外海內外，香港人就群體而言，其實唔執輸。
只不過為成績而操卷嗰part好多餘，完全反人類設計。以中文為例，讀文言文、古詩詞對人生思想、精神健康而言作用好大，可惜現時學制下大家嘅重點有啲似係「句讀之不知，惑之不解，或師焉，或不焉，小學而大遺」明明真正對人生最重要嘅係古人應對問題的心態、觀點、看法和智慧，呢啲嘢只有向勁人先學到。但我哋教育著重嘅係死背、學習文言文點睇，學習揣測啲作家思想，學習答題技巧，學習標準答案。
而唔係問我哋點睇，有咩啟發反思，如果遇到一樣嘅問題你會點做。
不過都明嘅，真正有價值嘅人文思想係冇辦法用分數去衡量，咁樣對設計教育系統嘅人嚟講好麻煩，為咗佢哋方便，犧牲啲學生又算得啲咩？
這段文章用粗獷、諷刺的語氣批判現代學校制度，中心大意與重點如下：
中心大意
- 作者認為學校是個「詐騙」（scam）或「奴隸加工廠」，不是為了啟發個人潛能或讓人致富，而是培養服從、守規矩、能被雇用的勞動力。所謂讀書成才、靠學歷翻身的說法被視為虛假承諾；投入多年時間和金錢，換來的學位（作者稱為「沙紙」）未必能帶來實際經濟自由或成功。
主要論點與論據
- 矛盾與諷刺：若讀書真能致富，為何校長、老師仍需上班？作者藉此強調教育制度並非保證通往財富的道路
簡短總結
- 作者批評學校制度名不符實，認為教育體系更像是為維持現有經濟秩序而培養順從勞動力，並警告年輕人不要天真地把學歷當作通往富裕和自由的保證。
攻擊樓主前先諗諗：究竟你回應既問題同樓主回應既係唔係一樣。
中國好多大企業家都無讀過大學你就明啦！ 返工是一場詐騙。
而家開藥房，開美容院，開髮型屋，開餐廳的都係讀書唔成嘅洗頭仔，美容妹，執藥仔，廚師。果d,話窮人如果唔讀書仲更加窮根本就早已被洗腦。 財商與商管最重要，不是學歷，而財商與商管的知識在校永遠學不到因為懂財商懂商管的人永遠不會教書。
富爸爸與窮爸爸的作者羅拔清奇早就講過學校是用來培訓奴隸的。
近代教育的教學校模式採用一式一樣的課程，要求 學生答標準答案，就是為工業革命培訓只能做不會想的工人。你只需擁有熟練的機械式操作，沒有批評性思考就正合那些工業家企業的胃口。這正是羅拔清奇踢爆為何學校不教財商的原因。普羅大眾都懂財商，那有人為企業家打工，做他們的奴隸。
1. DSE已經係相對公平少少嘅遊戲，比大家最少有機會比心機讀書去攞張門票出嚟社會玩；
2. 幫老細供波子：老細大學都無讀又請到你，要諗吓佢有其他過人之處定你有進步空間；
3. sin cos tan：好似教計數，實際係教思維唔好用死一個方法求粒數，套用於生活就係多思考多轉彎。至於劏唔劏稅，就應該係中國歷史教，租賦制、租庸調、兩稅法、一條鞭，自己溫吓書；
4. 中外史：你背嚟考試就當然中環生存唔到，歷史係比你「以史為鑑」，要識得套用同借用；
5. 校長點解要返工：小學校長頂薪$13.2萬、中學校長頂薪$14.7萬，呢個數只係管一間學校算性價比高，而且呢個數都已經生活自由，仲未計有退休公積金。
6. 思考是好事，但要平靜地按受反駁同討論，有助更深入思考。
對：
學歷不是目標，不一定改變生活，不一定賺到錢
學歷只是一些知識型工作的入場卷
做得好唔好 要睇當時天時地利人和
如果天賦不在考試學科上 對不起 在香港係比較困難的 但亦不代表無出路
如果讀書難 不讀書也難 我會寧願做自己可以開心做好的
還好的是 肯努力總會有飯食
不對：
錢財不是人生唯一目標
校長可能真係有心作育英才
而且佢退休金係好和味 食盡對佢個人，社會同學子都有益
Again, 學歷，錢財都唔係最終目的
係手段，check point, 過程
每個人真正目標係咩？
點樣係所在社會會最有利，開心 ？
個答案每個人都唔一樣
如果盲目相信 入U=美好人生
其實同信 今年屬豬會發財
本質都一樣
都係短暫皆段性 同人講你就信
1. 學校某程度係馴化人嘅地方，要社教化一個人，教佢要聽指示，要你學最基本嘅知識。
2.而家的確係學歷有貶值，可能讀完出來好難好高月入。但如果你唔係有乜技能，又唔讀書，你一樣係做基層工。
3. 讀書+拎沙紙唔可以令你發達，但唔代表你可以唔學其他嘢去令自己識更多。
4.外國有班有錢人選擇讀讀吓唔讀，但人哋本身以前係成績幾好，好知自己想做乜，而唔係單純「唔想讀就唔讀。」
5.校長的確係返工，但人哋社會地位+月入都高嘅，你確定今日嘅你若不讀書，他日的你，成就比校長更高？
6.好多有錢人/政治人物嘅仔女，咪一樣外國名牌大學畢業(唔理佢地係點入學)，總之都係好多「沙紙」。
🤣🤣🤣
第一句話學校係最大嘅scam, 下面只講過付出廿年青春同廿萬
而嗰廿年青春約一半時間你連獨留在家都無權利、之後十年大概有1/3係假期；而嗰廿萬9成唔係你出
期間學識左兩文三語、listing（寫手冊）、filing（執書包）、睇行程、時間管理、甚至親身體驗委任同民主制度、仲識到大概100-200位本來三唔識7嘅人
每個人價值觀雖然唔同、但點計點睇最多都係叫做唔抵、無稱得上咩大騙局
而最後提到奴隸加工廠亦唔貼題、奴隸係擺明剝削、唔係scam。畢業後亦唔係一條龍幫你安排返奴隸工、極端講你有自由乞食或者申請綜緩、因為你喺學校學識左文字、可以寫乞討慘文同填form
你真係幼稚，你書唔讀完你條路仲難行吖。冇錯，話書中自有黃金屋係氹你讀，但唔係搵你笨係為你好。讀書係俾人睇你嘅其中一個標準，同一個準則評分既野點解人地做到你做唔到？或者做到幾多個百分比？之後你出社會人地咪用呢樣野嚟做一個寫照，唔係三唔識七一個陌生人邊有興趣知你内心人品係點？相睇吖？你試吓上另一半屋企見佢屋企人，你估有學歷同無學歷有無分別？又當你自己係父母，你個女帶個男仔返屋企食飯，佢有學歷同冇學歷你對佢個感覺係咪又一樣？唔好咁天真成日要個世界就你。
某程度同意你嘅講法，學校係一個培育乖乖嘅奴隸教育學院，由細到大啲人都係叫你努力啲讀書讀多啲書，就會有好嘅出路。
當然啦，有張沙紙點都好過冇嘅。但係同樣會令你一出嚟做嘢就孭住學債。
問題係而家嚟緊嘅下一代將會更加辛苦，因為而家點樣說服佢哋努力讀書，但係AI好快取代晒佢哋所學嘅知識。有時我甚至覺得既然都有AI根本就沒有補習老師嘅存在必要。
甚至將來我覺得連一般嘅學校嘅存在都係一個問題。而家啲人小學已經用AI嚟做功課，根本都唔需要用腦。
認同 我就係曾經為咗張沙紙
讀咗乞食科 真係等於廢紙
我諗樓主都係一樣 中咗乞食科Scam
好多人都唔明沙紙= 廢紙 嘅無奈
點解？ 因為冇沙紙？ 因為讀咗專科？
如果讀咗專科，就真係有用嘅
但讀咗乞食科 而且非三大嘅話，
真係仲衰過中三綴學
人哋一早有多年工作經驗 人生歷練
而有張廢紙嘅你 只會成個孔乙己咁
慘劇收場…
所以讀書唔應該為左張沙紙
而應該為左投身邊個行業
學習有關嘅知識或技能
你可以選擇唔讀書，但你搵工時，限制比較多，結果可能係只可以選擇做較勞動性嘅工作。相反，你讀完書，有多d options，可以選擇更多唔同嘅工作。
講到尾，無人話讀大學一定會搵到份好工，賺好多錢，但佢可以比到你多一個選擇嘅機會。大學畢業只不過係一個起步點，一個人成唔成功最後都係靠你自己嘅努力。
不過睇你嘅post，你似係只會怨天尤人，呢個世界係無懷才不遇嘅人，只係你態度嘅問題。
作為一個教畜，我都想回應下你，呢個年代，考試下幫緊個社會判斷你有幾多料(包括智慧﹑溝通能力﹑解難能力﹑細心等等) 呢個年代冇乜師徒制﹑亦無得試工，請一個素未謀面既人，唯一既判斷就係學歷同工作經驗，坦白講，出黎做野一段時間，冇乜人會再睇你學歷(大公司/政府制度除外) ，但你工作經驗又未有，學歷又冇，咁你想人點請你？
成篇文唯一正確嘅論點 就只有 ’入到U第時就執金‘ 呢句真係唔太正確
但係呢一句係80年代千真萬確 係個個時代 大學生的確係人上人 同古代考到個秀才差唔多
但係呢句亦都唔係完全錯 而家時代唔同左 阿豬阿狗都係大學生 入到U唔代表係執到金 但係連U都入唔到 你係屎都冇得食 個個出去見工都係大學生而你唔係 咁老細憑咩請你？
知識係transferable
Sin Cosine Tan 係幫你入去engine
就算讀econ ，都要知條curve 點plot (tan angle )
計稅理論上要會計師，因為中間有堆野(eg tax relief ) 唔係容易既野
仲有，下下都職業導向，學校就係職業學校，理論上，學校直接變成資本家嘅韭菜訓練場所
Btw 見你講嘢都幾冇墨水，一睇，就知你係智商超低嘅教育失敗者！loser 
其實讀書嘅嘢，你唔讀，無人迫到你讀。學校充其量只能迫你返——留意，係返，唔係讀——甚至見過，有人每個禮拜最多返半日。
當冚世界都可以用AI自學，與其浪費時間屌學校教嘅嘢唔啱你，不如諗辦法學你想學嘅嘢把啦，反正睇你個款都唔志在學校成績㗎啦。
利申：我覺得基礎教育去到中三甚至小學就夠。
傻豬黎架，返office工既，有邊個無讀過大學啫？不過我肯定，如果你無大學學位，office工係無你份。
至於你老闆無大學學位，你係講緊開公司果個老闆？咁好正常啫，讀過大學，邊個想自己承擔咁多風險開公司做老闆啫？你以為做老闆又好舒服？
你都可以自己開間公司。到時請碩士博士生幫你挽鞋都得架
唔係讀書冇用，係冇用的人在讀書
同樣IT, 金融畢業嘅
我哋一家，唔算好叻
但就係用咗當日大學教嘅IT知識，去炒科技股，達自財自
頂配嘅，有黃仁勳，Elon Musk
中下游嘅，咪打一世工，高級嘅咪2-3球人工一年
再落一級，咪做到最盡都係一球一年
真係失敗嘅，完全唔識做人嘅，咪中年失業，搵唔到工
唔讀書嘅人入面，只有 10% 係可以做到老闆，而當中有 90% 都係佢本身屋企有米唔愁開飯
你攞 “校長” 做例子就證明你並沒有意識到工作帶來嘅其他其他好處。
讀書只係人生新手村，你係可以 skip tutorial skip 練等，直接打怪，但人生冇 respawn 亦冇絕對攻略，卡關一係就搵 bug 去破關，一係就安逸於此
講到口臭
讀書有無用其實睇你咩階層
正所謂不怕富二代玩物喪志就怕富二代雄心壯志 佢地嘅工作係吃喝玩樂 讀書對佢地嚟講只係錦上添花 無太大意義
對中產階層 佢地人生選擇比較多 讀書真係唔係唯一出路 因為阿爸阿媽留比佢嘅可能已經夠過世
對基層學生嚟講 讀書就真係為數不多嘅出路啦
其實無人講過讀書等於一定搵到錢，呢個世界無包生仔，不過，窮人出身既人，如果想搵到份收入同福利好既工作，係需要學歷既，你提到校長仲要返工，其實有無諗過校長返工已經唔係單純為左錢，仲有社會地位，呢D係廚房佬，送貨佬，外賣佬，地盤佬無辦法去比既
因為佢拎校長呢個例子本身就唔太恰當 校長好多時都唔會喺校內教師主任入面提拔出嚟 而係空降
就算佢用校長黎做例子都好，校長係有社會地位既工作，除左份人工之外，行出去受人尊重都好緊要！
同意樓主，人生要早點找到興趣，目標及結果。真的不要浪費錢讀無謂學位，去外國讀書更加要計算清楚，唔係有錢隨便花，而喺錢留來將來的生活，包括投資及用在有需要的事情。有好多人花在讀書的錢，可能一世制都賺到不到。
學校確實唔係用黎教你點賺錢，而係用黎篩選啲有能力嘅人，為社會prep啲研究人員，做唔到或者唔想做研究人員嘅人就去變成使用呢啲研究成果嘅專業人士
至於想揾錢嘅話就去做生意，但連嗰12年書都讀唔好做生意都唔慌成功
成段嘢logic 錯哂，好多滑坡謬誤和生存者偏差。無錯，有啲有錢人係無咩讀過書。但係全球人口大數據嚟睇，一定係高學歷既平均收入高過低學歷，我哋係從整體大方向去睇，你就拎一兩個outliner 嚟以偏概全。
日常生活要嘅知識，小學教晒俾你
中學教嘅就已經係待人接物嘅生存策略，同埋學習「學習」應有嘅技巧和態度
打得出呢篇文，講得出「學校先係最大嘅Scam」，樓主喺中學完全沒有學習過任何東西
你覺得讀書冇用嘅,咁去做地盤囉,日做夜做,食完今餐 都唔知下餐點,又要擔心判頭拖唔拖糧,有冇得開足工,到三十幾四十歲,又腰酸背痛,又風濕關節炎 ,你讀完書起碼有得坐寫字樓,舒舒服服嘆冷氣開工
人地讀大學同我地讀大學嘅分別係，人地讀大學可以去做矽谷真。人材，我地讀大學一係你出去讀順便攞埋當地身份證睇吓做唔做到人材一係響香港讀完搵2皮🫠
不過認同全球嘅教育制度都係Scam
從來讀書都係進入社會嘅入場券，呢個都係無得反駁。
當每年咁多fresh grad ，你就會諗下人哋點解要揀你？因為係你要fulfill 佢哋嘅要求，而唔係人哋求你。
當然你本身有技能旁身就另作別論～
其實樓主只係表達緊付出左好多努力讀書，但仍然攞緊一份社會底層既人工果仲無力感，同埋學校學既野無法令佢真正想得到既知識學以致用。
於是反思讀書是否唯一出路。
並非讀書係無用。
Palantir 個總裁話
除非你係天生嘅神經異常者 （自閉症，adhd嗰啲）如果唔係你係ai年代讀書都真係冇咩出路，因為ai點都會取代到你
嚟緊反而係以前啲人睇唔起嘅藍領工最安全
我部份認同
咁你咪去做老闆咯
睇你渣兜定發達
唔讀書，高級奴隸都無得你做啊
全世界幾十億人，廣義來講除左極少數特權份子，超級富豪，個撚個都係奴隸啦
你覺得老闆容易做你可以直接去
好多人 靠高學歷 最終脱貧，但並不等於 所有脱貧 的人 都是 靠高學歷！
如果 有大學證書 最終 都 無法脱貧的話，我肯定，這些人 ，如果 沒有大學證書的話，前途 更加 暗淡！
講啱咗 美國喺二十世紀初已經奠定咗教育制度原則
就係訓練 下一代服從性同奴性
要嘅只係記憶力強 唔係創造性強嘅人
所以普羅大眾要搵錢 千祈唔好讀純文純理 對搵錢冇幫助
唔啱嘅我同你掉轉，我拎沙紙，你做外賣仔，讀L左咁多書個思維都重好似生蕃咁樣，睇黎都係白讀🤣🤣似足我識某D外賣同行咁，個腦裝屎重成日覺得自己睇通睇透好撚聰明
本身有錢家底好，就唔一定要讀大學。
但本身係基層草根，讀書係比較好既出路。如果沙紙都無張，一係去創業（失敗率極高），一係去做牛馬。
提升階級唔係咁容易。
我以前都咁諗，但出咗嚟做野先發現 普遍學歷低嘅人個邏輯思維同情緒管控能力係相對差的。 雖然有啲歧視，但呢個的確係我親身體驗。
屌啦 佢地根本溝通唔到
我咁睇 讀大學係應該發展專業要唔係為咗發達 發達係你成為一個專業嘅人之後先開始諗嘅嘢 如果為咗搵食而讀大學咁其實同肚餓所以去跑步係冇乜分別😂
大家成日話學店學店 我想講大家真係講得好啱 大學本質上就係一個販售知識嘅地方 唔同嘅店鋪賣畀你嘅貨品質係會有參差 但買咗返嚟點用又係另一個學問 而家AI咁發達其實某程度上係已經拉近咗好多我地同頂尖人才嘅水平 只係差在我地識唔識搵果啲知識識唔識舉一反三識唔識明辨是非
why is bro copying what Andrew Tate said 😂 Do you have skill issues to get good grades and earn money at the same time. Who said you can’t get 4.0 gpa while achieving financial freedom 🤡
今日仲有人信入咗U等搵到錢？老師自己都唔信啦！三十年前就可能得。
學生日日漫遊網絡世界，真係仲會信呢種說法？起碼高中生無咁天真爛漫啩
讀書唔係將啲知識學以至用，係學習過程了解點思考，計劃，實行，檢討，就算二三十年前都係一樣，讀咁多年書可能乘數表係用得最多。。。🤣
咁係你窮 無得選
大把有錢的去外國 鍍金
根住靠個靚學校名譽揾食
有幾多真係有料
要學野就上網 宜家學校不過係學店
係履歷的一環 幫手揾食
樓主睇得咁通透一定財富自由咗了！
每個人致富方法唔同，你係傳統教育得唔到致富嘅機會但唔代表你要完全抹殺呢件事嘅功能啵。
的確有好多唔讀書都做到成功人仕，但你忽略左更多因為唔讀書而生活艱難嘅大多數人，如果你有讀書，就會知道呢樣叫倖存者偏差
其實冇人嫌錢多，學校校長絕對已經財自，佢地係optional咁返工袋百幾萬一年
教師公積金，你供5%，政府供15%，每年保證回報5%😀
你爾套係新香港爾種第三世界，真係applicable，越唔讀書先越有權有勢
咁你安心做個第三世界文盲，其他真香港人繼續崇優🙏🏻
係呀，讀書就係教你做粒齒輪呀，但你有冇本事自己創業/做兒子先？冇咪乖乖地跟遊戲規則玩，香港地冇張cert隨時屎都冇得你食
學校係俾大部分嘅平常人向上爬，你夠才可以 ignore 社會行自己條路。不過大部分平庸嘅人都一樣，送間公司俾你都run唔掂的。
學校係奴隸加工廠冇錯，但你唔跟遊戲規則玩，你連做奴隸既資格都冇，除非你係制定遊戲規則個個，如果唔係就收聲啦
或者應該計下全港唔讀大學但去到某個收入水平,同埋讀咗大學去到某個收入水平嘅百分比係幾多?咁樣嘅諗法好倖存者偏差