📌 家人(婆婆84歲)躺
共 48 條紀錄
家人(婆婆84歲)躺在醫院差唔多一個月 情況越來越差 醫生一生游說放棄心肺復蘇 (大概前後4次, 昨日說了5分鐘 最後醫生有點發脾氣）
我明白年歲很高 亦沒有好轉方法
而我和家人一直都未下決定
真係好唔捨得
為咗你哋嘅「唔捨得」就忍心要年長家人繼續受苦等到你哋捨得為止？
可能你未見過真正心肺復蘇現場，我望到個老人家肋骨扁哂都唔可以停止cpr既時候，覺得佢真係好冇尊嚴，死左都不得安寧
其實你係咪誤解錯咗
DNACPR 係老人家走個下, 唔急救
但並唔係你簽咗之後, 醫護咩都唔做, 等佢死
只係唔做啲入侵性治療, 例如：胃出血, 一樣會開胃藥, 止血藥比佢, 但係唔會同佢照胃鏡睇吓邊度出血
其實比屋企人舒服咁走, 都係愛佢㗎
利申：外展 old seafood nurse
得醫生呢個外人心痛老人家，唔想佢受苦，到e一刻都要拉住佢，明知佢會痛都死chur住唔放，而你地唯一理由係"唔捨得"，而唔係婆婆仲有心願未完or治療時間仲好短or仲有機會，唔怪得醫生會講到嬲，你地完全自私到站唔住腳
除左斷肋骨 仲會噴血 然後插喉 九成救唔翻 救翻果一成都有九成唔會醒翻 由於佢郁唔到 轉身都未必夠人手做得好足 背部臀部會生壓瘡 活得越耐對佢同家人越是折磨 久病床前無孝子 呢一個月你地唔捨得佢 俾佢受盡折磨甘躺多半年一年 你地只會希望佢快d解脫 放過彼此
我絕對明白身為家人會不捨，但無奈的係你婆婆每次救回來就係受緊 痛與苦。。。
其實最後結果婆婆都係要走，但就無啦啦要經歷幾次痛苦先可以走。
試下做好心理準備，學懂放開
醫生發脾氣可能基於佢嘅專業知識
因為有啲行為好大機會對婆婆帶嚟更大嘅痛苦
例如有聽過去到較差情況時
可能連簡單握手都會出現痛覺
但你哋唔捨得嘅心情都係真實的
有時放唔低就真係放唔低
或者同醫務社工傾吓
會唔會有啲可以一家人好好告別嘅方式
我婆婆今年95歲
岩岩都走咗
由佢有事嘅時候
我哋已經有共識
簽咗醫療指示
即係佢有事嘅時候唔會再插喉 心肺復蘇
因為唔想延長佢嘅痛苦
所以到佢真係要走果時
都算走得安詳 好似瞓著咗咁
對我哋屋企人嚟講係一個好大嘅安慰
醫生不厭其煩地勸你哋，係因為知道婆婆去到要做心肺復蘇法的時候，CPR 是徒勞無功 (futile) 的，只會增加婆婆痛苦和創傷。明白家人一定會覺得唔捨得，但係應該係時候放手， 讓婆婆無痛苦地、有尊嚴地離開吧。
明白好唔捨得
但我做老人院
見太多無法自理無法反應老人家等日子
可能係又尿喉又胃喉加長期臥床
呢個生活狀態可能係維持三年或以上，你同家人係咪OK?
你可以youtube揾下’lucas cpr’睇下係醫院做急救係點
簽dnr唔係乜都唔做由佢走的
只係唔做啲太折磨同痛苦嘅過程
係咪要按到佢啲肋骨斷晒你哋先肯罷休？
「我和家人」係主體，而家嘅決定係為你哋嘅感受，係你哋你哋你哋，完全係為你哋，唔係自私係乜？
Let her go 啦
咁大年紀
做CPR唔會有奇蹟發生
點唔捨得都好 生老病死都係必然….
順其自然 多啲陪伴 舒舒服服咁走就最好
換轉黎諗 你84歲想唔想人幫你做CPR
你唔好諗喺病床嗰個係你婆婆 你諗嗰個係你自己 咁你就好容易可以做到決定
如果繼續治療係能夠將病情逆轉變好，咁唔駛講乜都應該做；
如果搓返醒都係迷迷糊糊或者清醒地痛苦，婆婆自己係受苦受難果個。你哋一班子孫只係唔敢做決定、唔想做醜人。
所謂捨唔捨得只係自欺欺人，俾你拖多幾多日、幾多個月你先會捨得？佢健康時你對佢好就夠，你見佢辛苦就簽名唔駛佢再捱落去。
你哋唔做決定係殘忍地要婆婆繼續受苦，令到你們自己好偽善咁話自己唔捨得、有幾傷心。變相食緊人血饅頭。
DNACPR（Do Not Attempt Cardiopulmonary Resuscitation，不作心肺復甦術）是一種醫學指令，明確指示若患者心跳或呼吸停止時，醫護人員不應進行心肺復甦術（CPR）、插管或電擊等急救措施。這通常適用於晚期絕症、不可逆轉的預後不良患者，旨在讓患者尊嚴離世，避免無效醫療帶來的額外痛苦。
Resuscitation Council UK
Resuscitation Council UK
+5
DNACPR 的關鍵要點：
定義： 指當患者臨終或發生心肺功能停止時，醫護不嘗試進行 CPR。
與 CPR 區別： DNACPR 只涉及是否施行 CPR，不影響其他治療，如吸氧、輸液、緩解痛苦的藥物治療等。
簽署人： 通常由醫生根據病況與患者或其家人共同決定並簽署。
法律效力： 在醫療場景中（如醫院），它是一個有效的醫療決定。
適用場景： 患有晚期癌症、長期多病住院、或是任何即使進行急救也無法改變死亡結果的絕症。
其實醫生預計到婆婆既情況係不可逆轉的話
屋企人真係應該認真考慮放棄心肺復蘇呢個建議
因為當婆婆心臟停頓而無唔做心肺復蘇既指示
醫護會即刻進行心肺復蘇
到時兵荒馬亂 屋企人情緒更激動仲難做決定
同屋企人冷靜坐低認真傾下
我做左護士十幾年
想同你分享一個感受
死得舒服 其實都係一種福氣
唔係每個人都有福氣有呢個經歷
婆婆有無機會有呢個福氣
某程度上都係靠你地
會難過完全明白
屋企人唔捨得放手都係人之常情
但你諗諗人生去到最尾階段求咩野
大部分人其實都係求舒服
希望分享幫到你🙏🏻
老豆臨走之前，醫生一樣又咁嘅option同建議畀我哋，當時qe嘅醫生好好，佢講得好詳細話畀我哋聽真係會好痛，特別係老豆嘅情況長期臥床營養冇咁好啲骨本身就已經脆弱咗，有機會會撳到佢啲骨插返落去佢啲器官 ，救返都只係吊住條命咁
我明會好唔捨得，心裏面諗住一個或者呢？ 可能佢會好得返 ，到時候同佢去飲茶散步幾開心
但係無奈最後我都係要落決定同意唔好急救唔好cpr，我需要說服埋我媽咪 ，因為佢哋感情好好，我又係唯一嘅大仔，我其他兄弟姊妹得啲妹
最後令到我落到決定就係諗起細個，條友仔帶我去公園玩，唔知點樣跑嚟跑去，跟住我整損咗，跟住佢就孭起我
佢一路孭住我我一路同佢講話其實我都行到啦，唔使咁麻煩
跟住佢話咁我費事你痛呀嘛
係囉，我都費事佢痛
希望俾到個參考你
幾唔捨得都好，唔好咁自私，放過婆婆啦，佢已經84歲喇，唔好俾佢再suffer啦
做CPR真係會搓到斷晒肋骨㗎
如果你真係見過人哋點搓CPR，你就知有幾折磨同痛苦呀喇
人始終都要走，俾佢舒舒服服咁走啦，當係對佢最後嘅尊重同祝福，放過佢放過自己呀
因為成日都見到好多救得返來都只係識抖氣，跟住再瞓到全身爛埋先走暨病人，所以當我老公驗出末期兼已擴散全身器官時，醫生一問我已即刻簽左放棄，雖然佢未夠60歲，但唔想見到佢臨尾仲要甘辛苦
我估計呢位醫生係一位好醫生，展現左人文關懐。
其實該醫生嘅建議唔係請病人家屬放棄治療，只係唔想係最危急嘅時候，做一D對病人冇幫助而且會增加痛苦嘅搶救工作。
先父當年喺醫院嗰陣，醫生有日打嚟講完佢個情況後，問完我哋就直接答唔好勉強，因為聽返嚟都係會令個病人好痛苦
到最尾佢可以舒舒服服咁走，我哋屋企人可以好好地同佢道別，呢樣係大家作為一家人嘅共識
然後過多幾年到我去學急救，終於知道CPR嘅壓係咩嘅一回事，用盡全身力度連續按壓30秒，不斷用電流刺激心臟，loop到直至有返心跳
你哋再好好考慮啦
我都係醫護 搓過唔少人
上面有好多人講左 CPR中途會斷肋骨 、我地會好大力搓 甚至有埋LUCAS（打樁機）我就唔詳講喇 因為好基本
不如講吓如果搓得起 會發生咩事
搓起左之後 就算原本Cpr中途無插氣喉嘅 都要即插兼上呼吸機去維持呼吸 保護氣道 好多時都會插到流血
另外 因為已經無辦法由口食藥 所以要插胃喉 仲可能因為咁插到流鼻血（都要插架喇）
多數都會插埋尿喉 密切觀察尿量、hydration status
插幾個鹽水豆去落強心藥、鹽水+/-其他藥 （仲要CPR過嘅病人通常好難種豆 可能要拮好多次）
抽唔同嘅血去做檢查
每個鐘都要量血壓
最差嘅情況係做完呢堆野 只係過左兩個鐘都唔夠
d Adrenaline Effect無哂 婆婆捱唔住又再搓過 而且呢個情況係經常性發生
有好多時 我地明知Cpr對個病人講係無效治療（futile treatment）你估我地唔知道個病人一把年紀 99%救唔返 都仲要延長佢嘅痛苦 但我地職業上嚟講就無得唔做
只係想你知道 適當嘅放手都係一種愛
Patient 本人其實好辛苦，嘗試站在不同角度分析每個決定會帶來什麼及導向結果
對老人家做 CPR唔斷1,2條肋骨叫氣功，對手輕輕壓心口先做到。
🙋🏻♂️花甲老翁here
年紀已經到咗呢邊會被成日扚去驗呢驗路
上次個醫生「忽然」見到電腦記錄我有DNACPR
「點解嘅？」
「Enough is enough 」
😊
家母身患長期病，一日差過一日。仲記得佢入院嗰日我要返工，推入病房前佢打咗個視象電話嚟話要見下我，佢同我講佢覺得自己唔會出到嚟。嗰陣Covid一定要白車入院，去唔返平日跟開佢嘅醫院，放咗工無得去睇佢，但佢神智已經好迷糊。我打俾佢，佢最後聽我電話，只係講咗佢入咗邊間醫院就收咗我線。唔到兩個鐘，老豆打嚟叫我哋即刻去醫院，趕到去門口無得入，我哋不停撳鐘，護士一直話未得。我係好唔捨得，只係想見佢一眼。最後醫生出嚟，佢話做咗兩round resuscitation，終於幫媽媽插晒喉俾我哋睇。當時我同哥哥破口大罵，媽媽病咗咁耐已經皮包骨，仲搓佢做咩？搓完佢會起身同我哋傾偈咩？會好返咩？後來，媽媽喺幾個鐘後走咗。
如果呢件事係咪都要發生，我情願佢安安靜靜咁走，佢呢一世人受夠喇，實在唔使喺臨走前受呢啲苦。
所以奉勸所有健在年長人仕，最好預早跟家人堅決說明自己的意向，免得日後在自己冇能力決定時，家人為著不捨得，自己要受著病痛折磨還被不停的救回來受苦，那怕被按至肋骨骨折也冇能力反抗！利申：醫院工作多年
你諗下佢CPR完 係咪會好返？
又要斷骨 又要插晒喉
長期訓床用尿片又易有壓瘡
如果佢有糖尿傷口又難好
有口不能言 不能活動 每日訓係到望住個天花板等你地尼探佢個幾粒鐘…. 係咪你婆婆希望的年老生活..
情感上的確好難好理性 唔捨得好正常
比家人體面咁離去 學會放手 都係好緊要🥲
明白係難決定，但試吓從老人家感受去諗，或者會易啲明白應該點做
你忍心見到佢比人搓到斷晒骨？都係為左吊住條命，插晒喉咁認都唔認得你地？
就係因為你既唔捨得就令到婆婆不停受苦，真係好撚自私！
我弟弟正在深切治療部，因為去年底得知腎功能沒了，還尿道炎、肺癆菌入侵，沿著脊液上腦引致腦膜炎，因抽搐而昏迷了，今天是8天，我們家也希望他能脫離苦海，讓他安睡的模樣走，可是維生指數正常當中，當初抽筋時笧壓只有70幾，醫生還未有向我們發出DNR同意書，每天見他昏迷著，插著各種的喉管，對我們來說也是折磨。
婆婆要捱住痛楚，每一秒都過得辛苦，就係要滿足在生嘅後輩話「唔捨得」！其實過到今次，下次垂危又好快到，老人家器官都攰啦，唔捱得。救得到今次，之後要長期照顧，你哋有冇諗過？邊個做？費用邊個出？實際需要！唔通仲期望老人家佢自己照顧自己？